عرض للطباعة
السلام عليكم ......... انا عندى مشكله انى اخدت دوره icdl فى مركز سيسكو بالزقازيق برايفت المدعمه من اليونسكو ومن فتره حصل مشاكل فى امتحان المديولات ولا عارف احجز امتحاناتى ولا اداره المركز عارفه امتى مواعيد الحجز وانا معرفش ايه هيا المشكله ياريت حد يعرفنى ايه سبب المشاكل اللى فى اليونسكو واعمل ايه بالظبط...... شكرا
السلام عليكم ورحمة الله وبركاته
الطبيعى ان حضرتك لازم يكون لك فى هذا المركز بطاقة مهارات عليها صورتك ونسخة من بطاقتك الشخصية علشان تدخل الامتحانات ولو ده فعلا متواجد اذن ما فى مشكلة ممكن تطلبها من المركز وتروح اى مركز تانى معتمد لامتحانات ال ICDL وانا بارشح لك المعهد الثقافى الروسى فى القاهرة
اما لو ما عندك بطاقة مهارات فى هذا المركز ولو كنت جاهز لدخول الامتحان ما عليك غير احضار صورتين شخصتين وصورة من بطاقتك الشخصية او جواز سفرك ( اثبات شخصية ) وتقدم فى اى مركز تانى معتمد لامتحانات ال ICDL وتدخل الامتحانات
اما ان كنت بتسال عن اى مشاكل فى المنظمة نفسها و امتحاناتها فده غير موجود الامتحانات شغالة زى الفل والشهادة تسلمها لما تخلص امتحانات السبع موديول بنجاح بعد فترة اقصاها شهرين.
انا متشكر جدا لردك يا استاذ تامر..... انا عندى بطاقه مهارات فعلا ولسالى امتحان انتر نت بس وبقالى شهرين مافيش امتحانات فى المركز .... سؤال اخير الشهاده لما تطلع بينكتب فيها اسم المركز الاخير اللى تم فيه الامتحان ولا ايه؟؟؟؟
السلام عليكم ورحمة الله وبركاته
الشهادة ما بيكتب فيها غير انك اجتزت امتحانات ال ICDL بنجاح ولا يذكر فيها درجات او تقدير او لغة الامتحان ولا اسم المركزلكن الجديدهو لو امتحنت بعض الامتحانات فى الاصدار الرابع وبعضها فى الاصدار الخامس سوف يذكر ذلك فى الشهادة.
عدا هذا يذكر فقط فى بطاقة المهارات والتقرير اللى بتستلمه لحين صدور الشهادة من المنظمة وفى بطاقة المهارات بيكون امام كل امتحان اجتزته ختم المركز واسم مشرف الامتحان والتاريخ.