هل ترى أن إقامة مصنع لتصنيع اللوحات الرئيسية فى مصر من انتل تأثير على بقية المصنعين؟

كما تعلمون جميعا تتعاون انتل ومترا فى مصر لتصنيع اللوحات الرئيسية فى مصر. هل ترون ان لهذه اخطوة تأثير على المصنعين الأخرين مثل جيجابايت واسوس و ام اس أى.

ولا لن يكون لها تأثير....ز أجو المشاركة والرد....

في البداية انتل لن تقيم مصنعا لها في مصر , هي اتفقت مع شركة لانتاج لوحات تحمل اسم انتل فقط لا غير , يعني اتفاق شبيه باتفاقها مع فوكس كون , وفرق كبير بي نان تتقي مانتل مصنعا لها في مصر وبي نان توقع افاقا لشراء اللوحات من شركة مصرية !!!

ولا أعتقد أنهاسؤثر على مبيعات جيجابايت او اسوس او اي شركة اخرى لان لوحات انتل لا تقارن بلوحات الشركات المذكورة ...

حد لو سمحتم ياجماعه يجيب مصدر الخبر ده

واعتقد ان ناس كتير هتحارب اقامه مصنع لانتل على مصر لان ده هيسبب لتقليل البطاله

وجذب الشركات التصنيع الاخرى زى اسوس وجيجا بايت

لتوافر العماله الرخيصه فى مصر وتوافر الايدى العامله الكثيره وكثير من رمال السيلكون النقيه والمساحات الشاسعه من الاراضى..

وطبعا ده هيقلل الاسعار بشكل قوى جدا فى اسعار الكومبيوتر فى الشرق الاوسط

وهيزيد المستوى العلمى لشباب والمهندسين العرب

وطبعا اول ناس هتحارب الموضوع ده التجار اللى بيكسبوا من التصدير

واى حد بيكره التقدم للعرب

وشكرا...

الخبر صحيح ولكنه مصنع لتجميع اللوحات و ليس تصنيعها زي كتير من الشركات هنا

الى حد الآن أرى ان اقامة المصنع بادرة جيدة لأن جميع النمور الآسوية بداؤو بتلك الطريقة (وشتان بيننا وبينهم)
أنا مع كلام yasserxpnew أن المصنع سيجعل الشركات المشهورة مثل GigaByte و Asus تقوم بنفس الخطوة أو افضل .
ولحد الآن أنا مقتنع بإن مجال تقنية المعلوات هو المجال العلمي الوحيد الي العرب بامكانهم اللاحق فيه حتى ولو كان في آخر عربة من القطار وزلنا في دول مثل تايوان وماليزيا وحتى تايلاند خير مثال ..
بالتوفيق

ياجماعة انتل مش شركة خيرية علشان تيجي وتفتح مصنع لتصنيع البوردات لتقليل البطالة وكمان هما عايزنا دايما نكون مستهلكين ومش منتجين :mad:

اكيد مش شركة خيرية واكيد بردة :Dمفتحوش المصنع منظرة!!

انا شايف ان ده اسواء خبر سمعته ان انتل تنتج لوحات ام فى مصر و لذلك بسبب ان البوردة هيتكتب عليه صنع فى مصر و بصراحة انا مبشجعش المنتجات المصرية لان لازم يكون فيها نصب و كمان هيسخدمو اسوا و اردء القطع لصناعة البورد و من جها اخرى لما تتصنع البوردة فى مصر شوية شوية يوقفو الاستراد و يقلولك (شجع منتج بلدك) :ah33:

اقتباس:

---

انا شايف ان ده اسواء خبر سمعته ان انتل تنتج لوحات ام فى مصر و لذلك بسبب ان البوردة هيتكتب عليه صنع فى مصر و بصراحة انا مبشجعش المنتجات المصرية لان لازم يكون فيها نصب و كمان هيسخدمو اسوا و اردء القطع لصناعة البورد و من جها اخرى لما تتصنع البوردة فى مصر شوية شوية يوقفو الاستراد و يقلولك (شجع منتج بلدك)

---

مثل هذه الانواع تخضع لمقايس عالميه ولا يمكن ان تدخل بها الواسطه ااو الفساد او اى شئ من
اللى فى بالك لان لو كان فيها حاجه زى كده (فساد وضرب منتج)

كانوا دخلوها من زمان

لكن نظم تصنيع زى ديه تدخل الدول العربيه معناها تقدم خطييييييييير فى نظم الصناعه الاخرى ايضا

وشكرا...

واللة ياجماعة دة خبر تمام وبعدين دي من شركة انتل كناية دي بس .
وهايكون في منافسة كبيرة جدا من الشركات الاخري واكيد الاسعار هاتنزل والواحد نفسة ان البلد تتطور وتكون فيها حاجات زي دي كتير مش كدة ولا ايه.

انا اشجع هذا الخبر ونفسى تكون مصر بلد تكنلوجية وسأكون من اول الملتحقين بهذه الشركات

يا جماعة الخبر فعلا صحيح وانتل دلوقتى بتجهز للمصنع مع مترا كمبيوتر والمفروض يتم افتتاحه مع نهاية السنة دية . وعمل الصنع حيركز على التصدير لدول أفريقيا لان الدول دية متعطشة للتكنولوجيا جدا جدا اكتر مننا والنسبة الاقل للتوزيع فى مصر.

فيه حاجة يمكن لفتت نظرنى وخلتنى فتحت الموضوع ده وهى ان دلوقتى انتل اكبر شركة فى مجال المعالجات وهى اللى على اساسها شركات المازربورد بتطور منتجاتها وتقنياتها وده معناه اننا داخلين فى مجال احتكار لكل حاجة ولا ده عادي.

انا مش بهاجم انتل تماما انا بس كل اللى عاوزه اعرفه وعاوزه نتشاور فيه هل خطوة زى دية ممكن يكون ليها تأثير علينا كسوق مصرى وكمستخدمين بمعنى اننا نتجه للتصنيع المحلى ونشجع المنتج المحلى ولا برده مش حنشجع منتج محلى لاننا عارفين الاسباب ونشترى من بره

الحاجة التانية والمهمة جدا جدا دلوقتى كل شركات الكمبيوتر بتشتكى من الجمارك فهل ده معناه، ان شركات زى جيجابايت واسوس وام اس اى ممكن تعانى من مشكلة مستقبلية وهى ارتفاع اسعارها مقارنة بانتل لان انتل حتصنع محلى وبالتالى مفيش جمارك وبالتالى سعر اقل. ولا حيكون ايه معيارنا فى الاختيار...

انتاج انتل من اللوحات الام حاليا دون مستوى لوحات الشركات الاخرى بشكل كبير , ولا يمكن للوحات انتل ان تنافس لوحات الشركات الاخرى لأن شروط الجودة التي تتطلبها انتل لوحاتها اقل من الشركات الاخرى ...

يبلغ نسبة مستخدمي لوحات انتل عالميا 2% فقط في حين تمتلك اسوس 35% وجيجابايت 22% على ما أذكر .

اما بالنسبة لاسعار اللوحات حاليا في السوق فلا اتوقع ان تتاثر الا في حالة ان تزيد الدولة من الجمارك على اللوحات الام المستوردة , ولا أظن ذلك .