ارجو النصيحه من خبراء سيسكو

السلام عليكم ورحمه الله وبركاته
انا خلصت سيسكو اكادمى الاربع سميسترات بس الماتريال بتاعت سيسكو اكادمى يا جماعه رغايه بشكل غريب عنيا اتلحست منها ..
من فضلكم اللى امتحن الدولى قبل كده يجاوبنى عن الاسئله التاليه :-
1- افضل كتاب لاجتياز الامتحان - الاسم والاصدار ؟
2- مدة الامتحان ؟
3- عدد الاسئله ؟
4- هل الامتحان نفس نظام امتحانات السميسترات .. يعنى مفهوش لابات هتتنفز عملى ؟
5- هل مطالب انى اجاوب على السؤال اللى يظهرلى مباشرة ولا ممكن اعديه واجاوب غيره وارجعله تانى ؟
6- الحد الادنى للنجاح ؟
معلش يا جماعه الاسئله كتير بس المشكله انى اخدت الكورس مع انستراكتور مش متعاون خالص وندمت انى اخدت الكورس بجد ... حاسس انى تايه وقلقان شويه ..
جزاكم الله خيرا

وعليكم السلام ورحمة الله وبركاته أهل مصر

اخى الكريم انا ايضا درست كورس الاكاديمى والحمدلله نجحت فى الدولى من فترة

1 - افضل كتاب هو Sybex الاصدار السادس بس الصراحه انا راجعت من الفيديوهات اكثر حاجه

2 - مدة الامتحان تختلف بالنسبة لنا كعرب تقريبا ساعتين

3 - عدد الاسئلة من 55 الى 65 سؤال

4 - الامتحان الدولى اسهل من امتحانات الاكاديمى حسب وجهة نظرى بس فى الامتحان الدولى توجود لابات وهى 3 اسئلة عملى حتنفذها شبه الباكت ريسر ..

5 السؤال اللى حتعديه مش حتقدر ترجعله ثانى للأسف ولو ماجاوبتوش حيتحسبلك صفر

6 درجة النجاح 825 من 1000 بس ركز ع اسئلة اللابات عليها درجات اكثر


والله اعلم

اتمنى لك التوفيق واى اسئلة اخرى نحن بالخدمه

تحياتى