الشرح الكامل لبرنامج TinyUmbrella لحفظ الـ SHSH لتتمكن من الـ Downgrade

بسم الله الرحمن الرحيم


برحب بالجميع واسفي واعتذاري علي التأخر في وضع الموضوع دا لأنشغالي الدائم اعزكم الله

استفسار كتير بنلاقية بيتكرر .. ؟؟!!
( قمت بالتحديث بالغلط وفقدت الجيلبريك ..فهل أستطيع الرجوع للفيرموير القديم وعمل جيلبريك مرة اخرى ؟)
الأجابة طبعا لا ..

طب لييييييه؟؟
لأن آبل تمنع إستعادة آي فيرموير قديم على جهازك عن الحالي اللي موجود في الساحة ..
ولو حاولت تعمل الريستور حتلاقي خطأ طلعلك من برنامج الأيتونز
وحتضطر في النهاية الي وضع الفيرموير الأخير التي تسمح به آبل على جهازك .

طيب كيف تقوم آبل بمنعي ؟؟!! وكيف هي تعرف اني اقوم بتنزيل فيرموير سابق او قديم !!؟ ..
بإختصار في كل مرة تقوم بعمل تثبيت لفيرموير على جهازك ، برنامج الأيتونز بيأخذ الاذن من سيرفرات آبل وهذه السيرفرات بتكشف اذا كان هذا الفيرموير آخر إصدار او لا

فأذا كان اخر إصدار ترسل لك الموافقة .. هذا يعني أنك تستطيع تثبيت الفيرموير الذي تريده آبل فقط.

السؤال هنا ماذا يفعل المستخدم الذي قام بالتحديث الخطأ و يريد العودة الى الاصدار السابق Downgrade من نظام التشغيل ؟؟

الإجابة هي لا تستطيع فعل شيئ الا اذا كنت قمت بتأمين نفسك وحفظت هذه الموافقة من آبل على جهازك او على سيرفر سيديا
وبكدا تقدر دائماً الرجوع للإصدار الذي قمت فيه بحفظ ملفات الموافقة من آبل

*
*
*
*
*
*
/\
هو دا بإذن الله اللي حنشرحة
كيفية نسخ مفتاح SHSH لجهازك لفريم معين ، الذي يمثل موافقة آبل على تثبيت الفيرموير دا اللي انت حفظتلة الموافقة لة. ================================================== ===================
ملاحظات هامة قبل الشرح



1- مين يقدر يحفظ الSHSH :
اللي عامليين جيلبريك واللي مش عامليين كمان

2- لماذا بناخد نسخة للـ ECID SHSH؟
عشان زي مقولنا بالمختصر المفيد عشان تقدر تعمل ريستور للفريم دا او لو حدثت في اي وقت ترجعلة تاني حتي بعد منع ابل التواقيع لة ومنع الريستور لة

ماهو الـ ECID SHSH؟
هو توقيع للفريموير الخاص بجهازك على سيرفرات ايتونز لدى ابل، يتم فحصه في كل مره تود عمل ريستور للفريموير
حتي لو لاحظتم لما بتعملم تحديث او ريستور بتلاقي في وسط الخطوات بتطلعلك الكلمة دي
"Verifying restore with Apple."

في الخطوة دي بيتم التأكد من صحة هذا التوقيع واصداره في كل تحديث بتعملة انت
، ولما يتم اصدار فريموير جديد لأي جهاز من اجهزة iphone,ipod,ipad فأن سيرفرات ابل تتوقف التوقيعات للأصدارات السابقة من الفريموير فيصبح من الصعب العوده للأصدارات السابقة من الفريموير عن طريق الآيتونز وبتبقي مجبر انك تحدث للفريموير الجديد فبالتالي تخسر الجيلبريك واي اشياء اخرى.


************************************************** ******************************************

ملحوظة هامة جدا : لما بيطلع فريم وير جديد وانت علي فريم قبلة
انت خلاص بتفوت فرصة انك تسجل ال shsh للفريم القديم


يعني انت لما بتحفظ الshsh مبيتحفظ اللي الجهاز علية لأ بيتحفظ اخر فريم موجود في الساحة وقت حفظك
************************************************** ************
<<<<<مثال>>>>>
يعني انت لو حفظت وكان جهازك علي الفريم 3.1.2 وكان هو اخر فريم يبقي تمام انت ممكن اي وقت تحدث ترجعلة تاني

اما لو انت مثلا بتحفظ وكان في فريم 3.1.3 نزل خلاص انت كدا فوت فرصة انك تحفظ لفريمك اللي هو 3.1.2 اللي حيتحفظ 3.1.3

ولاحظ الجهاز بيحفظ الshsh للفريم حتي لو مالهوش جيلبريك
************************************************** ************
وكل متييجي تحفظ .....لما ينزل فريم جديد بيبقي ممكن لو اي وقت حدثت ترجع تاني لأي واحد من اللي انت حفظتلة الSHSH الخاصة بيه
العملية دي اللي اسمها داونجريد


