بطاقتي الـ XFX GeForce 8600GT تعطّلت، هل هي مشكلة في هذه البطاقة ؟
سلام عليكم يا شباب
القصة باختصار اننى قومت بشراء كارت جرافيك xfx geforce 8600 GT , من احد المحلات فى سوق الكمبيوتر من سنتين و عدة اشهر ..و كان الكارت بضمان كايرو كمبيوتر ...
الكارت كان يعمل بشكل جيد طوال هذة المدة و لكن..
اثناء عملى من اسبوع تقريبا صوت سمعت انفجار يخرج من ناحية الكمبيوتر فؤجئت جدا و تخيلت انة يمكن ان يكون حدث مشكلة فى البور سبلاى مثلا او شىء فى الكهرباء تسببت فى هذا الصوت .. بدائت افصح الجهاز من الخارج لكن لم اجد شىء غير طبيعى و ظل الجهاز يعمل بشكل طبيعى ..
بعدها بيومين بالضبط حدث نفس الصوت اثناء عملى و لكن هذة المرة كان الصوت عنيف جدا و ظهرت رائحة غريبة من الجهاز و ظهرت على الشاشة بعض النقط والخطوط المتقطعةو اهتزاز فى الصورة .
بسرعة اغلقت الجهاز ثم فتحتة لاعرف مصدر هذا الصوت و وجدت ان الرائحة زائدة جهة كارت الجرافيك ,,على الفور قمت باخراج كارت الجرافيك ...
و كانت المفاجئة ان هذة الاصوات المرعبة كان مصدرها كارت الجرافيك بعد ان انفجرت الكثير من مكوناتة و هى الكباسيتورز ..
وجدت حوالى 5 كباسيتور منفجرة و يخرج منها سائل و لها رائحة غريبة كدة ..
قومت على الفور بمراسلة شركة xfx لمحاولة اصلاح الكارت او استبدالة بكارت اخر ..و لكن من خلال النقاش مع مندوبين الدعم الفنى فهمت منهم انة لا يوجد لديهم ممثل فى مصر و ان ضمان الكارت هو مسؤلية الباع اللى قام ببيعة لى ..
اتصلت بصيانة كايرو كمبيوتر فى القاهرة و ابلاغونى انة لا يمكن اصلاح الكارت فى الضامن من خلالى مباشرة و لكن يجب ان يقوم البائع بارسال فتورة شراء الكارت منهم ..
اتصلت بالبائع الذى اشتريت منه الكارت وابلغنى ان الضمان على الكارت انتهى مع بداية العام و انة لا يوجد ضمان للكارت الان ...
و هاكذا انتهى كارت جرافيك ثمنة 1000 جنية خلال سنتين نتيجة شركة تقوم باستخدام مكونات رديئة الصنع فى اجهزتها ..
مع العلم ان الشركة توفر ضمان مدى الحياة لهذة الكروت فى اوروبا و الدول المتقدمة ..
و قد بحثت على النت بالفعل و وجدت الكثير من حوادث انفجرا هذا الموديل بالذات وقام الكثير من اصحابها ياستبدالها من الشركة بكل سهولة ...
السؤال الان ماذا افعل مع التوكيل هنا فى مصر و مع شركة ْxfx اللى ترفض و تتنصل من اى مساعدة فى اصلاح او استبادل الكارت رغم انهم يعرفون انة ردئى ا لصنع
رد: احزرو كروت الجرافيكس من XFX ....خامات رديئة تنفجر بعد مدة من الاستعمال
كل ما استطيع ان اقولة لك........ حادثة فردية يمكن ان تحدث مع اى شركة اخرى
لا تتوجب النداء بعدم شراء كروت XFX لمجرد ان كارت واحد من مئات للالف حدث معة ذلك..
و لكن المشكلة الان فى الضمان.... هل مكتوب على علبة الكرت انة ضمان سنة/سنتين و يتوجب عليك وجود الفاتورة الخاصة بالكرت و اذا كان الكرت مازال فى الضمان توجهة للضمان مباشرة دون مراجعة البائع و معك الكرت و اهم شيى العلبة و الفاتورة.
