مشكلة لما نقلت من Vue لـ Prometric
انا كنت بمتحن مع فيو ونقلت مع برومترك وأمتحنت من اكتر من تلات اسابيع ومركز الأمتحان قالولي راسل ميكروسوفت واشرحلهم وضع أنتقالك من فيو لبرومترك وبعت كذا رسالة للعنوان دة :
emeamcp @ msdirectservices . com
ودة كمان :
mcphelp @ microsoft . com
ومجاش منهم اي رد مع العلم اني بعت كذا مرة عشان يعملو للبروفيل بتاعي Update لكن البرفيل زي مهو ... وبرغم اني عديت الأمتحان الا ان حالة الأمتحان مكتوبة Pending في بروفيلي علي موقع برومترك يعني موقوف او معلق لغاية ميكروسوفت متجدد قاعدة بياناتي لكن مفيش حاجة بتجدد وكل يوم ابعت للعنوين اللي فوق دي بياناتي وشرح المشكلة ومحدش بيرد ياريت لو حد قابلتة المشكلة دي يقولي اية العمل في الموقف دة
وشكرا ليكم جميعا
رد: مشكلة لما نقلت من Vue لـ Prometric
السلام عليكم ورحمة الله وبركاته
معلش الموضوع فيه نقطتين
النقطه الاولى الاستاذ اللي سجلك في برومتريك الامتحان كان لازم يدخل ال mcp id بتاعك علشان متحصلكش المشكله ديه يارب يسامحه لو كان خبرته قليله ومكنش اهمال وتتنطيش منه
النقطه التانيه غباء مايكروسوفت لان برومترك معروف عنها انها بتاخر النتائج جدا جدا و مع كده خلتها هيا المسئوله عن امتحانتها الموضوع كله تجاره في تجاره
اللي انت عملته صح بس استنى شويه او كلمهم بالتليفون
الموضوع سهل جدا
اشتري اي رصيد في skype و دور على نمرة مايكروسوفت المجانيه
و كلمهم بالساعت ببلاش
و اقرفهم هيسرعلك الموضوع اكتر
رد: مشكلة لما نقلت من Vue لـ Prometric
شكرا ليك يا اخ جودة علي الأهتمام والرد
بالنسبة للتسجيل في الأمتحان فهو كان بيسجل قدامي ودخل ال MCP ID القديم في الخانة اللي بعد الأيميل لكن في جميع الحالات قالي في المركز لازم تبعت رسالة لميكروسوفت قبل او بعد الأمتحان عشان هما اللي هيعملو Update للبروفيل وقبل مبدأ امتحن مع برومترك عديت علي عدة مراكز تبع برومترك أسألهم اية المطلوب في مسألة الأنتقال دي قالولي كلهم نفس الرد
ولما راسلت ميكروسوفت كذا مرة ومحدش رد قلت اجرب واراسل الدعم الفني في فيو وبرومترك وأستقبلت منهم نفس الرد بأن ميكروسوفت هي اللي مسؤلة عن ال Update للبروفيل وكل واحد بعتلي عنوان mcphelp @ microsoft . com عشان ابعت علية رسالة فيها تعريف المشكلة علي أساس هما يحلوها ويعملولي update ولكن طبعا انا ببعت رسايل ومحدش بيرد ومن كتر الرسايل خايف يفتكروها Spam ويحطو حسابي في Black List
بس عيب والله علي شركة عالمية زي دي لما نطلب منهم مساعدة ومحدش يعبرنا وخصوصا انهم سبب الورطة اللي احنا فيها دي ... كنا مع فيو ومفيش مشاكل اية لزومها اللخبطة دي دلوقتي وخصوصا ان العملية مش مستهالة وكلها أمتحانين ونخلص
وهحاول اكلمهم بالارقام اللي هنا :
https://www.microsoft.com/learning/support/africa.mspx
بس في حد تكلمة بالعربي ولا كلة انجليزي لاني مجربتش اكلمهم قبل كدة لاني هكلمهم علي الرقم بتاع شمال افريقيا وشكرا ليك مرة ثانية
رد: مشكلة لما نقلت من Vue لـ Prometric
لاء لازم انجليزي لو عندك مشكله في الانجليزي
هغلبك معايا
ابعتلي تفاصيلك كامله
اسمك زي ما هوا ظاهر في شهاة مايكروسوفت
و رقم mcpid بتاعك
و ياريت تعملي سكان للنتيجه بتاعتك بتاعت الامتحان الاخير (الورقه اللي استلمتها منهم اللي بتفيد نجاحك)
وايميلك بدون كلمة السر (المسجل عندهم)
وانا هكلمهم على اني انا انتا
رد: مشكلة لما نقلت من Vue لـ Prometric
لا عادي اذا كان علي الأنجليزي مقدور علية بس هحاول أخر محاولة معاهم علي الأيميل وبعد كام يوم كدة لو منفعش هكلمهم
رد: مشكلة لما نقلت من Vue لـ Prometric
حصل مع واحد صحبى نفس الموضوع امت اشتركت فى موضوع السكاند شوت second shot( اصل ده نظام لبروميتريك بس يعنى ده تاكيد انك دلواتى مشترك فى بروميترك ) و بعت لميكروسوفت على الايميل انه بقى بروميتريك و بياناته و رقم السكاند شوت الىاتبعتلى من بروميترك امت ميكروسوفت بعتالى و قالتلى ابعت صوره من الاسكور بتاعت الامتحانات ( الى هيه الورقه الى بتطلعلك بعد الامتحان الى فيها درجاتك و بياناتك تاخدها على الاسكنر و تبعتها اتشمنت الى ايميل ميكروسوفت الخاص بالشرق الاوسط ) و ده بالامتحانات الى ما اضافتش و بعدين بعتتلى بعديها بكام يوم انها اكتشفت خطا و انها حتعمل ابديت للبروفيل بالامحتانات الى ما اتسجلتش و ده اكيد و توكل على الله و لو عايز الايميل الى حتراسلهم عليه هوه واحد بس و سيبك من كل الايميلات و هوه emeamcp(at)msdirectservices.com ( شيل (at) و حط بدلها @) و ده يا باشا الخاص بميروكوسفت الشرق الاوسط الى موجود فى سنغافوره بس حيبعتلك ايميل و حيقولك استنى من يوم الى يومين استنى ما تستعجلس عشان هما عليهم ضغط شغل كتير , و شكرا
رد: مشكلة لما نقلت من Vue لـ Prometric
ياجماعه لو سمحتم عايزين نص الرساله اللى هيتبعت
لانى انا امتحنت امتحنين تبع فيو وناو ادخل الثالث اهو ان شاء الله
تبع ببرومترك ياريت تنصحونى اعمل ايه بالظبط قبل ما اقدم للامتحان
عشان ميحصلش اى لغبطه
رد: مشكلة لما نقلت من Vue لـ Prometric
ahmedscondo https://www.arabhardware.net/forum/i...ser_online.gif
اخى العزيز مش كل الى بيغير بيحصل معاه كده ديه حظوظ بصراحه بس المهم اول ما تغير اشترك فى موضوع السكاند شوت second shot و ده بتاع ميكروسوفت و بروميترك فقط يعنى ده تاكيد انك بقيت بتمتحن فى بروميترك و سيبها على الله و باذن الله يكون حظك حلو و ماتحصلش مشاكل معاك