استفسار عن المهام اليومية لمدراء الشبكات ؟؟؟

السلام عليكم ورحمة الله وبركاته ......

منذ وقت ليس بالقليل وانا اتساءل عن ماهى المهام اليومية والاسبوعة والشهرية التى من المفترض ان يقوم بها مدير الشبكة او الـ Network Admin ...

حيث انه يوجد عدد ليس بالقليل من الاعضاء الذين انتهوا من الكورسات ولم يحالفهم التوفيق حتى الان بالحصول على عمل ... إما لعدم توافر الخبرة المطلوبة او لعدم الالمام بمتطلبات سوق العمل ....

راودتنى فكرتين .... الاولى هى ان يقوم كل ذى خبرة بنقل خبرته الينا عن طريق تجميع المشاكل او الحالات التى تقابله دورياً ( طبعاً إن امكن ) والقيام بعمل موضوع بها حتى يتعلم منها المبتدئين امثالى ....

الثانية ان يتبرع احد الاعضاء اصحاب الخبرة فى كل مجال وعلى الاخص مجالى Microsoft و Cisco بعمل ملخص او رؤوس عناوين لمهامهم اليومية ....

يعنى الـ Network Admin بيروح الشغل صباحاً يعمل check على ايه ويشوف ايه ويتأكد من إيه ولو وجد ايه يعمل ايه ... وايه الريبورتات اللى ممكن بيقدمها يومياً او شهرياً ... يعنى الحاجات اللى بيطلق عليها Daily routine ... علشان لما واحد ربنا يكرمه ويذهب لعمل مقابلة ... يكون عنده وعى ولو قليل بمهام عمله ....

كذلك البرامج الـ Third party اللى ممكن تستخدم فى عمل مدير الشبكة .... لو افترضنا ان عندنا 3 main categories اللى هما ....

1- Network Admin
2- Security Admin
3- Exchange or Mail Admin

كل واحد ذى خبرة ( يعنى معلش انا آسف ... بلاش حد يقول تقريباً او بيتهيألى او قالولوا :) :) ) نحن نريد احداث من واقع فعلى حتى يتم تحقيق اقصى استفادة ممكنة ....

رجاء اخر .... بعد اذن الاعضاء الافاضل .... نحن نريد الموضوع تقنى بحت .... نريده خالى من عبارات الغزل والشكر .... اللى عاوز يشكر مشارك ... يدعيله بظهر الغيب او يبعتله على الخاص لو الكلمتين ملحين اوى .....

نريد ردود تقنية .... فقط تقنية بعد اذن حضرات الاخوة المشاركين الافاضل .....

شكراً ... وفى انتظار ردودكم ...............


شكراً
محمد سعد

طيب بعد اذنك ممكن نضيف اليه اللينوكس :D

ان شاء الله يرد عليك الاخوه :)

بالتوفيق لك

فكرة ممتازة أتمنى الأهتمام بها

ياريت فعلا أصحاب الخبرة فى المنتدى يمدونا بخبرتهم فى هذا المجال لانه موضوع مهم جدا


شكرا لكم

سبقتنى يامحمد بفكرة الموضوع .

لانى كنت بفكر اعمل موضوع اسمة

يوم فى حياة IT

وكنت هسأل اسئلة قريبة من اسئلتك ....

وبما ان الموضوع بتاعك نفس المضمون فلا داعى من انشاء موضوع جديد ومشاهدة الردود والمشاركات فى موضوعك .

ومستنين ردود من الذين يملكون خبرة فى هذا المجال..

للدرجة ديه يا جماعة الموضوع مش مهم .......
ولا الناس الخبراء مش موجودين .....

وللاستفادة الافضل او علشان الموضوع يكون اسمه معبر اكتر ....

اتمنى من احد المشرفين تعديل اسمه ليكون .....

يوم فى حياة IT ... اراء واقتراحات و نقل خبرات ....


شكراً ..... وفى انتظار الردود

محمد سعد

أنا شايف ان موضوع زي ده محتاج لشرح في فيديو من احد الخبراء في المنتدى هيكون رائع
بارك الله فيك

موضوع مهم جدااا بس دى بتختلف من شركة لشركة ياجماعه

يعنى مثلا انا عندى مفروض عامل سكيدول وباخد باك اب يومى وكل اسبوع بنسخ الباك اب على دى فى دى

ثانيا صيانه دوريه للاجهزة كل فتره على حسب الفتره اللى بتحددها

طبعا بنسبة 90% اول ما بتروح تقعد على المكتب الصبح بتلقى تليفونات عليك ماشاء الله

كل واحد يقولك الجهاز مش شايف السرفر ويقولك السرفر واقع مع ان المشاكل بتكون بسيطه جداا انك لازم بس تعمل ريسترت للاجهزه

وفى مشكله عند اليوزر بصراحه مشكله غريبه جدااا اليوزر وهو ماشى بيكسل يطفى الكمبيوتر بتاعه بيسيبه والع على طول