نصيحة لك اخى .... الكل يعلم ما هى جودة نصنيع بطاقات XFX ... فاذا كنت غاضب لمجرد حدوث هذا معك فانة يدعى (( القدر))
رد: احزرو كروت الجرافيكس من XFX ....خامات رديئة تنفجر بعد مدة من الاستعمال
اقتباس:
المشاركة الأصلية كتبت بواسطة bika08
كل ما استطيع ان اقولة لك........ حادثة فردية يمكن ان تحدث مع اى شركة اخرى
لا تتوجب النداء بعدم شراء كروت XFX لمجرد ان كارت واحد من مئات للالف حدث معة ذلك..
و لكن المشكلة الان فى الضمان.... هل مكتوب على علبة الكرت انة ضمان سنة/سنتين و يتوجب عليك وجود الفاتورة الخاصة بالكرت و اذا كان الكرت مازال فى الضمان توجهة للضمان مباشرة دون مراجعة البائع و معك الكرت و اهم شيى العلبة و الفاتورة.
نصيحة لك اخى .... الكل يعلم ما هى جودة نصنيع بطاقات XFX ... فاذا كنت غاضب لمجرد حدوث هذا معك فانة يدعى (( القدر))
++++1
رد: احزرو كروت الجرافيكس من XFX ....خامات رديئة تنفجر بعد مدة من الاستعمال
اقتباس:
القصة باختصار اننى قومت بشراء كارت جرافيك xfx geforce 8600 GT , من احد المحلات فى سوق الكمبيوتر من سنتين و عدة اشهر ..و كان الكارت بضمان كايرو كمبيوتر ...
معنى سنتين وعدة اشهر ....ان الكرت خرج خارج الضمان يا اخى العزيز ...لآن ضمان كايرو كمبيوتر بيكون عامان فقط من تاريخ الشراء ...وليس ثلااثة اعوام ....
يعنى مبدئيا لا يحق لك ان تطالب التوكيل ...بأن يدخل الكرت داخل الضمان ....او يستبدلة ...!!!:)
اقتباس:
الكارت كان يعمل بشكل جيد طوال هذة المدة ...و لكن..
هذة شهادة منك اصلا بجودة المنتج يا عزيزى ...:D
اقتباس:
اثناء عملى من اسبوع تقريبا صوت سمعت انفجار يخرج من ناحية الكمبيوتر فؤجئت جدا و تخيلت انة يمكن ان يكون حدث مشكلة فى البور سبلاى مثلا او شىء فى الكهرباء تسببت فى هذا الصوت .. بدائت افصح الجهاز من الخارج لكن لم اجد شىء غير طبيعى و ظل الجهاز يعمل بشكل طبيعى ..
:mad:.........لحظة يا عزيزى ....سمعت صوت انفجار ....صادر من الجهاز ....ولم توقف الجهاز ...وتتفحصة جيدا جدا من الداخل
او تذهب بة الى احد المتخصصين ....!!!
كيف هذا ...الم يخطر ببالك ان هناك مشكلة قد بدأت فى الجهاز ويمكن ان تتفاقم هذة المشكلة ..؟؟!!!!
سامحنى يا اخى العزيز ....هذا تصرف فى منتهى السلبية ...!!!
اقتباس:
قومت على الفور بمراسلة شركة xfx لمحاولة اصلاح الكارت او استبدالة بكارت اخر ..و لكن من خلال النقاش مع مندوبين الدعم الفنى فهمت منهم انة لا يوجد لديهم ممثل فى مصر و ان ضمان الكارت هو مسؤلية الباع اللى قام ببيعة لى
ان كنت تقصد شركة XFX نفسها ...فطبيعى هيقولك كدة ...لآن XFX ليس لها فرعا خاصا فى مصر ...:)
لذلك قال لك ان وسيلة دعمك الفنى هو الوكيل ...(( كايرو كمبيوتر )) ...فهى الجهة الوحيدة التى لها الحق فى قبول كارتك او اخراجة خارج الضمان لآنها المستورد ...(( الوكيل )).
لكن XFX كمنشأة رسمية ....ليس لها فرع رسمى فى مصر ...والناس ماكدبوش عليك ..!!
اقتباس:
اتصلت بصيانة كايرو كمبيوتر فى القاهرة و ابلاغونى انة لا يمكن اصلاح الكارت فى الضامن من خلالى مباشرة و لكن يجب ان يقوم البائع بارسال فتورة شراء الكارت منهم ..
ليس للفاتورة اى قيمة لآن كرت خارج الضمان تاريخ يا عزيزى ...!!!
