ارجو المساعدة في مشكلة كارت الشاشة

بسم الله الرحمن الرحيم

اخواني عباقرة المنتدى
السلام عليكم و رحمة الله و بركاته

بداية المشكلة انا جبت كارت شاشة من اسبوعين ATI RADEON X 1950 pro
جديد و معاه ضمان سنه

الكارت كان شغال باداء ممتاز طوال الأسبوعين الماضيين لكن اول امس وانا شغال الكمبيوتر طفى بدون اي مقدمات لا صوت ولا لغبطة في الشاشة

حاولت اشغله اكثر من مره كل مره الباور سبلاي يشتغل لأقل من ثانية بدون مبالغة يادوب باشوف ومضة لمبة الباور سبلاي و يطفي تاني

غيرت البروسيسسور و الباور سبلاي نفس المشكلة

لكن اول ما شلت كارت الشاشة الجهاز اشتغل
جربت كارت غيره اشتغل الجهاز زي الفل
جربت الكارت بتاعي في جهاز تاني و حصلت المشكلة في الجهاز التاني

شركة الصيانة اللي يتبعها الضمان اجازة لبعد العيد

هل في حل للمشكلة سريع و سهل بدل ما انتظر حوالي 20 يوم من غير الكمبيوتر ؟

مع العلم ان الكارت له وصلة باور سبلاي خاصة و مع ذلك لما باشيلها و اشغل الجهاز لاحظت انه في اللحظة اللي بيشتغلها مروحة كارت الشاشة بتشتغل رغم ان الباور بتاعه مش راكب

انا عندي باور سبلاي مازوري شغال ممتاز 36 امبير لل 12 فولت و مازر بورد GA-945 p S3

و اخيرا كل عام و انتم بخير

لأسباب عديدة... أعتقد أن لا كلام أفضل من كلام الشركة الملزمة بالصيانة، فصبر جميل أخي.
النديم

جزاك الله خير للنصيحة اخي النديم