مساعدة في شراء كمبيوتر وشاشة

السلام عليكم.. مبارك عليكم الشهر.. أنا عضو جديد وإن شاء الله أكون فعّال وأفيد وأستفيد :)

المهم.. أنا من النوع اللي يحب التصميم بمختلف أنواعه.. أصمم فيديوهات وصور و3D وصوت أحيانًا.. يعني برامج ثقيييلة..ومعظمها ADOBE.. وأبي أشتري كمبيوتر جاهز.. بس ما عندي ميزانية كبيرة.. وطبعًا أنا شغال على ويندوز فيستا

المهم لقيت كمبيوتر.. بسعر ممتاز (عند واحد من معارفي).. بس أبي رأيكم فيه (لأني زي ما قلت أستخدم برامج كبيرة جدًا للفيديوهات والصور والـ3D)...اللي هو HP Pavilion Elite m9342 .. وهذي صفحة الجهاز مع مواصفاته:-

https://h10025.www1.hp.com/ewfrf/wc/...1002_USEN#N344

ميزانيتي للجهاز (هذا أو غيره) : ما بين 2000 - 4200

ملاحظة: أنا أبي أشتري جهاز من شركة جاهز.. ما أبي أجمّع جهاز وأركّبه
--------------------------------------------------
نبدأ في موضوع الشاشة:المشكلة ميزانيتي للشاشة معقولة.. وأنا أبي يكون فيها HDMI أهم شي.. مو مهم أبعادها.. وتكون صااافية وسريعة نسبيًا..

ميزانيتي للشاشة : ما بين 500 - 1100

------------------------------------------------

وآسف جدًا على الإطالة.. وأنتظر مساعدتكم تكفوووون في أسرع وقت.. لأني بأشتري أيييي شي خلال الـ24 ساعة القادمة..

سلام عليكم

انا عندي شاشة HP w2408h و فيها HDMI

شاشة بصراحة مستوى 24 بوصة و تاخذ راحتك

بس سعرها شوي ثقيل ... :cool:

يعني كلفتني تقريباً 240 دينار بحريني

في حدود 2400 ريال

ونسيت أقول ليك - فيها خاصية الإنقلاب 90 درجة -



تحياتي ......................................

اقتباس:

---

سلام عليكم

انا عندي شاشة HP w2408h و فيها HDMI

شاشة بصراحة مستوى 24 بوصة و تاخذ راحتك

بس سعرها شوي ثقيل ...

يعني كلفتني تقريباً 240 دينار بحريني

في حدود 2400 ريال

ونسيت أقول ليك - فيها خاصية الإنقلاب 90 درجة -

---

هلا وغلا اخوي.. مشكور على مرورك وردّك.. بالنسبة للشاشة أنا أقصى ميزانية لي 1100 ريال.. ولو للضرورة أقدر أوصلها 1200 ريال كأقصى حد.. أما الشاشة اللي عندك قد شفت مواصفاتها (خيالية) بس غااالية على الميزانية الحالية.. وأنا ما يهمني حجم الشاشة انه كبير.. لكن يهمني ان فيها HDMI

بعد السلام عليكم
انا اطلعت على مواصفات جهازك اللي ذكرته HP Pavilion Elite m9342 فهو جهاز ممتاز لاكن كرت الشاشة اللي فيه من النوع DDR2 وليست مشكلة كبيرة لاكن كم سعر الجهاز ؟؟!!

لاكن ليش ما تشتري جهاز مجمع فهو ارخص وافضل ! لان الاجهزة الجاهزة غالية نسبيا مقارنة مع المجمعة !
وتقدر تضيف كرت شاشه DDR3

وانا افضلك تاخذ معالج من نوع AMD لانه افضل للتصاميم و 3D !
وانا مثلك احب التصميم بجميع انوعه و AMD ارتحت معاه 100 100

وعفوا على الاطالة

مشكور على مرورك يالغالي.. أنا خلاص بأجمّع جهاز زما بشتري جاهز.. بس عندي كم سؤال: -

1- البروسيسور AMD أو Intel اللي ممكن يفيدني في كل شي ( ألعاب قوية - برامج قوية - 3D - فوتوشوب - فيديو إيديتينج - إلخ.. ).. وأي نوع منها بالضبط لأني ما أعرف أي نوع من AMD وأعرف ان كور 2 كواد ممتاز..

2- كرت الفيديو لو كان Nvidia وحجمه 512 أو 1 جيجا وفيه HDMi و VGA أو DVI كم بيكلف؟

3- كم تكلف رامات من أفضل الأنواع 4 جيجا؟

4- المذربورد وش أفضل مواصفات؟ وكم سعرها؟

5- كم يكلفني كروت WI-FI و Bluetooth؟

6- ميزانيتي للجهاز (بدون الشاشة) أقصى شي 3500 ريال سعودي.. تكفي؟هذا اقصى شي أقدر عليه