أخدت كورس ccna قبل فتره في itgate - كيف اعرف اخر معاد للامتحان - كيف اسجل في vue

السلام عليكم ورحمة الله وبركاته

انا الحمدلله اتممت دراسة ال ccna قبل فتره حوالي 5 او 6 اشهر
وانا الان براجع عشان امتحن

كنت عايز اعرف اخر معاد للامتحان - المفروض هعرف منين ؟ من الاكاونت بتاعي

ثانيا

قالولي اني لازم اخش على ال vue واسجل
انا دخلت بس تهت في المقع ومعرفتش اسجل ازاي

شكرا لكم

بص يا سيدى بالنسبة لأخر ميعاد للامتحان انت المفروض ان على الموقع بتاعك على ال cisco academy هتلاقيه تحت المكان اللى بيكون موجود فيه اسم ال current classes هتلاقى أخر ميعاد للامتحان دا لو انت عملت request ل voucher قبل كده .لو معملتش هتلاقى request composit voucher اضغط على اللينك واقرا الكلام وكمل وبعد ما تخلص هيظهر الميعاد أما بالنسبة ل vue فانت تدخل على www.pearsonvue.com وتسجل ب user name و password وبعد كدا تكلم الناس بتوع itgate علشان الفاوتشر بتاعك عليه خصم 70% بس وال 30% الباقية هما هيدفعوها . وافضل وراهم علشان ينجزوك بسرعة وبالتوفيق.

انا رديت عليك ع الخاص وانت بس روح للبشمهندس شادى هناك وهوا حيزبطلك الامور ..

تحياتى

عندى سوال

انا خاصت ccna من فترة self-study ولم اهتم بالامتحان لانى كنت مشغول
وعايز امتحن انا اللى اعرفه اننى هروح مركز معتمد من سيسكو واقولهم يحجزولى الامتحان
و ممكن ادفعلهم كاش وهما يحولوا المبلغ هل هل هذا صحيح ؟؟؟؟؟؟؟

وما دخل موقع vue هذا فى الموضوع

ويعنى ايه voucher اصلا

بص يا sherif-magdy اذا كنت متأكد من انك زاكرت تمام وهتقدر تتخطى الامتحان ادخل على vue وهما دول المختصين بتنسيق أمتحانات سيسكو اعمل اكونت وادفع بالفيزا لو معاك ولو مش معاك فيزا روح لاى مركز معتمد زى يات او اى مركز معتمد وادفعلهم وهما هيدفعولك وحدد معاد امتحانك اللى هتمتحنو عندهم وربنا يوفقك

انا الحمد لله مذاكر كويس جداااااااا و مخلص و حليت باس4شور وكله تمام

بس انا كلمت النهارده مركز نيو هورايزون اللى فى اكتوبر
رد على مهندس وقالى ممكن يكون ال voucher مغلق ولازم فى الحالة ديه تدفع بالفيزا
وانا مش معايا فيزا
وصعب اطلع واحده

وفى مشكله تانية انا سمعت انى لازم يكون معايا بطاقة علشان امتحن
انا اصلا لسه ما تمتش السن المحدد انا عندى 15 سنة و نص
هينفع مثلا اى اثبات شخصية زى الشهادة الميلاد ؟؟؟؟؟؟

اقتباس:

---

وفى مشكله تانية انا سمعت انى لازم يكون معايا بطاقة علشان امتحن
انا اصلا لسه ما تمتش السن المحدد انا عندى 15 سنة و نص
هينفع مثلا اى اثبات شخصية زى الشهادة الميلاد ؟؟؟؟؟؟ https://www.arabhardware.net/forum/i...c/progress.gif

---

انا فخور جدا انك في هذا السن و ستمتحن ال ccna ربنا معاك

ممكن تقدم لهم شهادة الميلاد واي فيزا كارد بتاعتاك امضي عليها من وراه و اديهلهم يرضه

جزاكم الله كل خير والله

وانشاء الله هنفذ اللي قلتلوي عليه وشكر خاص ل hatema

اقتباس:

---

المشاركة الأصلية كتبت بواسطة wobooo

انا فخور جدا انك في هذا السن و ستمتحن ال ccna ربنا معاك

ممكن تقدم لهم شهادة الميلاد واي فيزا كارد بتاعتاك امضي عليها من وراه و اديهلهم يرضه

---

والله حضرتك صاحب الفضل فى هذا
من ساعة ما اتفرجت على فيديوهات ال n+ قلت لازم اكمل
والحمد لله خلصت ال ccna و خلاص هامتحن
وكمان خلصت اول كام chapter فى ccna sec بدل ما اضيع وقت كتير فى ccna لانى مخلصها من فترة و شغال مراجعة
و حل اسئلة لان فرصة الامتحان لم تتاح لى الا الان

