فكرة جديدة لجامعه Arab Harware

السلام عليكم ورحمة الله وبركاتة
اعرفكم بنفسي
انا اسمي يحيى حميده وبشتغل Network Admin في شركة خاصة
الحقيقة رغم اني مشترك في هذا المنتدى الرائع من فترة قصيرة الا اني استفدت منه استفادات كبيرة جدا ومن المجهودات الرائعه اللي الاعضاء والمشرفين يببذلوها لإفادة غيرهم برغم ان اغلب الناس اللي بتقدم الخدمات دي ميعرفوش المستفيدين ومفيش بينهم اي علاقة مصالح.
والحقيقة دي حاجة في حد ذاتها رائعه وقليلة الحدوث في الزمن ده, فشكرا جزيلا للقائمين على المنتدي ولكل حد بيساهم بأي مجهود لتعليم الناس وربنا يجعل هذا العمل في ميزان حسنات الجميع.
المهم علشان مطولش عليكم وتزهقوا مني في اول مشاركة ليا :D ندخل في الموضوع.
فكرة جامعة عرب هاردوير فكرة رائدة واذا ركزنا في تطويرها ممكن تكون فيما بعد مرجع لكل الناس اللي بيشتغلوا في مجال ال IT في العالم العربي مش في مصر بس, وانا بمجرد ما اشتركت في المنتدى وشوفت الفكرة فكرت اقدم فكرة جديدة لعل ربنا يكرمنا بيها ونكون سبب في تحسين احوال المسلمين ونشر العلم والخبرة بين ابنائهم , انا مشترك في جمعية خيريه بتخدم ابناء المنطقة اللي انا ساكن فيها وفيها انشطة خيرية واجتماعيه كتير (ربنا يبارك في القائمين عليها) ومن ضمن الحاجات اللي في الجمعيه معمل كمبيوتر فقلت اية المانع اننا نستغل المكان في التدريب ويبقى الشغل لايف بدل الفيديوهات اللي بيتم تحميلها من الاخوة الكرام - رغم انها مفيده جدا وشرحهم فيها رائع- لكن اكيد الشرح داخل معمل يفرق كتير .
المدربين كده كده بيفرغوا من وقتهم علشان يفيدوا الناس - ربنا يجزيهم خير
والمتدربين هيستفيدوا اكتر بالتأكيد
والجمعية طبعا هتستفاد لو كان الكورس بيتدرس بمبلغ بسيط مقارنه بالمبالغ اللي بتدفع في مراكز التدريب برة , وطبعا ممكن جزء من الاشتراك يتدفع للإنستراكتور نظير مجهودة وتفريغة جزء من وقتة.
وطبعا ممكن ربنا يكرمنا والمشروع ينجح والفكرة تتعمم على جمعيات تانية والخير يعم على الجميع
طبعا هيا فكرة لسة محتاجه تتبلور قلت ادردش مع اخواني فيها لعل وعسى ربنا ينفع بيها المسلمين ويجعلها خالصة لوجهه الكريم.
منتظر تعليقاتكم و رأي المشرفين الكرام على المنتدى وطبعا الموضوع مفتوح لأي اقتراحات او تعديلات.
وجزاكم الله خيرا

عفوا اخي و لكن معظم الجمعيات الخيرية في مصر ليست خيرية و تمويلها المفروض يأتي من تبرعات و ليس جزء من مبلغ مدفوع في كورس و الا فهي مركز تدريب متخفي تحت ستار جمعية خيرية كعشرات الجمعيات في مصر الان
وان كانت الحكومة تحضر بعض الاجرأت قريبا للحد من هذة الظاهرة

اقتباس:

---

والجمعية طبعا هتستفاد لو كان الكورس بيتدرس بمبلغ بسيط مقارنه بالمبالغ اللي بتدفع في مراكز التدريب برة , وطبعا ممكن جزء من الاشتراك يتدفع للإنستراكتور نظير مجهودة وتفريغة جزء من وقتة.

---

ما نقوم به من عمل كمحاضريين فهو لوجه الله
لسنا في انتظار ربح مادي

ولكن ممكن تأجير قاعة في جمعيتك او اي جمعية خيرية او غير خيرية كما فعل الاخوة في كورس اللينكس

لا حول ولا قوة الا بالله

جزاكم الله خيرا يا اخ wobooo على تعليقك ولكن انت عرفت منين ان الجمعية اللي بنتكلم فيها ملهاش انشطة خيرية بالعكس انا عضو فيها وليها مساعدات لأيتام واسر فقيرة وخدمات اجتماعية كتيرة وممكن حضرتك تشرف فيها وتشوف بنفسك
وبعدين انا مش شايف مشكلة ان الجمعية الخيرية يكون هدفها نشر العلم بين المسلمين.. هو لازم اعمال الخير تكون مساعدات عينيه فقط
وبخصوص ان مصادر التمويل في الجمعيات لازم تكون من التبرعات اظن انك محتاج تراجع معلوماتك في النقطة دي, كتير من الجمعيات بتعمل مشروعات صغيرة تدر ارباح تصرف منها على الاسر واحيانا بيتم تشغيل المستفيدين من خدمات الجمعيه في المشروعات دي. ومركز التدريب ده ممكن يكون واحد من المشروعات دي.

"ما نقوم به من عمل كمحاضريين فهو لوجه الله
لسنا في انتظار ربح مادي
"
جزاك الله خيرا وجعله في ميزان حسناتك لكن اكيد انت معايا ان ده ميكونش سبب في فشل الفكرة

عموما انا اتشرفت بالرد بالتأكيد وارجو انه الفكرة تكون مقنعة مبدئيا ولو فيه عقبات في تنفيذها نحاول نحلها لكن بعد التنفيذ وبلاش نسبق الاحداث
جزاكم الله خيرا