الفرق بين جهازين Dell Studio XPS 13

السلام عليكم ورحمه الله
انا كنت عايز اخد رائيكم فى الدهازين دول وهل الفرق بينهم يستاهل المبلغ ولا لا و ادائهم ايه
انا استخدامى الاساسى شغل عادى ورد اوفيس واحيانا بضطر لبرامج الملتى ميديا

و بلعب العاب زى نيد فور سبيد بس و كاربون

ودى مواصفات الجهازين

دة الاولانى
Processor: Intel Core2Duo 2.4GHz/3M/1066
Ram: 4GB DDR3
HDD: 320GB
Screen: "Edge-to-edge" Glossy 13.3 inch WXGA
Video Card: NVidia 9400
Battery: 6-Cell Lithium-Ion
Weight: 2.2KG
Wireless LAN
Bluetooth
دة سعرة 8,333.00
ودى للتانى

Processor: Intel Core2Duo 2.6GHz/6M/1066
Ram: 4GB DDR3
HDD: 500GB
Screen: "Edge-to-edge" Glossy 13.3 inch WXGA
Video Card: NVidia 9400
Battery: 6-Cell Lithium-Ion
Weight: 2.2KG
Wireless LAN
Bluetooth
ودة 11,888.00

وشاكر جدا ليكم واسف على الازعاج بس انا محتار جدا فى الموضوع دة

و عليكم السلام و رحمة الله و بركاته

فئة ال studio xps فئة مميزة للألعاب و فى نفس الوقت صغيرة الحجم

الجهازين مواصفاتهم متقاربة ماعدا الهارد و البروسيسور

الهارد أمره بسيط و يمكن تعويضه بهارد خارجى (يو إس بي يعنى و سعره رخيص)

أما المعالج ففعلا الفرق كبير لأن الأول الكاش بتاعه 3 ميجا
بينما التانى الكاش بتاعه 6 ميجا

و الكاش على فكرة بيفرق جدا فى الآداء و السرعة

بس صراحة أنا شايف إن فرق 3500 جنيه كتير جدا حتى مع قوة المعالج التانى فلو هتاخد رأيي خد الأول ووفر الباقى لأنه هيكون آداؤه كويس جدا برضه
أما لو هتعدى ال 10000 جنيه يبقى أنصحك بجهاز تالت غير دول و مواصفاته أحسن بمراحل و هو
toshiba qosmio الجديد
المعالج core i7 (أحدث ما أنتجته إنتل و هو معالج جبار رباعى النواة و يقرأه النظام كمعالج ثماتى النواة بينما الكور تو ديو العادى ثنائى النواة فقط)
الهارد من 800 ل 1000 جيجا
كارت الشاشة 1 جيجا منفصل
الشاشة قياس 18.4 إنش (كبيرة شوية) رائعة للألعاب و الفيديو بس هتزود حجم الجهاز شوية
الدي في دي فى بعض أنواعه بتقنية بلو راي الجديدة
و مواصفات أخرى رائعة
السعر حوالى 12000 جنيه
و فئة الكوزميو دى مخصصة للألعاب و الملتى ميديا و الجرافيكس بالدرجة الأولى

أعتقد ده خيار أفضل بكتير و مواصفاته هى الأحدث على الإطلاق و مادام الجهاز التانى أغلى من الأول عشان المعالج فقط , يبقى التوشيبا كوزميو أفضل عشان المعالج بتاعه هو الأفضل و الأحدث على الإطلاق

و ماتنساش صلاة الاستخارة

عامةً لو كان استخدامك للالعاب بشكل كبير فـالمعالج الرسومي nvidia 9400 ينفع بشكل مبدئي جدا , يعني علي low settings في معظم الالعاب , وللأسف مش حتلاقي اعلي من كده في ال 13 inch , لو عاوز حاجة للالعاب انصحك متقلش عن الآتي نفيديا GT230 9600GT و ATi HD4570 و HD4650 و نفيديا 9700GT و GT240 وده الترتيب من الاقل للأعلي