واحبب اشكر حضرتك مرة تانية على كل حاجة ساعدتنا بيها فى المنتدى

اقتباس:

---

واي فيزا كارد بتاعتاك امضي عليها من وراه و اديهلهم يرضه

---

بصراحة انا مش فاهم قصد حضرتك ايه :ah26:
انا اصلا مش معايا فيزا :(

انا معا شريف الجامد برافو كتير يا شيرى اما الفضل فده لله وبعد كده انتا يا مهندسا الكبير انتا اللى شرحك حببنا فى الماده ربنا يجزيك عنا كل خير انا بحبك جدا والله يا استاذى ومتابع حضرتك والموقع انتا تستاهل كل خير ربنا يزيدك من العلم ويعطيك الصحه والعافيه ويوفقك لما يحبه ويرضاه

الشكر لكم يا شباب

انا الحمدلله دخلت سجلت في ال vue وبعتولي اليوزر نيم والباسوورد على الميل بعد ساعات

ثم جائني ايميل اخر من شركة سيسكو عنوانه الاتي
New Account Activation‏

ومحتوى الرساله الاتي

Dear XXXXXXXXXX

Your new CSCO ID is: XXXXXXXXXXXXXX

Your user login to access the Cisco Certification Tracking System has been created.

To activate your account, please go to https://i7lp.integral7.com/cisco


Your account authorization code is: XXXXXXXXX

Please note that the account activation code will expire on 07/24/2010.

If you cannot log in, please visit Certification Online Support at www.cisco.com/go/certsupport to view our Instant Answers or request assistance.

Regards,
Cisco Career Certifications
Powered by the Integral7 Credential Bureau (www.integral7.com)
أولا انا فهمت من الرساله ده ان انا المفروض هخش على الموقع ده
www.integral7.com عشان اتابع شهاداتي - هذا صحيح ؟

ثانيا انا دخلت علىه لقيت فيه اختيارين

Get a new Cisco.com ID
و
Login with Cisco.com ID

طيب انا الان عندي اكاونت على موقع سيسكو عشان كنت بمتحن السمسترات والشباتر على الموقع ايام ما كنت باخد الكورس في it gate
هل اختار Login with Cisco.com ID ام Get a new Cisco.com ID

مع العلم ان انا دخلت على Login with Cisco.com ID وحاولت ادخل اليوزر نيم والباسوورد بتوعي لقيته رافض يخش

فياريت حد يفهمني اعمل ايه تحديدا
واسف على الاسئله التي قد تبدو للبعض انا تافهه لكن اعذروني فانا اول مره امتحن واول مره اتعامل مع المواقع ده


ثم سؤال اخير

انا عندما اضغط على Request for CCNA Composite Voucher المفروض هيحددلي ميعاد للامتحان الانداستري في خلال كام يوم مثلا ؟ عشان انا خايف ادوس ألاقيه حددلي الميعاد بكره مثلا او بعد بكره :)


شكرا واسف على الاطاله

بص ياباشا بالنسبة للسؤال الاول انت لازم تفتح اكاونت على موقع سيسكو ده غير الاكاديمى يعنى خش على Get a new Cisco.com ID

والاكاونت ده حتعرف من خلاله الشهادة جاهزة والا لا ..وبعتوها ل
بلدك والا لسه وفيه حاجات تانيه
وبالنسبه للفاوتشر هوا مالوش علاقه بموعد الامتحان يعنى دوس وحيجيلك رقم الفاوتشر وده من خلاله حتاخد الخصم من على موقع vue وفى نفس الوقت حتحدد معاد الامتحان من على vue وعنوان المركز اللى انت عايز تمتحن فيه ...

تحياتى

اقتباس:

---

المشاركة الأصلية كتبت بواسطة a.7afez

انا معا شريف الجامد برافو كتير يا شيرى اما الفضل فده لله وبعد كده انتا يا مهندسا الكبير انتا اللى شرحك حببنا فى الماده ربنا يجزيك عنا كل خير انا بحبك جدا والله يا استاذى ومتابع حضرتك والموقع انتا تستاهل كل خير ربنا يزيدك من العلم ويعطيك الصحه والعافيه ويوفقك لما يحبه ويرضاه

---

اعتز بكلامك و ربنا يبارك لكم جميعا ويوفقكم

اقتباس:

---

المشاركة الأصلية كتبت بواسطة abozidd

ثم سؤال اخير

انا عندما اضغط على Request for CCNA Composite Voucher المفروض هيحددلي ميعاد للامتحان الانداستري في خلال كام يوم مثلا ؟ عشان انا خايف ادوس ألاقيه حددلي الميعاد بكره مثلا او بعد بكره :)

---

بعد الضغط على الرابط هبعتولك على الميل اللى انت مسجل بي في الاكاديمية بأخر معاد للدخول الامتحان احجز قبلها بكام يوم علشام تكون في الامان
وربنا معاك

اقتباس:

---

المشاركة الأصلية كتبت بواسطة hatema

انا رديت عليك ع الخاص وانت بس روح للبشمهندس شادى هناك وهوا حيزبطلك الامور ..

