تقرير عن العملاق samsung i8910 omnia hd
السلام عليكم ده تقرير من تجربتي الخاصة بال samsung i8910 omnia hd وعلي قدي ويدي اول مرة اعمل تقرير فبراحة عليا بقي هههههههه :D:D:D
نبدا اولا بمواصفات الجهاز وطبعا مفيش احسن من موقع اللي يعرضه بالتفصيل الممل
https://www.gsmarena.com/samsung_i89...ia_hd-2691.php
ثانيا دي بقي مكونات العلبة بتعاته وانا جايبها من موقع عارض الصور بنقاء عالي علشان خاطر عيونكم
اللي حابب يشوف من الموقع علطول او حابب يتصفح الموقع وهو مختس بالموبايل اهو لينك
https://www.samsungomniahd.com/2009/...ideo-unboxing/
نيجي بقي للصور
https://i582.photobucket.com/albums/...g/IMG_6180.jpg
https://i582.photobucket.com/albums/...g/IMG_6181.jpg
https://i582.photobucket.com/albums/...g/IMG_6182.jpg
https://i582.photobucket.com/albums/...g/IMG_6183.jpg
https://i582.photobucket.com/albums/...g/IMG_6185.jpg
https://i582.photobucket.com/albums/...g/IMG_6187.jpg
https://i582.photobucket.com/albums/...g/IMG_6189.jpg
https://i582.photobucket.com/albums/...g/IMG_6190.jpg
https://i582.photobucket.com/albums/...g/IMG_6191.jpg
https://i582.photobucket.com/albums/...g/IMG_6192.jpg
https://i582.photobucket.com/albums/...g/IMG_6193.jpg
https://i582.photobucket.com/albums/...g/IMG_6196.jpg
https://i582.photobucket.com/albums/...g/IMG_6197.jpg
بكده نكون خلصنا من الصور الموبايل والمكونات اللي جايه معه
نيجي بقي للكلام المفيد اللي هو بيبقي مبني عن التجربه
اولا خلي بالكم ونصيحة مني ليكم في شراء اي موبايل اعمل الاتي
شوف واعمل بحث علي النت وعارف ميزاته ويعوبه وبعدين شوف اي مكونات العلية اللي بتيجي معه علشان لما تروح تشتريه تعمل الاتي
تتطلب من اليايع يوريه ليك وتشوف اي نظامه وكده لو عجبك تعمل الاتي تقوله عايز عليه مقفوله ليه علشان تتاكد انه مفيش حد غيرك فتح العلية وتتاكد انها متبرشمة هتلاقي حد في ورقتني بيض وعليهم كتابة وعليهم بتاع زي البار كود اتاكد انهم متقطعوش وانه انت اول واحد اتقطعوا ليك وبعد كده افتح العلبة واتاكد انه كل حاجة موجودة فيها مش ناقصة حاجة لانه ساعات جشع التجار بيقلبوا حاجات منها ويبعوها لوحدها علشان يكسب مرتين جشع بعيد عنكم
بس وبعد ماتتاكد انه كله موجود تجرب الموبايل عنده وتشوف ايه نظامه جدته من حيث التصوير واستقبال المكالمات والتعامل معه وكل الحركات دي بس وبعدين بقي لو كله تمام تشتريه الف مبروك عليك
انا بقول ليه كده لانه اخويا اشتري ليا الموبايل من ايطاليا ومن استعجاله مبصش علي المكونات اللي جوه العلبة ولما روح وبيراجع معايا المكونات لاقيته مقلب السماعة الهيدفون واسطوانة الموبايل فلما رجع للراجل تاني يوم قاله لا مبيجيش معه سماعة هيدفون واستعبط فيه وقاله معلش الاسطوان وادها لاخويا واخويا لانه طيب ومش حمل مشاوير لانه كان المكان بعيد مارضيش يرجع تاني واتضطر راح اشتري سماعه ليا بتاعت اي فون وبرضه مش جامدة زي السماعة بتاعته مع انها اصلية قبس برضه فيها عيب مش قد كده وكمان سماعة واحدة اللي شغالة ناحية المال واليمين مش شغالة
