محتااااار ارجوو الافادة النت تيييت

انا عندي النت من فتره كده كل شوية يفصل في حدود 30 ثانيه كده او اكتر والراوتر يرجع يجمع تاني ويشتغل

وبعدها بشوية يرجع يفصل ويعمل نفس الحركه ومحدش يقولي غير السلك من اول البوكس تحت عشان مغيره من حوالي كده 6 شهور كله :D

ومفهوش اي لحمات وللعلم انا الراوتر الي عندي tp link (مش عارف بستحقره ليه :D بس كان شغال كويس)

فهل ممكن يكون من الراوتر مع ان وديت الراوتر لشركه تي اي داتا قالولي كويس مفهوش حاجه مش مستاهل تغيره .

وكمان كنت عايز اقولكم ان من قيمت يومين كده شفت راوتر سيسكو في حدود 500 جنية مش عارف الموديل بتاعه اية بالظبط هل هو كويس لو اشتريته وايه الفرق بينه وبين راوتر تاني دي حاجه مش عارفها بصراحه

ياريت تجاوبوني واسف علي الاطاله

"كل شوية يفصل في حدود 30 ثانيه كده او اكتر والراوتر يرجع يجمع تاني ويشتغل" ماذا تقصد , هل الروتر بيطفى ويشتغل تانى"ريستارت" ولا الانترنت بيفصل بس ؟ هل لاحظت انطفاء لمبه ال INTERNETاو لمبه ADSL لما النت بيفصل؟
طبعا اى حاجه سيسكو كحترمه مفيش كلام ويستحسن تذكر موديل الراوتر علشان الناس اللى اشترته تفيدك اكتر , سيسكو او لينكسيس هما التوب طبعا

نعم اخي الانترنت بيفصل بس ولمبه internet وال adsl بتطفي لما النت يفصل وبعد كده ترجع تجمع لمبه الadsl والانترنت لحد متثبت الاضائة والنت يرجع يشتغل تاني لكن الراوتر مش بيفصل كله فقط لمبه الانترنت والدي اس ال

اما بخصوص موديل الراوتر السيسكو هابقي اسأل علي الموديل بتاعه في اقرب وقت بأذن الله

وشكرا علي تعبك معايا ياباشا

لا كدا اظن العيب فى الخط الارضى او التوصيلات وطالما انتا متأكد من توصيلاتك يبقا تكلم تى اى داتا يغيروا البورت فى السنترال او تجرب راوتر تانى

شكرا اخي sniper علي الرد والاهتمام

اما بخصوص الاخ benggorden انا كل الي فهمته من كلامك انك جاي توزعلنا صنادل عشان الصيف هههههه مليش فيهم بصراحه :D