الرجاء : ما هو افضل مزود طاقة لكارت hd 6790 او hd 6850

السلام عليكم يا اهالى دار عرب هاردوير الكرام

انا خلاااااص دماغى ساحت على بعض من كتر ما انا عايز اعمل ابجريد للجهاز
اول حاجة كنت محتاج كرت شاشة ودلوقتى بنسبة 70 % استقريت على hd 6790 واللى اقنعنى بيه العضو المحترم Eng.TaHeR جزاء الله كل خير بعد ما خلاص عمال ادور اكتر من 3 اسابيع
قلت كدة 100 فل وطبعا عشان اجيب الكارت ده يبقى لازم اجيب باور على الاقل 500 عشان يشغل الكارت فقلت طالما حجيب باور يبقى ازود شوية واجيب 700 عشان خاطر بعد كدة عشان كسر السرعة و cf
انا فى الاول كنت شايف HEC Cougar 700w فاقلت ده زى الفل و100 100 فا قلت بس برضه ادور واشوف اراء الاخوة الاعضاء ولقد خاب من استشار وانى مش حسأل حد دا انا حسأل على منتدى عرب هاردويييييييييير المهم دورت لقيت فى كذا نوع ولقيت فى انواع موديلار عشان لو حبيت اركب كابلات تانية ماشى ودورت تانى لقيت الفولت والامبير قولت بس لحد كدة وستوب ياريس لانى والحمد الله مش فاهم اى حاجة فى موضوع الفولت والامبير والكابلات اللى بتطلع 12فولت وانا الصراحة ماقدرتش افهم ولقيت كذا حاجة بتتكلم على موضوع الفولت وان فيه باورات بتطلع 17 امبير ومنها 2 وباور تانى بيطلع 34 امبير ويبقى كابل واحد وان ده افضل من ان يبقى كابلين رغم ان مجموعهم 34 بس برضه انه يبقى كابل واحد يبقى افضل

فياريت رشحوا ليا باور كويس عشان انا خلاص دماغى قربت تسيح والابلاتين عندى لدع خلاص

يعني أنت تريد مزّود طاقة قدرته 700 وات الاّن ؟ طيب كم الميزانية للمزّود ؟

انصحك بهذا الباور Seasonic J Series 750W اداءه ممتاز وانا مشغل الباور حاليا مع hd 6950 2gb وسعر الباور 650 جنيه
وايضا Antec Neo Eco 620C 620W بسعر 500 جنيه كافى إن وجد

شكرا للمرور الكريم

بالنسبة للفلوس انا عايز فى حدود 600 جنيه لانى كمان حبيع القديم بتاعى اللى هو الcooler master 400w

وياريت لو يقل المبلغ عن كدة لانى كل مابزود كل ما ازنق نفسى جامد فانتوا برضه قولولى الحلول وانا ححاول اظبط حالى ان شاء الله

بالنسبة لل Seasonic J Series 750W انا مش عارف والله بس هل هو موديلار لانى بصراحة عايز واحد موديلار

عندك الانتيك ب 520 جنيه و الهيك 600 وات ب 420 جنيه و كلهم كافيين

طيب رايكم فى الباور ده SeaSonic J Series SS-750JS 750W
هل اداءه افضل ام اداء Cooler Master GX750 750w PSU

ومين فيهم موديلار فى الاتنين

أياك و شراء مزّود الطاقة من Cooler Master من سلسلة GX لأنها سيئة جداً.

اقتباس:

---

المشاركة الأصلية كتبت بواسطة zaza2010

طيب رايكم فى الباور ده SeaSonic J Series SS-750JS 750W
هل اداءه افضل ام اداء Cooler Master GX750 750w PSU

ومين فيهم موديلار فى الاتنين

---

لا seasonic ولا Cooler Master موديلار
وال seasonic افضل من Cooler Master
ولكن لو الميزانية مش سامحة ب seasonic
دور على ANTEC 620W بسعر 500 جنيه ( لو متوفر )

مزود OCZ StealthXStream 2 500W بسعر 430 جنيه كافي لكرتك ولا أدري لماذا تريد شراء 750W
عموماً SeaSonic J 750W بسعر 650 جنيه أكثر من ممتاز ولكنه ليس موديلر ويوجد Antec NeoEco 620C 620W موديلر ولكن لن تستفيد منه شيء فلا يوجد إلا 3 أسلاك يمكن فصلهم

بعد اذن صاحب الموضوع
الي الاخ omaar97
انا عندي باور SeaSonic J 750W
لكن في صوت لما بشغل الجهاز لمدة خمس دقايق و بعد بيروح الصوت و رجعتوا بسبب الصوت و ايضا الي استبدلتوا في نفس الصوت و اخ محترم هنا ايضا عندوا نفس الباور و عندوا نفس الصوت
هل هذا الصوت عيب في الباور هل في المستقبل يؤئر علي الباور ؟.
محتاج رايك اخي و للعلم العيب ليس من المروحة لاني وقفتها و مازال الصوت في بداية التشغيل ممكن نصحتك ؟

اخي اشرف جيمع المزودات تصدر صوتا عندما تعمل و يكون الصوت قوي في بد تشغيل الجهاز بسبب ان المزود يمد كل القطع باطاقة حتي يتسطيع قراءه في البيوس و حتي الوصول لاي نظام التشغيل

لكن تختلف درجة ازعاج من مزود الي اخر و اعتقد ان هذا الصوت لا يؤثر علي عمر المزود

ارجو ان تكون استطاعت افادتك

:)

بالفعل الصوت موجود لدي ومزودي Zalman ZM600-HP
الصوت مرتفع جداً ويأتي بالبداية , هو أشبه بصوت مروحة ولكنه عالي حتى أنه أعلى من أعلى سرعة لمروحة مشتتي CNPS10X Extreme وبعدها يذهب , لا تقلق لا يوجد مشكلة , أنا كنت أظن أنها لدي فقط :D ولكن كما قام بالتوضيح الأخ ياسر :)

ربنا يكرمك يارب و الله طمنتوني انا كنت حاسس ان الباور بتاعي اي كلام
كتر الف خيركم

فعلا الصوت موجود انا ليا صاحبي عندو زي الباور بتاعي و بيعمل نفس الصوت باين عليها كل الباورات المحترمة كدة في بداية التشغيل