عرض للطباعة
عايز اشترى HP Pavilion dv6870 اللى امكانياته Memory 3072 - Microprocessor 2.10 GHz Intel Core2 Duo processor T8100 Cache 3 MB - Video Graphics NVIDIA GeForce 8400M GS - Hard Drive 250 GB (5400) - وايه رايكم فى امكانياته ولو حد اشترى الجهاز ياريت يفيدنى هلشان انا محتار وسعره كام فى مصر وهو موجود ولالا ياريت حد يفيدنى
انا هاشترى دا
https://www.qitegypt.com/index.php?v...tent&Itemid=55
بس النوع بتاعك الصراحه ماسمعتش عنه بس مواصفاته حلوه بصراحه الموديلات دى جيده وماحدش اشتكى منها
بس على فكره امكانيات جهازك كويسه بس ماقدرش اقولك تمام غير لما اعرف السعر وهابقى اشوف ولو لقيت السعر هاقولك بس صدقنى الموديلات دى جيده فعلا
اقتباس:
المشاركة الأصلية كتبت بواسطة hmadacompaq
حسب اللينك اللى انت وضعته فسعر الجهاز 8150 جنيه
راجع هذا الرابط
https://www.arabhardware.net/forum/c...on-6870ee.html
هو ايه (5400)ده؟ السعر؟
اقتباس:
المشاركة الأصلية كتبت بواسطة مسلم مصري
اعتقد 5400 ده سرعة دوران الهارد
5400 دى سرعة الهارد انا لسه معرفش سعره وهو موجود ولا فى مصر علشان ده جديد ولسه نازل وامكانياته جامده وانا لسه اول مره اشترى لاب توب وانا محتار ولو حد جرب الجهاز ده يفيدنى
طيب راجع الرابط اللي في المشاركة بتاعتي اللي فاتت . اللابتوب 6870 معايا وهو جهاز كويس وعملي وشريه من مصر بس مش عارف هو موجود دلوقتي ولا لأ .وهو مش جديد اوي اتش بي نزلت حاجات جديدة قريبة في المواصفات وقريبة من السعر زي dv1060 ee&dv1070ee وبقلك تاني راجع الينك اللي في المشاركة الي فاتت هيفيدك ...وتحت امرك يا bafa
وممكن تقلي ميزانيتك كام؟:)
مشكور على الرد ان شوفت الاتنين ولقيت واحد منه عامل 7.400 وبالنسبة لميزانيتى فى حدود 6.500 وانا معجب جدا بالجهاز HP Pavilion dv6870 معليش بتقل عليك هو انت اشتريت منين من مصر وايه اخباره معاك من حيث السخونة وغيرها من المشاكل اللى انت عرفها فى الاجهزه دى وبالنسبه للجهاز معاك بالنسبه لالعاب عامله ايه مثل criss وغيرها من الجرافيك العالى اللى نازله جديد شغلها ولالا علشان الواحد يشترى حاجه تنفع فى الالعاب مع حاجتى له فى الشغل وبالنسبة لتعريفات الجهاز موجوده ولالا معاه ياريت ترد على
بالنسبة للسخونة لو وضعته على سطح مستوي خشبي هتبقى سخونيته قليلة بالنسبة لاجهزة كتير شفتها بيسخن اكتر وانتا بتلعب مثلا لعبة زي crysis بس سخونة متقلقش منها .. انا قفلت crysisعليه بس باعدادات منخفضة مفيش اي تقطيع ولا اي مشاكل لكن لو عليت الجرافيك هتقطع وملعبتش عليه الا crysisبس .هو مبيجيش معاه اي سي دي انتا لما تجيب بيكون عليه نسخة vista home وبتعرف في اول مرة بتفتح فيها الجهاز هتعمل الخطوة دي في المكان اللي بتشتري منه وبعدين اول لما تروح تعمل اسطوانات recoveryوتحتفظ بيها هي دي اللي عليها الويندوز والتعريفات لو حصل اي حاجة تنزل ويندوز منها.بص متتخضش لو لقيت الجهاز بطيء في الاول نزل برنامج vista manager واعمل disk defragmenterوالجهاز هيظبط معاك جدا..واقفل ابرامج الكتير اللي بتفتح في startup لانها بتقل الجهاز .لو اهتمامك اكتر بالالعاب وعاوز اداء احسن هات اللي لقيته 7400 لان كارت الشاشة فيه 512.
علشان اشتري الجهاز ده لفيت كتير مكنش موجود ورحت لواحد في الاخر وجبهولي من مكان تاني لان مكنش عنده .هتلاقي فيه في المنتدى مجلة فيها اسعار الهاردوير وفي في الاخر اسامي شركات الكمبيوتر اتصل بيهم ولو انتا من القاهرة انزل لفلك لفة حلوة في الخليفة المامون ..وكمان فيه في المعادي مول ادام فندق كايرو تل بس مش فاكر اسمه ده فيه شركة اسمها xpstores ليها موقع اتصل بيهم وخد عنوانهم ،في المول اللي هما فيه في شركات تانية وكل الناس اللي هناك بيحرقوا على بعض يعني هتلاقي في محل 6500 لو نزلت لشركة تانية في نفس المول وقلتله هيقلك هدهولك ب6300 تنزل لواحدة تالتة وتقله الشركة الفلانية قلتلي 6300 هينزل بيك لحد احسن سعر...عموما الجهاز تمام وبشغله كتير جدا مش اقل مش 10 ساعات في اليوم ومفيش مشاكل -الحمد لله-...ربنا يوفقك ..وابقى قلنا عملت ايه...
مشكور جدا على الرد وعلى المعلومات القيمه وانا هنزل واشوفه ولف لفه كده ويارب القيه موجود وهشوف الاماكن اللى انت قولت عليه وهقولك لما انزل عملت ايه