================================================== ==============


الجزئية اللي فاتت دي انا حبيت اكتبها كلها واشرحها بأستفاضة
عشان اللي
حابب يعرف ازاي بتحصل العملية كاملة ولييه وبتحصل ازاي زييي هههههه
:ah50:


طيب ازاي بقي بنحفظ الملف دا والطريقة
:ah2::ah2::ah2:

في ادوات كتيير اللي بتعمل نسخ لهذا المفتاح وحفظه على اجهزتنا ومنها هذه الاداة التي حشرحها هنا واللي انا شايف من وجهة نظري انها افضلهم عشان دعم فريقها ليها وتنزيل تحديثات دائمة ليها في اوقات متقاربة
TinyUmbrella

(((للي حابب يعرف اسماء ادوات تانية للعلم في مثلا الأداة AutoSHSH من الفريق iH8Sn0w ))))

نرجع تاني لأداتنا اللي حنشرحها TinyUmbrella

هي ليها وظيفتين يعني 2 في 1 هههههههه


Umbrella-1: وتستخدم للحصول على ملف SHSH زي مقولنا وحفظه في جهازك للسماح لك باجراء داون جريد Downgrade مستقبلا دون اي مشكلةوطبعا الكلام دا زي مقولنا ينفع كمان الاجهزة التي لم يتم عمل جيل بريك ليها.

TinyTSS-2: وتستخدم لاجراء تحديث لنظام التشغيل دون تحديث البيس باند مما يسمح بالحفاظ على حالة فك القفل للشبكة.


استني كدا.... يعني اية يا عم الحتة دي:ah27:


يعني مثال انت مثلا معاك ايفون مغلق علي شبكة معينة يعني مش مفتوح رسمي تمام وعلي فريم معين وعامل جيلبريك وان لوك والعملية تمام معاك

في فريم جديد نزل وعاجبك ونزلة جيلبريك بس منزلهوش ان لوك للبيس باند بتاعة

عشان زي مانتم عارفين انت لما تييجي تحدث لفرييم معين بيتحدث كمان رقم اصدار المودم للجهاز اللي هو البيس باند

البرنامج بقي الخاصية دي بتتيحلك انك تحدث فريمك القديم للجديد ويفضل البيس باند زي ماهو فانت تعمل الجيلبريك والأن لوك بالأداة القديمة اللي انت كنت عامل بيها الأن لوك علي فريمك القديم لأن البيس باند متغيرش


طيب بسم الله نبدأ الشرح

1-الأول اتفضلم حملو الأداة الأول من الرابط دا
[TinyUmbrella [WIN

دي اخر اصدار 4.1.11 مش حتلقيلها شرح علي النت عشان لسة نازل :ah50:

TinyUmbrella-2 يشتغل مع جميع الاجهزة ( الا ايفون 2G + ايبود تاتش 1G )
+
اي فيرجن ( 3.0 وفوق )

بعد كدا اتبع الشرح

https://img686.imageshack.us/img686/...2010085548.png

https://img686.imageshack.us/img686/...2010085842.png

https://img3.imageshack.us/img3/671/23102010090037.png

https://img176.imageshack.us/img176/...2010090556.png

https://img263.imageshack.us/img263/...2010091245.png


طبعا حتلاقي عندي طلعت فريمات تانية عشان انا بسيف علي كل فريم جديد
كدا تمام تم بنجاح الحفط

نتابع

طيب ازاي تعمل الداونجريد بقي

1- الأول توصل جهازك وتدخله في وضع الريكفري الDFU

الطريقة اتبع الفيديو دا

https://www.youtube.com/watch?v=bITIiGswjFI

- وتفتح برنامج اليومبريلا تأكد انك عملة من البرامج الموثوقة في كاسبر او اي انتي فايرس عندك عشان بيعملولة بلوك وحيطلعلك رسايل ايرور

3- المهم لما تفتح البرنامج والجهاز طبعا دلوقتي في ال DFU حتضغط علي START TSS SERVER

https://img823.imageshack.us/img823/...2010094311.png

4-بعد كدا ادخل على الايتونز واضغط Restore + Shift واختار الفيرموير اللي عايز تنزلة يعني تعملة داونجريد وانتظر الى ان ينتهي الداونجريد ومن المؤكد انه يطلعلك error في الايتونز برقم 1014 او 1015 ( 10XX ) وماشي عادي متقلقش خالص

لبعض الناس بعد انتهاء الخطوات دي لو الجهاز فضل في وضع الريكفري متخفش برضة عادي خالص حتفتح اليومبريلا تاني وتختار الأمر دا اللي بيخرج الجهاز من الريكفري وحتلاقية بعديها دخل علي الفريم اللي انت عملتلة داونجرييد لة
https://img87.imageshack.us/img87/17...2010095004.png

