ارجو الاجابة على هذه الأسئلة لمن يعرف

السلام عليكم ورحمة الله

كان عندى بعض الاسئلة المحتاج اجابة ليها

1 / ما المقصود بالحرب الالكترونية المتوقعة مستقبلا ؟ بالتفصيل لمن يستطيع ؟ رأى اساتذتى الكبار فى هذه الحروب ؟


2 / عايز اعرف لغة برمجة الكاراتين , وبالأخص زى كارتون القناص وكارتون النمر المقنع وكارتون مازنجر مثلا ؟
انا عارف هو سؤال تافه شويا , بس بصراحة عندى مشروع ربنا يوفقنى فيه مستقبلا


3 / لغة برمجة الالعاب الاستراتيجية , زى لعبة ميدل اوف اونر , ولعبة Theatre of war
ولعبة Stronghold

4/ لغات برمجة الويندوز , ((هذا السؤال رقم 4 للعلم لا اكثر))

__________________

كل من يعرف اجابة لاى سؤال , فله الشكر والتقدير

انا عارف انى الاسئلة ممكن تكون تافه لبعض الناس بس بصراحة مهمه جدا ان شاء الله ليا

مع جزيل الشكر والاحترام لكل من حاول فى المساعدة

بص

أنا هاحاول اجاوب على البعض من أسئلتك

أول سؤال ده ماليش فيه بس ممكن تشوفلك كم فيلم عن الهاكرز و الكراكرز و تستخدم جوجل في البحث .

تاني سؤال هو أنه مافيش حاجه أسمها لغة برمجة الكارتين و لا الكلام ده بس في برامج بتستخدمها في أنك ترسم الرسومات و تحركها لتصبح رسوم متحركه ( مش كاراتين!!! )

أجابة السؤال الثالث و الرابع هاتلاقيهم هنا في الفقره دي:-
عامةً أنت ممكن تبرمج أي لعبه تقريبا بأي لغة برمجه بس إلي أنت عاوزه ما ينفعش يتبرمج بلغه ضعيفه او ذات أمكانيات قليله .
لذلك اقول لك أنك لابد أن تتعلم السي و السي بلس بلس لأن الألعاب كلها دلوقتي بتتبرمج بالسي بلس بلس لأمكانياتها الهائله و القويه جدا .
و يجب أن تتعلم عن حاجه أسمها محرك الألعاب Game Engine وأشهر أتنين هما DirectX و OpenGL و أنا انصحك بـOpenGl .

عشان تقدر تعمل جرافيكس عالي و رسومات جميله في اللعبه ممكن تستخدم البرامج الأتيه:-

Photoshop
Gimp
3DS MAX
Maya
Blender
Adobe After Effects
و طبعا أنت بتعمل الجرافيكس و تركنها على جنب وبعدين تبدأ في البرمجه .

لغات البرمجه :-
لغة الأله ( ملكش دعوه بيها خالص )
لغة التجميع ( ملكش دعوه بيها خالص )
لغة البيسك أو فيجوال بيسك ( ممكن تتعلمها بس مش هاتعمل بيها لعبه زي الي قولت عليها فوق )
لغة السي و السي بلس بلس ( أفضل لغتين في الدنيا كلها )
بايثون و بيرل و روبي لغات برمجه بس ماتنفعكش زي السي بلس بلس في برمجه الألعاب
الجافا ( ممكن تستعملها ) بس السي بلس بلس أحسن

أتمنى اني اكون قدرت افيدك

سلام

متشكر جدا على المعلومات والمساعدة ده استاذ Mohamed.Saber
جزاك الله خيرا
ومنتظر المزيد من اصحاب الخبرة