نرجع للموبايل بقي
الامكانيات
هاقولها بلبدي كده لانه المواصفات انا قولتها فوق في لينك لموقع
بصراحة الموبايل تحفة بجدددددددددددد من كل حاجة من شاشة بجد وووووووهم وحجمها بجد تحفة يمكن في ناس تشوفها كبيرة وتهمة بس بجد هي حلوة في الاضاءة وفي انك تتفرج علي افلام وياسلام لو معاك افلام hd بجد هتعيش الفيلم بجد اما بالنسبة لوصوحها في السمس المفروض انها تبقي واصحها بس مش هتبقي واصحة قوووي لازم تغطي بايديك علشان تشوف وده الطبيعي مع كل الموبايل
اللمس واستجابته
انا اول مرة اجيب موبايل تاتش فمش عارف بقي سرعة الاجهزة التانية ايه بس الموبايل بجد طلقة سرعة استجابة عالية قووووووووووووي
السوفت وير
النظام هو سيمبيبان فيرجن 9.5 هو سهل في التعامل هو اه في حاجات هتلف كتير عقبال ماتلاقيها علي عكس نظام السيمبيان المعتاد بس بالتعود هتعرف مكانها
التصوير
هو كاميراته 8 ميجا بيكسل
الصور الثابتة
هتتتوهم لما تصور بيه بجد تصويره فوق الجمال وامكانياته عالية قوي وفي خصائص تحفة في التصوير تخليك ولا اجدع مصور ده في خاصية تصوير اسمها بانوراما دي تحفة تخليك تصور بشكل دائري يعني تاخد صورة دائرية وبعدين تجمعها في صورة واحدة يعني تاخد مثلا 8 لقطات وبعدين تتجمع في صورة واحدة تخليك تشوف كل اللي حواليك يعني لو عايز تجيب كل حاجة من ورا وقدام والجنب هتيجيبها في الصورة دي هههههههه (تقدر تصور صور علي حسب رغبتك من حيث الجودة يعني ممكن تصور كانك معاك كاميرا 3.2 ميجا بيكسل او 5 ميجا او 8 ميجا )
الفيديو
لسه مجربتهوش فيه بكثرة بس جربته علي بسيط وكان جااااااااامد برضه طبعا تقد تصور بيه hd او تصوير عادي علي حسب اختيارك
الصوت
هو صوته عالي وحلو ونقي جداااااااااااا لابعد الحدود وفي خاصية channel 5.1 بس انا لما بشغلها بحس انه الصوت مبقاش حلو يمكن غيري يعجبه بس انا بحس انه صوت وطي ومبقاش نقي قوووووي
الكيبورد
وتعاملها بجد تحس انك بتكتب علي الكمبيوتر بالظبط سريعة كده وفيها كل الامكانيات وبالتعود هتلاقي سرعتك في الكتابة بقت اسرع بكتير وفي الرسايل هتبقي طلقة
التصفح والانترنت
لو عندك واي فاي بجد سهل جدااااااا انه يتعرف عليه بضغطه واحدة هو بيعمل كل حاجة كل ماعليك لو هي شبكة بباسورد هتدخل الباسورد يمكن اانا قابلتني مشكلة اني غير ت باسورد الواي فاي وجيت ادخل من الموبايل مارضيش يدخلني وكان المفروض يطلعي اني ادخل الباسورد لا مارضيش وده العيب الوحيد اللي قابلته فيها يمكن يكون في ليه حل وانا ماعرفهوش
بالنسبة للمتصفح المدمج معه فهو حلو جدااااااا بس امكانياته علي قده فانا سطبت اوبرا بس التصفح سريع في الاتنين
بالنسبة للجي بي اس انا مجربتهوش الصراحة ومقلق منه مش عارف هيخصم من الرصيد ولا ايه فمجربتهوش
بالنسبة للبلوتوث فسهل جدا التعامل معه بجد حاجة تحفة حتي شكله وهو انت بتتعامل معه حاجة جااامدة
الجهاز كسرعة هو سريع جداااااااااااا في استجابة اللمس والتعامل مع الملفات ونقلها
البطارية
