ما رأيكم في قاعدة/مروحة التبريد للاب ؟
:ah27:عندي لاب ACER 5742G لما بشتغل عليه بيدفى فقط .. لكن لما بلعب عليه نص ساعة بيطلع كمية سخونة رهيبة ومخيفة على الجهاز لدرجة إن الزجاج اللي تحت الجهاز بيسخن فعلا والسخونة كلها من الشمال مكان المروحة اللي شكلها بتبرد لوحدها البروسيسور و الفيجا الانفيديا !!!:mad:
فما رأيكم في قاعدة التبريد اللي فيها مروحة و بـ 15 جنيه .. هل حتحل المشكلة ؟
وعلى المدى الطويل مش حتأثر على الجهاز بالاهتزاز وبكميات التراب اللي ممكن تدخله ؟
رد: ما رأيكم في قاعدة/مروحة التبريد للاب ؟
قاعدة التبريد أساسية طالما تستخدم الجهاز لفترة أو تستخدم برنامج يستهلك موارد الجهاز وفي الحالتين يتولد حرارة
الأجهزة المحمولة صممت أساساً للاستخدام الخفيف ولكن يمكن استخدامها في أعمال شاقة بشرط التبريد الجيد لها وكذلك إراحة الجهاز من فترة لأخرى
أنا قمت بقياس درجة حرارة لاب صديق لي كنت أستخدمه في عمل تحويل لفيديو يستهلك موارد الجهاز فكانت درجة الحرارة ترتفع بشكل رهيب وبعد استخدام قاعدة التبريد انخفضت درجة الحرارة خمسة درجات
هناك طريقة أخرى مساعدة لقاعدة التبريد وهو الدخول على البيوس وتقليل تردد البروسيسور أو إلغاء خاصية التيربو وهي التي تجعل البروسيسور يطلق أعلى كفائة له مع زيادة الفولت مما يتسبب في زيادة الحرارة وهذه أنزلت حوالي عشرة درجات من جهاز صديقي إذ كان يصل إلى 70 درجة مئوية والآن بعد إلغاء هذه الخاصية أصبح يصل بالكاد إلى 57 درجة مئوية ... طبعاً على حساب السرعة .. لكني ضحيت بالسرعة للمحافظة على الجهاز من الحرارة الزائدة لأن جو منطقتنا ساخن في الصيف للأسف
وبالنسبة للتراب باستخدام بلاور خفيف أو انفخ انت بنفسك في الفتحات سيتم طرد كل التراب ويمكن عمل هذا مرة واحدة أسبوعياً
رد: ما رأيكم في قاعدة/مروحة التبريد للاب ؟
ألف شكر على ردك يا جون2006 لكن من فضلك ممكن تفصيل أكثر لكيفية إغلاق التيربو بوست أو لينك يشرحها...
و هل ده معناه إن الألعاب حتقطع ...وكذلك أنا ناوي أعمل كونفرت لفيديوهات فالسرعة حتقل أد إيه ؟!
رد: ما رأيكم في قاعدة/مروحة التبريد للاب ؟
الأخ / الأخت nanonona
موضوع قفل خاصية التربو يتم من البيوس هو أمر يختلف من جهاز للثاني نظراً لاختلاف البيوس واختلاف الاختيارات
لو احببت أن أساعدك فمن فضلك اذكر الموديل الخاص باللاب بالتفصيل
لكي انزل المانيوال من النت وأقول لك الطريقة كيف
وجربه وبعد كده لو مقتنعتيش بتضحيتك بالسرعة قليلاً مقابل الحفاظ على الجهاز يمكن ارجاعك للاختيار كما كان
رد: ما رأيكم في قاعدة/مروحة التبريد للاب ؟
شكرا يا عم جون وعلى فكرة أنا اسمى خالد وانت مش:) أول واحد يفتكر اسم nanonona اسم بنت ...
أنا لسه شارى قاعدة تبريد لكن لسه مجربتهاش فحفتح جيمز وأقول على النتيجة
رد: ما رأيكم في قاعدة/مروحة التبريد للاب ؟
;) فرصة سعيدة يا أخ خالد :)
جرب وأنا لو أقدر أساعد مش هتأخر
رد: ما رأيكم في قاعدة/مروحة التبريد للاب ؟
تم تجربة القاعدة هي حلوة الصراحة يعني السخونة قلت وإن لم تختف تماما حال تشغيل لعبة ثقيلة مثلا وإن كان كده كويس وأصبحت مطمئنا والحمد لله...
وعلى فكرة القاعدة بـ 50 جنيها وفي أغلى لكن الأرخص شكله أي كلام لكن دي تمام والختام سلام
رد: ما رأيكم في قاعدة/مروحة التبريد للاب ؟
خالد مبرووووك عليك الجهاز تابع درجات الحرارة ببنامج Everest بالمروحة مرة وشغل لعبة تقيلة ومرة اخرى بدون مروحة وشوف فروقات الحرارة قد ايه
رد: ما رأيكم في قاعدة/مروحة التبريد للاب ؟
اقتباس:
المشاركة الأصلية كتبت بواسطة cato240
خالد مبرووووك عليك الجهاز تابع درجات الحرارة ببنامج Everest بالمروحة مرة وشغل لعبة تقيلة ومرة اخرى بدون مروحة وشوف فروقات الحرارة قد ايه
المشكلة إن Everestبيقرأ بيانات الكارت الانتل فقط حتى لو مشغل لعبة ثقيلة أنا أستخدم النسخة 5.50.2209 من البرنامج لو عندك لينك لنسخة حديثة مخصصة للاب ياريت مع توضيح لصفحات البرنامج المطلوب عرضها