مساعده في شراء موبايل ب 800 جنيه
بسم الله الرحمن الرحيم
بعد ما موبايلي n73 راح لحاله وافترقنا سوا وكان المكتوب والحمد لله (شوية فلم عربي على هندي كدا في الاول)
قررت اشتري موبايل جديد
ولان الميزانيه ضاربه فقلت هجيب حاجه تسلك ب 800 جنيه
من الاخر انا مش فاهم حاجه في الموبايلات
وجاي للاناس اللي بتفهم
انا سمعت ان في 3 احتمالات قدامي
6303
6303i
6120
c5
دول كلهم نوكيا طبعا
وانا لا امانع اي اقتارحات جدبده حتى لو مش نوكيا
بس بلاش يكون من الموبايلات الصيني اصلها موبايلات شلل فعلا
طبعا انا عملت شوية مقارنات وبتاع ولكن مفهمتش حاجه يعني مثلا
يقولك الكاميرا هنا 3 ميجا بكسل ولكن بتصور ب 8 فريبم
والموبايل التاني 2 ميجا بكسل ولكن ب 20 فريم
وكل تصوير وله ريزوليوشن لغاية ما قرفت ومعنتش عارف اختار
انا عايز موبايل يكون كاميرته زي n73 اللي كان معايا
وعايز كمان افهم يعني ايه hsdpa وايه فايدتها وما اشبه ذلك
شكرا يا رجاله ويارب المنتدى يصحصحلي حبتين اصلي هشتري االاسبوع ده ان شاء الله
شكرا يا رجاله
رد: مساعده في شراء موبايل ب 800 جنيه
انا مش خبير موبيلات ولا افهم اى حاجة ف الموبيلات ولزمن تبقى عارف دة عشان متخدش كلامى وبعد كدة تدعى عليا
بس انا حبيت اساعدك
المهم
انا كنت بدور على موبيل فى حدود 1000 جنيه
وبعد البحث وجد ان انسب موبيلين هما ال
x2
x3 type and toch
واللى عجبنى فيهم سعرهم الرخيص مقابل المواصفات بتاعتهم
والكاميرا فى الاتنين 5 ميجا بكسل
والنوع الاول به فلاش
اماالتانى فنا مش متاكد اذا كان به او لا ولكن غالبا لايوجد به
رد: مساعده في شراء موبايل ب 800 جنيه
السلام عليكم الاول انا لسة مشتري 6303i وهو دلوقتي بحوالي 730 جنيه ولو عاوز 6120 بس الي مش عاجبني فيه هو الزراير صغيرة اوي بس النظام التشغيل احسن من 6303I وهو اغلي شوية بس معرفش بكام
اما x2 سمعت من بعض الناس في مواقع اجنبية ان الكاميرا اقل بكثير من 5 ميجا بكسل ومفهوش كارت ذاكرة فلازم تشتريله كارت وهو 780 جنيه
و x3سلايد وانا انصحك لو انت بتشتغل علي الموبايل كتير مش هيكون مناسب لك وهو مع واحد صاحبي وكل شوية يوديه الضمان بس هو ب 800 جنيه
وفي 5130 صوته عالي اوي وارخص كتير بحوالي 550 جنيه
بس شوف الانسب ليك
ممكن يكون الاسعار قلت او زادت شوية مش لازم يكون السعر بالضبط
رد: مساعده في شراء موبايل ب 800 جنيه
اشتري حاجة مستعملة من حد مضمون يكون صاحبك أو كدة هتجيب حاجة أعلى بكتير من الجديد
ولو حاجة مستعملة ولسة في الضمان يبقى مفيش منها خوف لأن لو ظهر فيها اي مشكلة هتتصلح عادي
رد: مساعده في شراء موبايل ب 800 جنيه
فعلا كلامك صح
بخصوص ال x2
انا قريت ع اليوتيوب ان الكاميرا مش كويسة قوى
وحملت عدة صور وفديوهات متصورة بكاميرا الموبيل وكانت اوحش من ال n73 ع الرغم من ان كاميرته 5 ميجا وال 3.2N73 ميجا!!!!!