جامدة جدا بتستحمل معايا تقريبا يومين مع استعمال خفيف (راديو وتصفح واي فاي واستخدام واستقبال مكالمات بتاع ساعة تقريبا كل يوم )
الراديو
تعامله سهل جدا وتقدر تسجل وتظبط قنواتك بسهوله
مشغل الاغاني
بصراحة غبي شوية مش حلو قوي مفيهوش امكانيات كتيرة علي عكس موبايلي السابق ان 73 ميوزيك كان تقدر تقفل الاغنية بمجرد ماتدوس علي stop ده مفيهوش ستوب
صوت سماعات الودان عند استقبال المكالمات بجد تحفة عالية ونقية
الشبكة
واستقباله للشبكة جامد جداااااااا علي الرغم من انه في ناس اشتكت منه في المنتديات الاجنبية وقالت انه استقباله سئ جداااااا
عيوبه بقي
1- النغمة لما حد بيتصل بيك المفروض اني ظابطها علي انه رنين يرن علطول لا بيعملها تصاعدي يعني واطي وبيتدي يعلي في ناس تشوفها ميزة انه متتخطش لما حد يتصل بيه بس المفروض اني ظابطها رنين يعني صوت عالي علطول مش تصاعدي
2- الثيمات اللي فيه مش كتيرة هما اتنين بس ودول قليلين نظرا لانه كمان الثيمات اللي المفروش انها تشتغل عليه من نفس النظام بتاعه زي n97 مش داعمة ليه بشكل كام وانت وحظ تلاقي واحد شغال بكامل الدعم وممكن تلاقي التاني مش شغال
3- حجمه كبير ويمكن ده بيتضايق ناس كتير وميتضايقش التانين اللي عايز يشوف شاشة كبيرة وبامكانيات عالية زيه وده اللي تعبني في اني الاقي ليه جراب وبالعافية لاقيت ليه
4- الدعم بتاعه ضعيف جداااااااا من كل حاجة من اكسسورات وكده خاصة في مصر مش لاقي ليه ولا شاحن ولا حتي كفر ولا حتي الاستيكرز والسوفت وير وبرامجه برضه وده من ام شركة سامسونج نفسها انها بتطلع موبايلات بالهبل ومفيش دعم ليها زي نوكيا وكل الل يموجود من برامج وثيمات وسوفت ويرات فده من مجهودات ناس مش تبع سامسونج
دي الحاجات اللي لاحظتها عليها خلال الكام اليوم اللي استخدمته فيه
واي سؤال فانا في الخدمة ياشباب واتمني انه يعجبكم تقرير في انتظار ردودكم
رد: تقرير عن العملاق samsung i8910 omnia hd
جزاك الله خيرا
تقرير ممتاز
الله يرزقك خيره و يكفيك شره
رد: تقرير عن العملاق samsung i8910 omnia hd
أنا معايا بقاله اكتر من سنة موبيل ممتاز
رد: تقرير عن العملاق samsung i8910 omnia hd
الحقيقه انا لسه جايبه بس فيه شويه حاجات مش عارف اعملها زي في الفيديو الديمو بتاعه
يعني مثلا في الفيديو اللي ماسك الموبايل بيقلب ما بين الشاشات بسوله و انا مش عارف الشاشات بتتقلب ازاي
و بعدين widget شكلها ما ينفعش تحط فيها الايقونه اللي انت عايزها هما شويه ايقونات محدده ما ينفعش تضيف عليها حاجه
يمكن في برنامج يخليك تضيف اللي انت عايزه بس للأسف مش عارف اوصله
اكتر حاجه غايظاني فيه التسجيل
الموبايل القديم بتاعي n95 8gb كنت لما اجي اسجل حاجه اقدر اعمل pause و ارجع اكمل عليه من جديد
انما ده مافيهوش غير stop و عشان تسجل تاني لازم تسجل ملف جديد و انا من واقع شغلي بسجل الشغل علي الموبايل كتير
و ده اضطرني حالياً امشي بورقه و قلم لحد ما اشوف حل للمشكلة دي :D
و علي فكره العلبه بتاعته جاتلي من غير كابلات tv-out
شكلمه قلبوها قبل ما تجيني :D
