عايز اراء الناس الخبره في الالعاب

ياجماعه انا جبت الكارت ده كارت شاشه

evga geforce 210 1 giga ddr3

ده كده يشغل العاب تمام ولا ايه
جبته ب 350 جنيه ضمان سنتين
ايه رأيكوا يا شباب

ايه الريزليوشن الي بتلعب عليه ؟؟ .. او حجم شاشتك ؟

حبيبى لا تزعل منى .. روح رجع الكرت فورا . لانه كرت ضعيف يمعنى الكلمة و hd 4670 يتفوق عليه بمراحل و الذى يعتبر ضعيف هو الاخر اليومين دول .. انت مستنى إيه . روح اجرى رجعه .. انت لسه هتكمل قراءة !!! روح اجرى رجعه !!! الكروت ديه معموله لل HTPC او السنما المنزلية

بالفعل أخى الكارت غير مناسب للألعاب الحديثة خالص ....يكون مناسب على قد تشغيل ميديا

لو فى امكانية لاستبداله يكون احسن وهات مثلا 9800 فهو يباع الان بسعر رمزى 375ج تخيل وأقوى بمراحل من كارتك

او عندك خيارات اخرى زى 4670 سافيير

ايه ياجدعان خوفتوني ليه كده علي فكره الكارت شغل معظم اللعب اللي عندي زي
saw batman call of duty modern warfar dead space 1 2 mafia 2 medal fo honor 2010 man hunt 2 م
مع العلم ان كل الالعاب ديه مكنتش شغاله عندي خالص انا الشاشه عندي 21 بوصه والريزليوشن 1024*768 32 bit
انا شايف انه حلو بس مش حلو اوي هههههههههههههههههه

هو هذا الكرت يعتبر تقريبا أضعف كرت موجود في السوق حاليا وهو عموما غير مناسب للالعاب الحديثة، وكما قال الإخوة فإن 4670 أقوى منه بكثير

لكن إذا كان يفي باحتياجاتك وترى انه يقدم لك ما تريد فلا مشكلة (مبروك عليك الكرت).

روح رجعو عشان ما تندم بعدين وإذا كان عم يشغل الألعاب في الوقت الحالي فبعد فترة مارح يشغلك شي و رح تضطر ترجع تشتري كرت جديد.

انت غالبا مش حاسس ان الكارت دة حرام فيه الفلوس لغاية دلوقتى
رغم نصائح الاخوة لك
طيب اصبر بيه لمدة 6 اشهر من الان ولن تستطيع انت تجرب اى لعبة عليه اطلاقا
فهو للالعاب الضعيفة فقط
لكن 6 اشهر فقط وستندم عليه ندم شديد جدا جدا جدا
نصيحتى لك هات الكارت دة
Sapphire HD 5670 1GB GDDR5
السعر 625 جنيه

اولا هو DX 11
ثانيا هيعيش معاك على الاقل سنتين
ثاثا هو اول الجيل الوسط
ممتاز من الاخر
اما اذا لم تتوافر معك ميزانية لشراءه
فعليك ب
Sapphire HD 4670 1GB GDDR3
السعر 450 جنيه
ممتاز لكن لا يدعم DX 11
وانما يدعم DX 10
يشغلك كل الالعاب الحديثة بلا استثناء ويقعد معاك لمدة تزيد عن السنة
بصراحة كارت ممتاز
وبالتوفيق

ماشي يا شباب الف شكرررررررر علي النصائح الخطيره انا فعلا غلت لما جبته بس المشكله ان الراجل مش راضي يبدله غصب عني هلعب عليه شويه وبعد سنه ولا حاجه اجيب الاحسن والاغلي شكراااااااااااااااا ياشباب

انت ممكن تشترى كارت اقوى منه بمراحل و يكون مستعمل مش شرط يكون جديد طالما مفيهوش عيب و حالته كويسه
انا مثلا فى البداية اشتريت 4670 و بعته بعدها على طول و كملت على المبلغ حوالى 250 جنيه كمان و اشتريت الكارت اللى معى حاليا مستعمل و باقى فى الضمان حوالى 10 شهور و هو 5770 و اعتقد ان الفارق شاسع بين هذا و ذلك
انت حضرتك ممكن تعمل زيى هيكون افضل بمراحل يعنى بثمن 5670 جديد ممكن تشترى 5770 مستعمل سنه تقريبا و فارق الاداء شاسع
بس طبعا مع ذلك يجب توافر بور صبلاى لا يقل عن450 واط فعلى