ان كنت تريد اصلااحة بتكلفة ....يمكنك الذهاب بة مباشرة ...الى كايرو كمبيوتر ...دو الرجوع لآى شخص ايا كان ..
لآنة ان كان هينفع تصليحة سوف يتم اصلااحة بتكلفة لآن خارج الضمان تاريخ :)
اقتباس:
اتصلت بالبائع الذى اشتريت منه الكارت وابلغنى ان الضمان على الكارت انتهى مع بداية العام و انة لا يوجد ضمان للكارت الان ...
تمام ولا يستطيع احد ان يلومة !!
اقتباس:
و هاكذا انتهى كارت جرافيك ثمنة 1000 جنية خلال سنتين نتيجة شركة تقوم باستخدام مكونات رديئة الصنع فى اجهزتها ..
تمن الكارت كان كام ....دى حاجة مش مهمة لآن عدى عليها قرابة 3 سنوات ...
ولو XFX تستخدم مكونات رديئة اخى العزيز ...ماكنش الكرت هيعيش معاك حوالى 3 سنوات ....وخاصة بعد ملااحظة انك متكاسل بعض الشيء فى جهازك ....
والدليل انك سمع انفجار جوة الجهاز وفضل مكمل عادى ولا كأن فى حاجة ....لغاية ما الجهاز قطع النفس يا عينى ....:(
فباللة عليك اى كرت مهما كانت ماركة ماكانش هيستحمل معاك زى ما استحمل XFX ....:D
وعلى فكرة لو بحثت فى القطع بتاعة الجهاز هتلااقى ان كرت الشاشة اللى كان فى جهازك هو اكثر قطعة فى الجهاز لها اطول فترة ضمان :)
اقتباس:
مع العلم ان الشركة توفر ضمان مدى الحياة لهذة الكروت فى اوروبا و الدول المتقدمة ..
معلومة صغيرة لك يا عزيزى ....فى اوروبا والدول المتقدمة ...بتدفع 40 $ عن كل عام ضمان زيادة انت تريد شرائة :D يعنى مافيش حاجة ببلااش ;)
اقتباس:
و قد بحثت على النت بالفعل و وجدت الكثير من حوادث انفجرا هذا الموديل بالذات وقام الكثير من اصحابها ياستبدالها من الشركة بكل سهولة ...
لو كنت داخل الضمان تاريخ كان اكيد سوف يتم تبديل الكرت يا اخى العزيز ...:)
اقتباس:
السؤال الان ماذا افعل مع التوكيل هنا فى مصر و مع شركة ْxfx اللى ترفض و تتنصل من اى مساعدة فى اصلاح او استبادل الكارت رغم انهم يعرفون انة ردئى ا لصنع
شوف يا عزيزى ...
انت عملت كل حاجة ....ماعدا انك تذهب الى شركة كايرو كبيوتر نفسها فى فرع الصيانة ...
لفيت برة وجوة ...وكلمت ناس خارج مصر على حد تعبيرك ...ولم تذهب الى (( الوكيل اصلا )) ...
وفى النهاية تحاول التشهير بالشركة والمنتج اللى اديلة 3 سنين شغال معاكوخرج برة الضمان اصلا :D ...و7 سنين فى مصر صنع نجاحات لم يصنعها اى كرت شاشة اخر ....
تفتكر انت الغلط فين ؟؟؟:)
رد: احزرو كروت الجرافيكس من XFX ....خامات رديئة تنفجر بعد مدة من الاستعمال
اقتباس:
المشاركة الأصلية كتبت بواسطة bika08
نصيحة لك اخى .... الكل يعلم ما هى جودة نصنيع بطاقات XFX ... فاذا كنت غاضب لمجرد حدوث هذا معك فانة يدعى (( القدر))
رد: احذرو بطاقات XFX ....خامات رديئة تنفجر بعد مدة من الاستعمال
حالة واحدة لا تعتبر دليلاً على السوء
في العمل هناك عدة أجهزة قديمة تستخدم بطاقات GeForce 7300GT وبعضها حتى GeForce 6200 وكلها من XFX ( كلها أتت مع الأجهزة نفسها من نفس المحل )
وكلها لايزال يعمل، عمر بطاقات GeForce 7300 نفسها يصل إلى 4 سنوات وأكثر، فكيف بالـ Geforce 6200 :)
رد: احذرو بطاقات XFX ....خامات رديئة تنفجر بعد مدة من الاستعمال
اقتباس:
البطاقة خارج الضمان ب 4 اشهر فقط "مش عارف ازى ضبطوها دى " و انا علمت الان فعلا جودة بطاقات xfx الرديئة
واضح انك مقتنع بزجهة نظرك يا عزيزى ...ولا ترى اى كلاام اخر..يوجة لك ..فقط لا تريد ان تقتنع ...