بس كان في لزقه فعلا فيه ( انا طلبت الموبايل من الشناوي في الاسكندريه يجيني في شرم لاني بشتغل هناك )
اللي هداني شويه اني من واقع عملي في السياحه بلاقي في اوقات كتير حاجات ضايعه من الجست ( السواح ) :D
و سبحان الله بعد اما جيبته بيوم واحد لقيت شنطه صغيره أوي فيها سماعات ودن بس خرافيه خرافيه و افظع من السماعات الاصليه بتاعته و دي صورتها :)
https://www.arabhardware.net/forum/p...&pictureid=950
مكتوب علي السماعه BANG & OLUFSEN
رد: تقرير عن العملاق samsung i8910 omnia hd
ألف مبارك الجهاز
وفعلا وأقولها بكل صراحه هذا أحسن جهاز سامسونج نزل لحد الآن برأيي الشخصي
من كل النواحي ممتاز
ما يعيبه فقط هو حجمه
مع إنو شاشته الرائعه تغفر له هذا الحجم
الله يهنيك فيه
رد: تقرير عن العملاق samsung i8910 omnia hd
الف مبروك على الجهاز التحفه
هو بقاله معايا تقريبا شهرين وغيرتله سوفتويرات اكتر من مره وبقى تسجيل الفيديو الهاي ديفينشن بصوت نقى ورائع لانه السوفتوير الاصلي به عيب في كوديكس الصوت بيكون الكواليتي بتاعه ضعيف
والبطاريه بتقعد من 4-5 ايام استخدام متوسط
ربنا يهنيك بيه
رد: تقرير عن العملاق samsung i8910 omnia hd
اقتباس:
المشاركة الأصلية كتبت بواسطة muradsharm
ااوقات كتير حاجات ضايعه من الجست ( السواح ) :D
و سبحان الله بعد اما جيبته بيوم واحد لقيت شنطه صغيره أوي فيها سماعات ودن بس خرافيه خرافيه و افظع من السماعات الاصليه بتاعته و دي صورتها :)
https://www.arabhardware.net/forum/p...&pictureid=950
مكتوب علي السماعه BANG & OLUFSEN
يا مقلبهم
معندكش والنبي اي سايح بس يكون مسحش علي الاخر يكون معاه hd2 اصل نفسي فيه
رد: تقرير عن العملاق samsung i8910 omnia hd
رد: تقرير عن العملاق samsung i8910 omnia hd
لاحظت ان الفيديو المسجل مش كويس او مش على قد كلمة hd
هل ده صح؟
رد: تقرير عن العملاق samsung i8910 omnia hd
اقتباس:
المشاركة الأصلية كتبت بواسطة msabry
لاحظت ان الفيديو المسجل مش كويس او مش على قد كلمة hd
هل ده صح؟
اخي الحبيب تقدر تقول نفس الكوالتي بتاع ال HD اللي في الكاميرات الديجيتال سوني ,كانون
رد: تقرير عن العملاق samsung i8910 omnia hd
بص هو علي حسب السوفت وير اللي نازل عليه انا بالنسبة ليا بصراحة تصويره تحفففففففففففففة فيديو وثابت والسوفت وير اللي عليه هو الاصلي بتاعه مغيرتهوش من ساعتها وهو الايطالي بجد ماحتجتش اغير فيه اي حاجة
يمكن اه عيبه الوحيد اللي اكتشفته بعدين الفيديو كول الكاميرا الثانية ضعيفة جداااااااااااااااااااااا وصورتها اقل مايقال عنها انها تعباااانة
بس انما تصوير الكاميرا الاساسية سواء فيديو او ثابت بجد تحفة انا كنت مصور فرح واحد صاحبي بجد متخيلتش انه يطلع بالنقاوة دي كاني بتفرج بجد علي الجزيرة hd ناقلة ماتش في دوري ابطال اوروبا بجد مش عارف اقولك ايه انا كنت بشوف تصوير كاميرات الفيديو اللي بيتصور بيها الافراح واتخد منهم شريط الفيديو يعني وتتفرج بيه علي الفرح وكده وشوفت تصوير موبايلي حسيت اني طلعت القمر هههههههه يعني فرق شاسع بين الاتنين