لذالك انا صرفت نظر عن الموبيل دة
اما بخصوص ال x3 _2 type and tech
مش لاقى عنوا معلومات كتير
بص ع اليوتيوب لقيت ناس عايزة تشتريه وبتقول ان كويس
اما بخصوص الكاميرا ودة اللى يهمنى فى الموبيل
5 ميجا ومن غير فلاش لذالك انا هراجع التفكير تانى
واللى مخلينى احتار انوا شكل الموبيل حلو جدا وعجبنى
بس طالما مفهوش فلاش يبقى احتمال كبير اصرف نظر عنوا هو كمان
انا عايز حد يدينى موبيل بحوالى 1000 جنيه ويكون كاميرته كويسة
رد: مساعده في شراء موبايل ب 800 جنيه
طيب لو عاوز موبايل حلو وجديد شوف هذا الموبايل 5630
https://www.mob4me.com/mobinfo.php?i...%20XpressMusic
انا سمعت انه اعلي صوت في كل موبيلات نوكيا
رد: مساعده في شراء موبايل ب 800 جنيه
رد: مساعده في شراء موبايل ب 800 جنيه
رد: مساعده في شراء موبايل ب 800 جنيه
وانا والله كمان قربت ادوخ من الحيرة
انا عايز موبيل كاميرته حلوة قوى تكون زى ال n73 او احلى منها
ويدعم ال wifi مش شرط يكون سريع بس يكون موجود فيها
رد: مساعده في شراء موبايل ب 800 جنيه
رد: مساعده في شراء موبايل ب 800 جنيه
انا اقلك بقى ايه هو ال hsdpa
ده مصطلح للجيل 3.5
وفيه سرعه الداونلووود عاليه اكثر من الجيل الثالث
رد: مساعده في شراء موبايل ب 800 جنيه
ممممممممم
انا هقلكم على اللي وصلتله لغاية دلوقتي
اول حاجه
موضوع ان الموبايل جيل تاني او تالت....مش هتفرق لان استخدامات الجيل التالت زي التلفزيون والتحميل السريع من النت مش هيفدنا في مصر
وبالنسبه لل hsdpa ...بالنسبه لمصر برده مش هنستفيد لان النت ع الموبايل غاليه جدا جدا جدا جدا
وال gps كمان مش مفيد لانه مش شغال في مصر ومفيش خرايط لبلدنا العظيمه!!!
.....................................
تاني حاج
ناس كتير رشحتلي c5
وسألت عليه لقيته ب 1000 جنيه
ولكن صناعه صيني !!!
والبياع بيقلي اختار الضمان اللي انت عايزه
وفي محل تاني لقيته هنجاري ومن غير ضمان
وحاسس اني هيتنصب عليا..ههههه
..................................................
الحاجه التالته لقيت موبايلات n95 مستعمله في السوق ب 1000 جنيه
وعليها ضمان 3 ايام من المحل !!!:eek:
..............................................
any suggestions ?
رد: مساعده في شراء موبايل ب 800 جنيه
لو متهمكش الكاميرا قوي هات 6120 جديد بالضمان حوالي 750 جنيه
او n95 8gb مستعمل بس ركز اوي في حالته اوخد معاك حد بيفهم في الموبيلات
وابعد عن النوكيا الصيني والهندي والعك ده
رد: مساعده في شراء موبايل ب 800 جنيه
للاسف انا الكاميرا تهمني جدا
لان بقية خواص الموبيل انا مش بستخدمها زي ال جي بي اس والنترنت ومكالمات الفيديو والكاميرا اللي قدام
انا فعلا ممكن اجيب ال n95
بس للاسف مفيش حد بيفهم في الموابيلات معاايا عشان يعمل تيست
وربنا يسهل
هل من نصائح ؟
رد: مساعده في شراء موبايل ب 800 جنيه
n95 8g مش n95 العادي حالته كويسه احسن خيار ليك