ارجو المساعدة عندى مشكلة بسيطة فى IP_addressing

لو سمحتم محتاج مساعدتكم فى

If a host on a network has the address 172.16.45.14/30, what is the address of the
subnetwork to which this host belongs?

A. 172.16.45.0
B. 172.16.45.4
C. 172.16.45.8
D. 172.16.45.12
E. 172.16.45.18

كل المشكلة عندى انى مش فاهم حتة /30 او /24 او /18 اوعرف منيين اننا هانسلتف مثلا فى /30 انها هتبقى 11111100 ان احنا استلفنا 6 وحايد والله كنت فاهمها لانى اتفرجت على الفيديو بتاع مستر محمد سمير وانا فاهم كلو ماعدا الجزء دا عاوز افهم ازاى استلف 4 وحايد او 3 لان كلsubneeting مبنى على الفهم ولو جزء وقع الباقى هيقع ارجو الافادة بجد انا وقفت بسبب الجزء دا وراجعت كذا شرح زى testout وفايلات البور بوينت بتاعت سيسكو مقدرتش افهمها بردو انا اسف بجد لانى والله ما فاهمها بس انا عارف انها بسيطة جداااااااااااااااااا اتمنى الرد

السلام عليكم

الاجابه رقم d

172.16.45.12

/30 يعنى هتاخد 24 بي من اول 3 octet هيتبقى معاك ست بت هتاخدهم من اخر octet

انتا اخدت 6 بت من اخر octet

طيب عايزين نشوف توزيعتهم ازاى الاصفار فين والوحايد فين ؟

خلى بالك انتا عايز تعمل بالسته بت دول رقم يادوب اقل من 14

اكيد طبعا هنفتح ال 8 وال 4

يعنى السته بت يبقوا عاملين كده 000011 ......= 12 اللى هوا رقم السبنت

ده كده رقم السبنت ... ال 2 بت الباقيين هنفتح منهم واحد ( اللى يدينا رقم 2 ) ... يعنى كده 10

وبكده لو حطينا ال8 بت مع بعضهم يدونى ال host address .... تيجى نجرب كده نحط ال 8 بت بتوع السبنت مع ال 2 بت الباقيين جنب بعض نشوف هيدولك عنوان ال host مظبوط ولا لا

00001110 طبعا يساوى 14 اللى هوا عنوان ال host بتاعك

ربنا يوفقك ... ولو مفهمتنيش فى ناس اكير منى كتير هترد عليك ...

اه اعتقد لو انك تابعت الفيديوهات الخاصة بال ip addressing و الاسئلة المحلولة و اللاب اللي عليها مشكلتك سوف تحل إن شاء الله تعالي

بطريقة سهلة، 32 -30 =2 ، 2أس2 = 4 ، يعني الزيادة بمقدار4 ، 0 ، 4 ، 8 ، 12 ، 16 ، وهكذا ، وكده تبقى الإجابة d هي الصح زي ما أخونا قالك .

انا اسف مستر محمد سمير بجد بس والله انا مافاهم الجزء دا انا على قدى بس فاهم بقيت القورص لانى كنت اخدت القرص فى مصر فى سنتر هنا وحصلت ليا ظروف تمنعنى من الامتحان ونفس المشكلة كانت الايبهات واقعة منى وبالاخض الجزء دا انا بجد اسف بس الى انا مش فهمو يعنى اية مثلا /30 او اى رقم ازاى اقدر احسبها نفسى حضرتك تفهمنى يعنى احسبها ازاى علشان اعرف احل المسئلة مش المسئلة الى انا ذكرتها فوق بس دا كلو اى حاجة فيها / مش بقى فاهمها عبارة عن اية واحسبها ازاى علشان افدر اطلع الماسك والبروكاست واليونى كاست مش فاهمها خالص بجد انا بتعلم وبحب افهم ممكن اكون على قدى بس عندى طموح انى ابقى كويس انا اسف مستر محمد على انى بجد تعبك معايا وانت عندك بجد الله يعيينك الى مكفيك

أخي الحبيب:
الموضوع سهل جدًا فقط استمع إلى هذه الدروس لأخونا محمد سمير ، وإن شاء الله راح تفهم بكل بساطة

5-revision &binary &decimal

https://www.4shared.com/file/28742392...ified=f8fcb362

6- ip addressing
رابط التحميل : https://www.4shared.com/file/29497930...ified=f8fcb362


7- Question of ip address
رابط التعديل : https://www.4shared.com/file/30398989...ified=f8fcb362

وأخيرًا نصيحة : لا تبخل على نفسك في تعلم هذه المواضيع ، أعطها حقها من الوقت لأنها أساس لكل شيء.

اقتباس:

---

المشاركة الأصلية كتبت بواسطة ahab

أخي الحبيب:
الموضوع سهل جدًا فقط استمع إلى هذه الدروس لأخونا محمد سمير ، وإن شاء الله راح تفهم بكل بساطة

5-revision &binary &decimal

https://www.4shared.com/file/28742392...ified=f8fcb362

6- ip addressing
رابط التحميل : https://www.4shared.com/file/29497930...ified=f8fcb362


7- Question of ip address
رابط التعديل : https://www.4shared.com/file/30398989...ified=f8fcb362

وأخيرًا نصيحة : لا تبخل على نفسك في تعلم هذه المواضيع ، أعطها حقها من الوقت لأنها أساس لكل شيء.