اقتباس:
يبقى متقوليش حادثة فردية و انت لا تعلم حاجة عن الموضوع .....هو القدر هو اللى دخل مكونات ردئية فى اجهزة شركة xfx اللى بدافع عنها باهتمام دى ..
ممكن صورة لمكونات جهازك من الداخل بالكامل يا اخى العزيز ..:)
اقتباس:
نفس البطاقة و نفس اماكن انفجار الكاباسيتورز ......اية رايك دى صدفة بقى برضو ولا اية ...
XFX شهيرة جدا فى الخارج تنتج ملااين البطاقات يا عزيزى ....ولم يذكر اى موقع من المواقع الهامة ...التى تهتم بالمشاكل التقنية فى المنتجات ...اى شيء عن هذا الآمر ..وهذا شيء يعلمة الجميع :)
والدليل ايضا شوف كام الف بطاقة تعمل على منفذ AGP تظل تعمل حتى الآن مع اصحابها ...AGP يعنى اديلها حوالى 6 سنوات :)
رد: احزرو كروت الجرافيكس من XFX ....خامات رديئة تنفجر بعد مدة من الاستعمال
اقتباس:
المشاركة الأصلية كتبت بواسطة S@M
وفى النهاية تحاول التشهير بالشركة والمنتج اللى اديلة 3 سنين شغال معاكوخرج برة الضمان اصلا :D ...و7 سنين فى مصر صنع نجاحات لم يصنعها اى كرت شاشة اخر ....
تفتكر انت الغلط فين ؟؟؟:)
بقولك سنتين و عدة اشهر "اربع اشهر بالضبط" ..عملتهم انت 3 سنين مع نفسك كدة ...
هو فى كارت جرافيك بيضرب بعد سنتين ....
و بعدين انت متعرفش حاجة عنى وعنى استعمالى للاجهزة بتاعتى ..يبقى متفتيش بقى و تقولى انا متكاسل
انا عندى كروت جرافيك شغالة بقلها 11 سنة حضرتك و اجهزة كاملة شغالة بقلها عدة سنوات ....
مافيش حاجة اسمها كارت يضرب بعد سنتين ....و لعلمك برة مش بيدفعو اى حاجة اضافى عشان يخدو ضمان مدى الحياة
..الاسعار هى هى بل ان فى الخارج الاسعار ارخص كمان من هنا و بيحترمو العميل جدا ....
و انا مش بشهر بالشركة ولا حاجة ..انا بحكى موقف حصل بالفعل مش بدعى على الشركة ولا على منتجتها حاجة محصلتش ..
و الكارت موجود لو عاوز تصلحة انت اتفضل ساعد بدل ما تهاجمنى و تقولى بشهر بالشركة ..
لما تكون شركة فاشلة و بتنتج منتجات رديئة يبقى و جبى انى احذر منها و من منتجتها و من طريقة معملتها لزبائنها ..
وانت حر بقى لو تحب تشترى الشركة كلها بعد كدة انت براحتك ..انما فى ناس يهمها انها تشترى حاجة سليمة و مضمونة و تعيش مش تضرب بعد كام سنة ..
رد: احذرو بطاقات XFX ....خامات رديئة تنفجر بعد مدة من الاستعمال
اقتباس:
المشاركة الأصلية كتبت بواسطة الخلف
حالة واحدة لا تعتبر دليلاً على السوء
في العمل هناك عدة أجهزة قديمة تستخدم بطاقات GeForce 7300GT وبعضها حتى GeForce 6200 وكلها من XFX ( كلها أتت مع الأجهزة نفسها من نفس المحل )
وكلها لايزال يعمل، عمر بطاقات GeForce 7300 نفسها يصل إلى 4 سنوات وأكثر، فكيف بالـ Geforce 6200 :)
المشكلة فى بطقات
geforce 8600gt
اللى انتجت سنة 2008
رد: احذرو بطاقات XFX ....خامات رديئة تنفجر بعد مدة من الاستعمال
شركة XFX منتجاتها كويسة جدا و الكل يعرف كده و الكواليتى و البكادينج ممتاز عند XFX
و بعدين أنا كان عندى XFX 5200 خدم معايا أكتر من 3 سنين زى الفل
و بعدها 7300 و كان ممتاز و حاليا 7900 عند واحد صاحبى من 2006 شغال تمام ماشاء الله
رد: احزرو كروت الجرافيكس من XFX ....خامات رديئة تنفجر بعد مدة من الاستعمال
اقتباس:
المشاركة الأصلية كتبت بواسطة wawoo
بقولك سنتين و عدة اشهر "اربع اشهر بالضبط" ..عملتهم انت 3 سنين مع نفسك كدة ...
