ما رايكم بالجهاز و هل يقبل نزول 3.0 عليه ؟
الحجم الكبير لا يشكل مشكله بالنسبه لي , اهم شيء بالنسبه لي هو التصفح
بالمناسبه هو موجود برايه بسعر 4000
عرض للطباعة
ما رايكم بالجهاز و هل يقبل نزول 3.0 عليه ؟
الحجم الكبير لا يشكل مشكله بالنسبه لي , اهم شيء بالنسبه لي هو التصفح
بالمناسبه هو موجود برايه بسعر 4000
اوعى تشتريه يا معتز
التاب موجود عندنا بـ 3300 جنيه - الناس دى بتستهبل
بالنسبه للتاب بشكل عام - فهو تحفه فنيه فعلا - و حجمه الكبير ميزه وليست عيب على الإطلاق
بالنسبه لى فأنا منتظر GALAXY TAB II 8.9 فهو جهازى اللوحى القادم إن شاء الله
الجهاز بسعر 3300 جنيه بالإسكندريه هنا - لا تشتريه بأكثر من هذا السعر ولو بجنيه واحد
يمكنك زيارتنا بالإسكندريه لإقتناؤه
و لا أعرف إذا كانت تنتوى سامسونج تحديثه إلى الهونى كومب أم لا ( لكن فى إعتقادى أنه لا - ولأسباب تسويقيه )
أتمنى أكون أفدتك
بالمناسبه إذا حصلت على التاب فلا تقم بترقيته - لأن الترقيه الجديده تغلق البوت لودر - و تمنعك من تنزيل رومات جديده
وهى ما لا يرغب فيها أى مستخدم أندرويد
شكرا يا محمود علي المعلومات المفيدة جدا جدا جدا
لكن دلوقتي حيرتي زادت :D
تفتكر اشتري ال galaxy tab دلوقتي ولا استني الجديد :(
طبعاً استني الجدييييييييييد
انا كنت هشتريه ونفضت وجبت الجلاكسي إس!!!
اصبر وهات الجلاكسي تاب 8.9
وبلاش 10.1 عشان فيه اختلافات عليهوهينزل بتصميمين وحورارت ملهاش آخر
هى جمله وحيده - لو هتقدر تستنى يبقى لااااااااااااااااااازم لازم تنتظر
معالج ديوال كور - السعر مش غالى - البطاريه أقوى 6000 ميللى أمبيــــــر - نظام مخصص للتابليت - دعم العربى NATIVE
ريزوليوشن الشاشه عالى جدا . التاب ميتفوتش صراحه . إللا لو ناوى بقى تبيع التاب 1 و تجيب التاب 2 لما ينزل
بس خلى بالك - لو ناوى تعتمد على التاب انه يبقى فيه تليفون فمش موجود غير فى التاب 1
بالنسبه لى فأنا مش هشتريه إلا عشان يبقى بديل لاب توب (وفى نظرى هيبقى أفضل بديل فكل شىء ) و هحطله خط داتا
و يبقى متوصل نت 24/7
القرار قرارك طبعا
يبقى خلي معك موبايل عادي واشتري التاب الجديد لما ينزل بجد أنا حاسس أن الآيباد 2 حيتدمر بعد التاب الجديداقتباس:
بس خلى بالك - لو ناوى تعتمد على التاب انه يبقى فيه تليفون فمش موجود غير فى التاب 1
اللى متعرفوش ان الناس كلها منتظره التاب ده بالذات بفارغ الصبر
حوالى 5 من أصدقاءنا المصريين بس مستنيينه ( رقم صغير طبعا - لكن كإهتمام بتابليت أساساً يعتبر حاجه جديده و فى دوله زى مصر
اللى للأسف كل إهتمامها نوكيا نزلت موبايل إيه جديد فيبقى رقم كويس )
على فكره من كتر حب المصريين فى نوكيا - منزلين الـ E7 اللى هو أقل من N8 فى كل حاجه منزلينه بـ 4980 جنيه
شكرا علي المساعده يا شباب :)
شكلي حسمع كلامك يا محمود و حستني ال tabs الجديده :D
بعد اذن صاحب الموضوع
لو ممكن توضح بعد اذنك يعنى ايه خط داتا و يكون متوصل على النت ؟اقتباس:
و هحطله خط داتا
و يبقى متوصل نت 24/7
و ليه تفضله على اللابتوب ؟
أولا اذيك يا باشا . و انت بتكلمنى كأنى غريب عنك مثلا وللا إيه ؟ تقييم سلبى :D
ها وصل ؟؟ :D:D:D:D