تحياتى

---

الناس البيشكروا في itgate وأنا عارف انهم شغالين هناك
انا رحت أخدت كورس ccna ويارتني ما أخدته في itgate
جابولي واحد نيجيري بيدرس ولما مفهمتش منه حاجه ورحت لشادي قال علشان تروح مع انستركتور تاني لازم تستنى أكتر من شهر وتدفع 500 جنية لأن كده تأجيل مش عارف بتوع إيه الفلوس وعرفت من الطلبه الفي مجموعات تانية برده ان الانستركتور مستواه ضعيف ولما طلبت استرد فلوس قالوا ممنوع
وراحت الفلوس وما اتعلمتش حاجة
وبعدين خصم إيه ال 70 %
أنا عارف ان الفوتشر ببلاش

اشكر كل اللي ساعدوني وجزاكم الله كل خير

انما بالنسبه للاخ gemygemy

انا مش عارف مين اللي شكر او مشكرش في itgate دلوقتي وايه اللي فتح موضوع الشكر ده اصلا

بالنسبه للاخ النيجيري اللي بتتكلم عليه لو كان قصدك على مامادو ده واحد من افضل الانستراكتور اللي بيدرسو نتوورك شفتهم في مصر وكل الناس بتشكر فيه على فكره
لو انته مفهمتش منه يبقى المشكله فيك
وبالمناسبه هوه سنغالي مش نيجيري

انما بالنسبه لموضوع تغيير الانستراكور واضح انك انته الوحيد اللي مكنتش بتفهم منه لانو لو معظم الجروب اشتكى هيغيرو الانستراكتور فورا وده كلام عن تجربه وناس اصحابي غيرو فعلا انستراكتور مكانوش بيفهمو منه

انما حتت التاجيل ده الله اعلم انته قلت لشادي ايه او ايه اللي حصل بالزبط

وعلى كل حال انصحك انك تزاكر وتستعين بالفيديوهات والكتب احسن من انك تنزل وتضرب مشوار و توفر فلوس طبعا
بس ده بيرجع للهمه لو عندك همه هتخلص الكورس بسرعه

اخوك ابو زيد

اقتباس:

---

المشاركة الأصلية كتبت بواسطة abozidd

اشكر كل اللي ساعدوني وجزاكم الله كل خير

انما بالنسبه للاخ gemygemy

انا مش عارف مين اللي شكر او مشكرش في itgate دلوقتي وايه اللي فتح موضوع الشكر ده اصلا

بالنسبه للاخ النيجيري اللي بتتكلم عليه لو كان قصدك على مامادو ده واحد من افضل الانستراكتور اللي بيدرسو نتوورك شفتهم في مصر وكل الناس بتشكر فيه على فكره
لو انته مفهمتش منه يبقى المشكله فيك
وبالمناسبه هوه سنغالي مش نيجيري

انما بالنسبه لموضوع تغيير الانستراكور واضح انك انته الوحيد اللي مكنتش بتفهم منه لانو لو معظم الجروب اشتكى هيغيرو الانستراكتور فورا وده كلام عن تجربه وناس اصحابي غيرو فعلا انستراكتور مكانوش بيفهمو منه

انما حتت التاجيل ده الله اعلم انته قلت لشادي ايه او ايه اللي حصل بالزبط

وعلى كل حال انصحك انك تزاكر وتستعين بالفيديوهات والكتب احسن من انك تنزل وتضرب مشوار و توفر فلوس طبعا
بس ده بيرجع للهمه لو عندك همه هتخلص الكورس بسرعه

اخوك ابو زيد

---

شكرا يا أخ أبو زيد

أنا فعلا هستعين بالفيديوهات والكتب ده أكيد أحسن منitgate وأحسن من ان واحد سنغالي يشرحلي
وده من قلة المهندسين المصريين ولا إيه ؟؟؟؟؟؟؟؟؟؟؟ مش عارف
وعلى فكرة المشكله مش من عندي أنا في الفرقة الرابعة كلية الهندسه قسم اتصالات وتقديري العام جيد جدا السنين الفاتت كلها يعني معنديش مشكلة فهم