نصيحة بخصوص صيانة لابتوب اسوس
السلام عليكم و رحمة الله
انا محتاج منكم النصيحة الأكيدة في قصة صيانة اللابتوب
باختصار شديد انا عندي حاليا لابتوب ASUS F5RL
https://emailimages.misco.co.uk/prod...124768-ani.gif
مرة واحدة فصل و وديته لصيانة في البستان قالي دايرة باور و اخد مني 180 جنيه
فوجئت بعدها بيقولي الديفيدي درايف عامل كونفليكت و هو اللي بيحرق دايرة الباور و لازم نشيله
قولت مافيش مشاكل شلته و خليته معايا
و لقيت بعدها النوت باد فصل كمان و بيقولي ده مجرد تعريف ليها بس .. غيرت بعد كده على ويندوز 7 و ما اشتغلتش برضه
-------------------
و من قبلها و ده عطل للأمانة من عندي من قبل ما يعطل ان سماعة فيه فاصلة
و ابن اخويا كسر سوكت يو اس بي الخلفي لأنه ركب الماوس غلط
يعني الجهاز شبه مدمر تقريبا يعني و فاضل الشاشة بس :ah7:
-----------------------------------
يعني دلوقتي المشاكل اللي فيه بالترتيب
1 - DVD Drive على كلام اللي عمل صيانة انه بيعمل كونفليكت و ما اعتقدش انه سبب مقنع لأنه كان شغال عادي جدا و جربته عند واحد بتاع صيانة في نفس المول قالي الدرايف شغال عادي ما فيش مشاكل منه
و خفت اركبه يحرق دايرة الباور من تاني على كلام الراجل بتاع الصيانة
2 - الماوس باد فاصلة و عايز اعرف السبب و تتصلح و لا لأ .
3 - عايز اغير السماعة اللي فاصلة فيه
4 - تغيير سوكت يو اس بي
تنصحني اروح فين و لمين و تقريبا بكااام الصيانة دي كلها و ياريت لو كل خانة لوحدها عشان اشوف الميزانية بتاعت التظبيط بتاعه
و سؤال اخير خارج القسم اصلا بس مش مستاهل اعمله موضوع لوحده
سعر External DVD Writer بكام
شكرا على نصيحتكم و دايما مغلبكم معايا :)