هو فى كارت جرافيك بيضرب بعد سنتين ....
و بعدين انت متعرفش حاجة عنى وعنى استعمالى للاجهزة بتاعتى ..يبقى متفتيش بقى و تقولى انا متكاسل
انا عندى كروت جرافيك شغالة بقلها 11 سنة حضرتك و اجهزة كاملة شغالة بقلها عدة سنوات ....
مافيش حاجة اسمها كارت يضرب بعد سنتين ....و لعلمك برة مش بيدفعو اى حاجة اضافى عشان يخدو ضمان مدى الحياة
..الاسعار هى هى بل ان فى الخارج الاسعار ارخص كمان من هنا و بيحترمو العميل جدا ....
و انا مش بشهر بالشركة ولا حاجة ..انا بحكى موقف حصل بالفعل مش بدعى على الشركة ولا على منتجتها حاجة محصلتش ..
و الكارت موجود لو عاوز تصلحة انت اتفضل ساعد بدل ما تهاجمنى و تقولى بشهر بالشركة ..
لما تكون شركة فاشلة و بتنتج منتجات رديئة يبقى و جبى انى احذر منها و من منتجتها و من طريقة معملتها لزبائنها ..
وانت حر بقى لو تحب تشترى الشركة كلها بعد كدة انت براحتك ..انما فى ناس يهمها انها تشترى حاجة سليمة و مضمونة و تعيش مش تضرب بعد كام سنة ..
انا معايا كارت زى ال XFX MX 4000 وشغال على جهاز 24 ساعة بدون مشاكل بقالوا مثلا 7 سنين وكمان موجود FX 5200 و FX 5500 و 6200 , 7800 , 7900GT
كل دول مفيهموش حاجة وبقالهم عمر كبير ومطحونين وبجد من افضل الشركات اللى اتعاملت معاها
انا كنت افضل انك تقدم الموضوع بشكل طلب مساعدة لحل مشكلة كارتك مش عمل موضوع تهاجم فية الشركة وتزيف حقيقة انها من اكبر الشركات اللى اكذوبة وجود متفجرات بيها:confused:
ردك على S@M غير مقبول ارجوا بتعديلوا او تدخل المشرفين فى الموضوع
بخصوص مشاكل الكبيستور اللى ضربت متقلقش حلها مش صعب وان شاء الله الكارت هيشتغل تانى اماكن تصليحة ممكن الوكيل ذاتة او مول البستان بالقاهرة
رد: احذرو بطاقات XFX ....خامات رديئة تنفجر بعد مدة من الاستعمال
اقتباس:
المشكلة فى بطقات
geforce 8600gt
اللى انتجت سنة 2008
هات دليل رسمى موثق من كبرى المواقع العالمية بهذا الكلاام...!!!!:)
والا سوف تعتبر ...تحاول التضليل...ونشر معلومات مغلوطة :)
رد: احذرو بطاقات XFX ....خامات رديئة تنفجر بعد مدة من الاستعمال
اخى.... انت الان لا تتقبل رائى احد ولا تريد ان تقتنع بكلام احد.......
و اذا كنت ان تنشر تجربتك مع شركة XFX و انها كانت تجربة سيئة من الممكن اسلوب افضل من هذا ...
اقتباس:
يبقى متقوليش حادثة فردية و انت لا تعلم حاجة عن الموضوع
اقتباس:
بقولك سنتين و عدة اشهر "اربع اشهر بالضبط" ..عملتهم انت 3 سنين مع نفسك كدة ...
و عموما رسالتك وصلت ان فى وجهة نظرك فقط ان كروت XFX سيئة ..... و لكن لا انت و لا انا و احد يستطيع الحكم على جودة منتج من خلال 100 بطاقة تالفة من مئات الالف تم انتجهم....