ندخل فى المهم بقى - حظر نهائى - ههههههههههههههه
بص يا سيدى : خط التليفون اللى هو الـ SIM CARD ده ممكن يكون خط تليفون عادى مكالمات و كده و النت فيه بيكون باقه
بتدفع تمنها بس عاده بتكون 1 جيجا أو اقل
الخط الداتا : بيكون خط عادى لكن ميشتغلش مكالمات و ممكن تاخد عليه PACKAGE لحد 7 جيجا تقريباً
و دى الخطوط اللى بتكون فى اليو إس بى مودم العاديه
لو جبت التاب 2 ده مش بيشتغل تليفون لكن بيشتغل نت عادى من خطوط الداتا دى و بتحط فيه الخط كأنه تليفون بس عشان النت
لو جبت التاب 1 ممكن كده و ممكن كده
و بتكلم الشركه تحوله
لكن
موبينيل اللـــــــه يكرمها : كسرت قاعده التخلف المصرى دى و عملت packages net من غير ما تخسر خاصيه المكالمات
و من غير ما تتعب نفسك و تحول الموبايل لفاتوره و كمان مش هتحتاج تروح أى مقر عشان تدفع فاتوره النت
كل اللى عليك تشحن كارت عادى بالمبلغ و خلصنا
الباقات كالتالى
باقه بـ 20 جنيه فى الشهر ( 118 ميجا )
باقه بـ 50 جنيه فى الشهر ( 500 ميجا )
باقه بـ 90 جنيه فى الشهر ( 1.5 جيجا )
باقه بـ 150 جنيه فى الشهر ( 7 جيجا )
مش عارف فيه أعلى من كده وللا لأ .
لو إستخدامك متوسط و معقول يبقى الباقى الـ 500 ميجا مناسبه جداااااااااااااا
لو ناوى تستغبى يبقى الباقه جيجا و نصف
لو هتعيش انت و اصحابك ( و الأندرويد يتميز بالخاصيه دى - انه يشتغل هوت سبوت عادى ) يبقى الـ 7 جيجا تماااااااااااام جدا
و أبقى روح أرمى إتصالات و فودافون المتخلفين فى الزباله - موبينيل حطت عليهم بمعنى الكلمه -
تصدق أخي معتز أنا محتار مثلك :D
إن شاء الله جهازي القادم سيكون تابليت , و لكني محتار , هل أشتري التاب 1 المتوفر حاليا و سعره جيد و به هاتف , أم أنتظر التاب 2 ذو المواصفات العملاقة لكنه سينزل بسعر أغلى و بدون هاتف ؟
لا تعتبروا هذا سؤالا , اعتبروها مجرد خاطرة أو دردشة :D
يا جماعة بس التاب أو الآيباد كل ميزته عن الموبايل العادى هو حجم الشاشة و عمر البطارية
لكن طبعا لا يمكن الاستغناء به عن اللابتوب بأى حال من الأحوال
يعنى مش كل البرامج هتشتغل معاه
زى الأوتوكاد مثلا
و حاجات كتير قوى قوى تخلى الواحد لا يمكن طبعا يستغنى بيها عن الكمبيوتر العادى أو اللابتوب
و لا ايه؟
هل قرأت مقالي في العدد الأول من مجلة عرب هاردوير ؟ :)
محدش قال انه يمكن الإستغناء عنه ( فى الوقت الحالى ) لكن تخيل لما التاب ينافس اللاب بشراسه من مجرد تانى جيل . يبقى بعد 5 سنين اللاب هيكون فين ؟؟؟اقتباس:
يا جماعة بس التاب أو الآيباد كل ميزته عن الموبايل العادى هو حجم الشاشة و عمر البطارية
لكن طبعا لا يمكن الاستغناء به عن اللابتوب بأى حال من الأحوال
يعنى مش كل البرامج هتشتغل معاه
زى الأوتوكاد مثلا
و حاجات كتير قوى قوى تخلى الواحد لا يمكن طبعا يستغنى بيها عن الكمبيوتر العادى أو اللابتوب
و لا ايه؟
بالنسبه للأتوكواد فعلى حد علمى - الأندرويد مزود ببرامج فوتوشوب و أوتوكاد :D و بالسلامه يا برنس
================================================== ==========
دكتور محمد : بدأت التفكير فى نفس ما تفكر به حتى أننى أفكر أكثر بالـتاب 1 حاليا :D
منك لله يا سامسونج - لعبتيها صح