ارجو الافاده من اهل الخبره

انا كنت عاز اعرف حاجه بس من الناس الى مجربه علشان مش بحب كلام موقع لشرح الحاجه من دون تجربه او حد يكون حصله مشكله وتكررت مع حد انا يا جماعه جيبت جهاز جديد برسيسور فينوم 2 550 بلاك رامات 1600 كينج ستون هايبر اكس الماذر وهو ده قلب الموضوع msi 770 _G45 هل انا اساءت الاختيار فى الماذر وكان الافضل انى اجيب الاسوس 785 evo ولا ايه علشان انا بس سالت تاس كتير وقالولى انها كويسه اوى على ام اس اى وبصراحه انا شغال بيها سريعه ومفيش اى مشكله بس هل الاسوس افضل علشان موضوع 8+2 فاس للباور وهل فيه مشاكل للماذر الاسوس سمعت انها بتجيب لان والسوند بتاعها مش كويس هل حد جرب النوعين وايه رايه وهل 8+2 فاس فعلا بتنزل درجه الحراره للبرسيسور كتير والماذر بتكون ابرد من الماذر 770 وهل الفرق كبير يستحق انى ابيع الماذر وانا لسه جايبها ياريت اشوف الردود من الناس اهل الخبره

مادام اشتريت وخلاص يبقى هتبيعها ليه مادام محصلش معاك مشاكل

مراحل الباور 8+2 بتفرق بس إنها بتدي ثبات أكتر للبروسيسور في كسر السرعة وخصوصا لو بروسيسور رباعي أو سداسي
انما البروسيسور بتاعك ثنائي، وحتى لو فتحت الأنوية وبقى رباعي هيشتغل بدون مشاكل

أنا شخصيا عندي عقدة من الmsi لدرجة إني بكرهها جدا (الشركة بصفة عامة) وعندي عشق للأسوس
ومع ذلك كل الأعضاء هنا بيشكروا في الmsi جدا خصوصا مع معالجات amd ومنتجات الشركة أثبتت كفائتها

وبخصوص التبريد البوردة الأسوس فيها مشتت على وحدات الطاقة mosfets طبعا بيبردها كويس ولكن كل البورد التانية في نفس الفئة لا تحتوي على أي مشتتات إضافية ومع ذلك تعمل بكفاءة جدا وبدون أي مشاكل

هو بالنسبه لكسر السرعه كسرته لحد 4.6 ومعملشى مشكله انا بالتكلم على الحراره انه المعالج بيسخن هل لو الماذرر اسوس علشان 8+2 فاس السخونه هاتقل كتير ولا فى كل الاحوال بيبقى فى الحاجه لمشتت

مشتتات البوردة مش هتبرد المبروسيسور، ومادام البوردة شغالة كويس ما تقلقش نفسك ع الفاضي
وانت أصلا كدة كدة اشتريت وخلاص ما تبقاش قلوق
لو جبت مشتت احترافي للبروسيسور أكيد هينزل حرارته مش أقل من خمس درجات عن المشتت إللي بيجي معاه
انت درجات الحرارة عندك إيه نظامها؟

اقتباس:

---

المشاركة الأصلية كتبت بواسطة TIMO1

هو بالنسبه لكسر السرعه كسرته لحد 4.6

---

انت بتهزر:D
أكيد تقصد 3.6

اه طبعا 3.6 معلشى درجات الحراره البرسيسور فى الخمول 32/34 ده وهو من غير اى اوفر كلوك بس الفانه صوتها عالى وبتعمل 3000/3500 لفه فى الى انا اقصده هل لو على ماذر 8+2 فاس الفرق كان هايبقى اقل من كده كتير على ا لوضع الطبيعى بخلاف الاوفر كلوك يعنى كان هايبقى مثلا 28/27 والفانه على 1900 لفه ده الى انا قصدى منه

لا لا مكنتش هتفرق معاك حاجة المهم بس التهوية جوة الكيسة هي إللي بتفرق وطبعا المشتت بتاع البروسيسور نفسه

خد الكلام ده منى من واحد باع البردتين
البرده ال MSI محترمه جدا فوق الوصف ومدام معملتش معاك مشاكل يبقى ملوش لازم والخيره فى ما اختاره الله
والكلام ده كله مايقليش من الاسوس برده ممتازه ومبيعتها كبيره زى الMSI
وانت معاك ضمان سنتين من شركه الطويل من اكتر التوكيلات المحترمه فى السوق الان

الماذر كويسه وتمام ده انا حتى جايبها من عندكم بس هو الموضوع كله هل الاداء بتاع برسيسور فى الوضع العادى كان هايبقى بارد عن الوضع ده لو على ماذر اسوس هى ماشاء الله عندى مفيش اى مشكله بس موضوع الحراره ده كنت متوقعه اقل من كده وكمان كانت فاكر الماذر الى معايا 1+4 فاس طلعت 4 فاس بس فى حين ان الاسوس 8+2 يعنى 10 فاس هل ده كان هايفرق فى درجه حراره سطح المعالج وسخونه النورث والساوس بريدج هو ده سؤالى يعنى هل فى فرق كبير يستدعى التغير فى درجه الحراره بين الماذرين على نفس البرسيسور

تامر عيش حياتك
بطل وسوسه
بس عشان اريحك
الحراره مش هتختلف
الا في الشتاء
:)

مش وسواس والله ولا حاجه بس انا كل الى كنت عايز اعرفه هل افلرق فى الخمول بين الاتنين كبير ويستدعى التغير انا مش اوفر كلوكر اوى بس هل فى الخمل فى فرق كبير بين الماذرين فى درجه حراره المعالج والنورث والساسو بريدج ده الى انا محتاج اعرفه لو حد مجرب الاتنين انا مش بتكلم فى اداء انا بتكلم فى درجه حراره

سامر إرحم نفسك بجد

الماذر عندى و درجات الحراره زى عندك بالضبط و دى درجه ممتاااااااااااااااااااااااااازه جداااااااا لأى بروسيسرو

ده فيه بروسيسورات للاب توب مبتوصلش كده يا عم



الماذر عندى كاسر السرعه لحد 3.6 على فولت 1.35 و الحراره لم تصل لـ 40 حتى

انا جبت المشتت الهايبر على فكره عشان فتحت الأنويه + الكسر

و فى الخمول حراره السطح 35 قول 40 للأنويه

فيه إيه افضل من كده ؟؟؟؟ كسر + انويه و الخمول 40

من غير كسر ولا انويه الحراره بتكون 28 او 30

لا تقلق يا زعيم

انا ناوى اعمل اعلى كسر بالمعالج ده

هعدى الـ 4.0 مرتااااااااح :D