ولا يهمك :)
رد: احذرو بطاقات XFX ....خامات رديئة تنفجر بعد مدة من الاستعمال
اقتباس:
بقولك سنتين و عدة اشهر "اربع اشهر بالضبط" ..عملتهم انت 3 سنين مع نفسك كدة ...
انت ماقولتش اربع اشهر ....يا عزيزى ...
انت قولت كدة بالحرف الواحد
اقتباس:
القصة باختصار اننى قومت بشراء كارت جرافيك xfx geforce 8600 GT , من احد المحلات فى سوق الكمبيوتر من سنتين و عدة اشهر
انت اللى ماكنتش موضح بكلاامك اصلا ....وحتى لو سنتين ويوم ...كرتك كدة خارج الضمان الحق حق ...ودة مايزعلش
اقتباس:
و انا مش بشهر بالشركة ولا حاجة ..انا بحكى موقف حصل بالفعل مش بدعى على الشركة ولا على منتجتها حاجة محصلتش ..
هل ذهبت بالكرت الى فرع الصيانة عند الوكيل ؟؟؟
اقتباس:
و الكارت موجود لو عاوز تصلحة انت اتفضل ساعد بدل ما تهاجمنى و تقولى بشهر بالشركة ..
تفتكر بعد اسلوبك دة فى الكلاام حد ممكن يساعدك ...!!! يا عزيزى ..:)
على العموم مشكلتك كنت ممكن احلهالك ...لكن سامحنى فأنا لن اتدخل ...
لآن اسلوبك لم يعجبنى من البداية ...
لكن بردو مش هسيبك ....اذهب بالكرت الى مول كوين بمصر الجديدة ...الدور الثانى فى شارع الخليفة المأمون ..
واطلب تغير طاقم الكابستورت التالفة هتلااقى الكرت اشتغل عادى جدا ....
ونصيحة غير البور سبلاى عندك لآن التلف دة حصل نتيجة ان البور سبلاى عندك مش مظبوط ....
ولهاذا كنت قد طلبت منك طلب وانت تجاهلتة ...وهو وضع صورة لمكونات جهازك من الداخل حتى ارى اللوحة ألام والبور سبلاى لآنهم سبب مشكلتك ...:)
اقتباس:
وانت حر بقى لو تحب تشترى الشركة كلها بعد كدة انت براحتك ..انما فى ناس يهمها انها تشترى حاجة سليمة و مضمونة و تعيش مش تضرب بعد كام سنة ..
اكيد انت لما اخذت الكرت كان سليم ....ولو كان جرالة حاجة فى فترة الضمان اللى بيمنحها الوكيل ...كان هيتبدل ..حتى لو قبل الانتهاء المدة بيوم واحد :)
على فكرة مافيش اى قطعة اليكترونية مضمونة 100 % من الآن للحظة القادمة فى اى منتج على مستوى العالم يا عزيزى ...يعنى ممكن تبقا شارى اى كرت مش شرط من XFX او حتى بوردة
وتلااقى فيها مشاكل ....او قطعت ...او اتحرقت ...او ...او ...مفيش حاجة مضمونة ..دى معلومة ونصيحة فى نفس الوقت :)
رد: احزرو كروت الجرافيكس من XFX ....خامات رديئة تنفجر بعد مدة من الاستعمال
اقتباس:
المشاركة الأصلية كتبت بواسطة dune2000
بخصوص مشاكل الكبيستور اللى ضربت متقلقش حلها مش صعب وان شاء الله الكارت هيشتغل تانى اماكن تصليحة ممكن الوكيل ذاتة او مول البستان بالقاهرة
طيب انت تقترح اية يا اخ dune التوكيل ولا حد معين فى مول مثلا ..انا مش عارف ممكن يتكلف فى حدود كام ..لو التكلفة كتير يبقى افضل انى اشترى كارت جديد بقى و امرى لله
بس انا مستاء جدا من معاملة xfx دول و من التفرقة فى المعاملة بينا و بين الزبائن فى الخارج اللى بيحصلو على ضمان مدى الحياة و تسهيلات جامدة جدا و احنا هنا بنشترى بنفس السعار و اغلى كمان و بنحصل على دعم اقل بكتير ...و خصوصا ان المشكلة واضح جدا انها عيب صناعة ....