أغرب حاجة شفتها فى حياتى . درجة حرارة البروسيسور 197 تحت الصفر

بسم الله الرحمن الرحيم

وانا بتجول فى النت لقيت ملف فيديوا اسمه شدنى وهو - طبعا بعد ترجمتة للعربى- استخدام الهيدروجين السائل فى التبريد
فنزلت الملف بسرعة واتفرجت
وبعد ما اتفرجت جالى حالة هستريا وقعدت اتنطط واتشقلب فى الجو وفضلت ابرق للكمبيوتر وانا بتفرج على الفيلم
المهم انا بكتب الموضوع ده بعد ما اعصابى رجعتلى وبقيت فى حالتى الطبيعية
ودلوقتى هقولكم انا شفت ايه فى الفيلم
اولا هو عبارة عن تجربة فى شخص عملها ومصور نفسة وهو بيعمل التجربة


اول حاجة عمل نظام تبريد للشيبات اللى فى البوردة بنظام الفريون زى اللى فى التلاجات بالظبط وفعلا جاب ماتور تلاجة وركب كل حاجة ووصل الفريون فى ماسورة وعداها على الشيبات اللى فى البورده وبعدين شغل الجهاز ودخل على البيوس وشاف درجة الحراره - خلى بالك هو لغاية دلوقتى مركبش نظام التبريد بالهيدروجي السائل اللى قولنا عليه - المهم لقى الحرارة كام
:eek: :eek: :eek: :eek: :eek: :eek: :eek: :eek:
درجة حرارة المازربورد خمس درجات مؤوية
ودرجة حرارة البروسيسور 111 تحت الصفر
:eek: :eek: :eek: :eek: :eek::eek: :eek: :eek:
طبعا مش مصدق - ولا انا - المهم يا سيدى طفا الجهاز وبدأ يشتغل فى نظام التبريد بالهيدروجين السائل
طبعا كلنا عارفين ان درجة حرارة الهيدروجين السائل بتوصل 250 درجة تحت الصفر
ونظام الهيدروجين ده عبارة عن عمود من النحاس معزول حراريا من الخارج ومجوف من الداخل ومليان بالهيدروجين من جوة ومتركب فوق البرويسيسور
وبعد ما ركب النظام ده وشغل الجهاز وبدأ يملى العمود ده بالهيدروجين - طبعا نظام تبريد الفريون بتاع الشيبات لسة متركب- اتفرج بقى على اللى حصل فى الجهاز
اولا البروسيسور سرعتة 4.5 جيجا بعد ما حط نص العمود هيدروجين السرعة وصلت
5000 ميجا هرتز
ودرجة الحرارة 171 تحت الصفر

درجة الحرارة ده معجبتهوش قام مزود كمان شوية هيدروجين . السرعة وصلت
5100 ميجا هيرتز
ودرجة الحرارة 179 درجة تحت الصفر

بردة معجبهوش قام مالى العمود على أخرة بالنيتروجين السرعة وصلت
5255 ميجا هرتز
درجة الحرارة 196 درجة تحت الصفر

وطبعا ال bus speed نطت فى السما زى ما هتشوف فى الفيلم

بس اعزرونى انا معرفتش ارفع الفيلم ده بس جبتلكم وصلات تورنت لة على موقعين
الموقع الأول https://www.arabfiles.info
وده اللينك https://www.arabfiles.info/details.php?id=960&
الموقع التانى https://bitspyder.net
وده اللينك https://bitspyder.net/details.php?id=1013
والموقعين لازم تشترك عليهم علشان تعرف تنزل الملف


وفى اخر الموضوع مش عايز حد يتكلم عن تبريد المعالجات تانى علشان انا عايز افضل بعقلى لحد ما اموت مش عايز اتجنن

التبريد بالنيتروجين السائل من الأساليب المعروفة للوصول لترددات عالية لفترة قصيرة :)

مشكور اخوي

وهذا الموضوع تكرر اكثر من مره ...!!