---

الف شكر ليك حبيبى على الاهتمام وها اتفرج عليهم تانى لانى شفتهم قبل كدة وشفتهم من CPT وا TESTOUT بردو مش عاوزة تثبت عموما اللهم لك الحمد على كل شىء اللهم لك الحمد فى السراء والضراء

أخي الحبيب
لو اللغة الإنجليزية عندك معقولة فهذا الموضوع مشروح بطريقة جميلة جدًا في كتاب sybex CCNA وماشي معاك واحدة واحدة ، بس تعطيه بعض الوقت لأنه بيطول شويه في الشرح.

ودي تصبيرة

إنت بتقول إيه أصل /30 ؟
أقولك انت عارف إن ip يتكون من 4 بايت وكل بايت بيتكون من 8 بت يعني كلهم 32 بت.
كل 8 بت بيتغير فيهم ما بين 0، 1
عندك مثلاً class c الماسك بتاعه الأساسي 255.255.255.0 هتقولي إيه 255 وجات منين
255 تمثل 8 بت كلهم 1 : ازاي؟
11111111
احنا بنحسب قوى العدد 2 يعني
2أس0 =1
2^1 = 2
2^2= 4
2^3= 8 وهكذا
احنا بدأنا بالصفر يبقى القوى لغاية العدد 7 يعني 2^7 = 128.
وتصبح القوى بهذا الشكل
1: 2: 4: 8 : 16 : 32 : 64 : 128 يعني 8 بت
مجموع الأرقام السابقة كام ؟ 255
طيب لو كان عند كده
11000000 يعني أول 6 بصفر وآخر 2 بواحد يبقى نجمع آخر 2 ، 64+128 = 192
لو كده 11000011 يبقى نجمع 1+ 2+ 64+ 128 = 195 وهكذا
طيب إيه حكاية / 30
إحنا قولنا في class c الماسك 255.255.255.0 وقولنا 255 كم واحد ؟ 8
يعني يكون كده 1111111.11111111.11111111.00000000 الرقم ده فيه كم 1 ؟
24 يعني /24
لما يقولك /30 يعني عندك 30 واحد ، 2 صفر
11111111.11111111.11111111.11111100
خلي بالك أن بشرح class c مش بشرح المسألة بتعتك
احنا بنشتغل في هذا الكلاس ده على آخر 8 بت (11111100)
عدد 1 = 6 يبقى عدد subnet 2أس 6 = 64 باعتبار subnet 0 شغالة
عدد الأجهزة في كل subnet = عدد الأصفار أس 2 – 2 = 2^2 – 2 = 4 – 2 = 2
يعني كل subnet فيها جهازين بس شغالين
هما الأصل 2^ 2 = 4 يكون عندك 4ip بس احنا بنشي واحد للsubnet وواحد broadcast
إذا subnet التالية بتزيد عن اللي قبلها ب 4 ( عدد الأصفار أس 2 )
يعني تصبح التقسيمة كده
0
4
8
12
16
20
24
28
32
36
وهكذا
لاحظ مثلاًا في subnet 12 إيه ip بتاعتها؟
12 ، 13 ، 14 ، 15 صح؟
12 دا subnet
15 دا broadcast
13، 14 هما ip المتاحة ليك طبعًا المفروض أنا أكتبلك ip كامل بس أكيد انت واخد بالك.

وبالتالي مثلاً
192.168.12.19/28

تعلى نقسمها
بقول 28 بت يعني ناقص 4 بت ويبقوا 32
4 بت دوله ب أصفار
يعني 2أس 4 = 16
يعني مقدار الزيادة عن كل شبكة = 16 (increment)
لو بدأت ب 0
0
16
32
48
وهكذا
بص على ip هتلاقي 19 واقعة ما بين 16، 32
إذا هي تبع subnet 16
وbroadcast31 وعدد الأجهزة 14
وأول ip هيكون 192.168.12.17

خلي بالك في طرق كتير الناس بتشتغل بيها ، إن شاء الله لما هتفهم الموضع هتلاقي نفسك بتختار طريقة سهلة وهتلاقي الموضوع سهل أيضًا.

بجد مش عارف اشكرك ازاى انا فعلا فهمت كويس جدا جدا مكنتش اتخيل انها سهلة دا انا اعصابى تعبت وعمال احاول افهم الرقم دا اعملو ازاى بجد مليون شكر ليك الف الف شكر لانى فعلا فهمت كانت واقعة منى خالص لدرجة انى وقفت المذاكرة لحد ما افهمها شكرا حبيبى ليك وليك مستر محمد سمير وشكرا للمنتدى الجميل المفضل للجميع والى الامام

هذا واجبنا يا أخي تجاه إخواننا المسلمين

ربنا يوفقك وإلى الأمام