كدا تمام انتهينا اتمني اني اكون وفقت في الشرح وزكر كل المعلومات المتطلبة في هذ الموضوع وانا تحت امركم اي وقت تحياتي
ومتنسوش الدعوة الحلوة ليا الموضوع مش سهل واخد مني وقت

طيب كدا اتعلمنا ازاي نحفظ ملف الshsh وازاي نعمل الداونجريد للفريم اللي حفظنالة



يتبقي لينا الوظيفة التانية للبرنامج وهي كيفية عمل ابديت لفريم جديد بدون تحديث البيس باند هي انا مجربتهاش ولا مرة في حياتي عشان الحمد لله كل اجهزتي كانت مفتوحة رسمي هههه

هي العملية ناجحة وبتبقي تمام ححاول اجيبلكم صور واشرح عليها
او اشوف واحد من صحابي اجرب عليية ههههه
اصل زي مانا معودتكم مبحطش موضوع الا لما اكون مجربة علي نفسي عشان ابقي واثق من كل جزئية فيية

يتبع


محجوووز للشرح :ah40:

اخى الكريم عملت زى ما انت كاتب تمام وكله تمام بس المشكلة بعد كده البرنامج مش بيفعل زرار Start TSS server
مش عارف اعمل ايه

اقتباس:

---

المشاركة الأصلية كتبت بواسطة memoragaa

اخى الكريم عملت زى ما انت كاتب تمام وكله تمام بس المشكلة بعد كده البرنامج مش بيفعل زرار Start TSS server
مش عارف اعمل ايه

---

يا باشا الزرار دا مبيتفعلش الا لما تكون موصل الجهاز وهو في وضع اللdfu
وكمان لو انت عندك كاسبر يا ريت تضيفة في السيتنج من البرامج الموثوقة عشان الكاسبر بيحجبة وحصلت معايا قبل كدا

اخر حاجة لو انت ويندوز 7 او فيستا ياريت تفتحة
رايت كليك وتختار
run as adminstrator

تم حل المشكلة وكانت فى تعارض برنامج ال أمبيريلا مع برنامج السكاى بى :confused::confused::confused:

وعند غلق السكاى بى تم عمل البرنامج وانا الآن احدث الجهاز وربنا يستر ويشتغل :(:(

اقتباس:

---

المشاركة الأصلية كتبت بواسطة memoragaa

تم حل المشكلة وكانت فى تعارض برنامج ال أمبيريلا مع برنامج السكاى بى :confused::confused::confused:

وعند غلق السكاى بى تم عمل البرنامج وانا الآن احدث الجهاز وربنا يستر ويشتغل :(:(

---

قصدك بتعمل ريستور تحياتي وتحت امرك اي وقت

اقتباس:

---

المشاركة الأصلية كتبت بواسطة IPHONE4EVER

قصدك بتعمل ريستور تحياتي وتحت امرك اي وقت

---

لا والله انا عملت تحديث لأنى نزلت الفيرموير الجديد بالنسبة للموبيل 4.0 بس طبعا عند طريق زرار ريستور مع شيفت :D:D

جزاك الله خير يا باشا على الشرح والمجهود الكبير
بس انا طلعلى مشكله البرنامج مش بيقرى الاىفون يعنى ف الشمال مش بيطلع انى موصل اى جهاز
وفى انتظار الجزء الاهم وهو التحديث ل4.2.1 بدون تحديث البيس باند

اقتباس:

---

المشاركة الأصلية كتبت بواسطة AfiaGO

جزاك الله خير يا باشا على الشرح والمجهود الكبير
بس انا طلعلى مشكله البرنامج مش بيقرى الاىفون يعنى ف الشمال مش بيطلع انى موصل اى جهاز
وفى انتظار الجزء الاهم وهو التحديث ل4.2.1 بدون تحديث البيس باند

---

لو عندك كاسبر سكاي او النود ضيفة من البرامج الموثوقة وتاني حاجة لو عندك ويندوز 7 او فيستا افتحة
رايت كليك واختار run as adminstrator

معلومات جميلة اخي شكراااااا لك

الف الف شكر اخي حسام على كل ماتقدمة بارك الله بك

ربنا يبارك فيك على الشرح دا الاكثر من رائع بجد جزاك الله خير

موضوع مهم وهادف للفاية الف شكر

عندى سؤال ؟؟؟

انا جهازى اشتريته على الفيريم وير software:4.3.5
وعايز انزل السيديا ومعنديش الجيلبريك
اعمل ايه وانزلهم منين
مع العلم انى جهازى مفتوح رسمى على اى شبكة

وانا عملت وحفظت ملفات SHSH

ياريت تفيدنى وتقولى اعمل ايه

ولكم جزيل الشكر

مضطر تنتظر لحين نزول الجيلبريك الكامل للفريم 4.3.5 لأن الحالي مقيد كل ميقفل الجهاز او تعملة ريستارت تفتحة بالريد سنو كل مرة