اعدادات الوايرلس وصـــــــــــــلـــــــــــــــــت

بسم الله الرحمن الرحمن، السلام عليكم جميعاً أهل الديار المسلمين، معاكم أخوكم بخيت المصري واليوم هيكون الموضوع هو استجابة لسؤال الأخ الكريم عن شرح اعدادات الوايرلس عشان تكون شبكة تقدر من خلالها الاستفادة من النت سواء كانت الاستفادة دي داخل البيت او خارجه, وهيكون المثال اللي معانا راوتر نت جيير DG834G .
أولاً اعداد وتهيئة الراوتر الوايرلس:
في اكتر من حاجة لازم تاخد بالك منها هنا وهي رقم القناهCh. Number لأن كلما زاد الرقم ده هيزيد التردد وكمان تثبت الاشارة وتكون قوية اكتر، تاني حاجة لازم تاخد بالك منها ان اسم الشبكة SSID حساس تجاه الحروف بمعنى ان الحروف ممكن تكون كابيتال او سموول، الكلام ده مشروح في الصورة الأولانية.
ثانياً خواص مهم تظبطها:
لازم تراعي ان التلات اختيارات اللي معمول عليهم علامة حمرا في الصورة رقم 1 تكون متعلم عليها عشان الاولي بتخلي اشارة الراوتر تكون ظاهرة لكل الناس، وكمان الاختيار التاني بيعمل نفس الخاصية، اما الاخيرة بتفصل العملاء الوايرلس عن بعض بمعنى اذا العميل عمل استكشاف للشبكة باستخدام برامج زي النت كات هيظهر هو والراوتر بس يعني ده في امان وسرية اكتر.
ثالثاً حماية الشبكة:
اذا عاوزها نصيحة يبقى حماية الشبكة لازم تكون من خلال تسجيل الماك بتاع الكروت الوايرلس اللي انت بتستخدمها لكن ماتستخدمشي اي طرق تسفير لأنها بتأثر على قوة الاشارة اللي انت بتستقبلها عشان في جزء محجوز م الباندويدث للتشفير ده، والكلام ده مشروح في الصورة التانية.
وأخيراً الصور اللي انا رافعها هتكون ع اللينك ده، وأسأل الله عز وجل ان يكون ماشرحت لوجه الله عز وجل، وأسألكم الدعاء لي بظاهر الغيب, وأي استفسار انا موجود ع الايميل شوفوا الاكونت بتاعي بي.
https://rapidshare.com/files/78834250/abakhiet.rar.html
أخوكم
بخيت المصري:frnd"

شكرا ليك ربنا يجازيك خير ياا رب