العمل لحساب مزودي خدمات الاتصالات-اي شهادات ادرس ؟

السلام عليكم
لاكون مناسب للعمل باحد شركات الاتصالات و الهاتف المحمول
او مزدي خدمات الانترنت

ماهي افضل الشهادات التي اهتم بها

و بذلك اكون مؤهل للعمل باي الوظائف

و جزاكم الله خير

لتحصل على اجابة دقيقة .. ماهو اخر درجة علمية فى التعليم وصلت اليها ؟

انا مهندس معماري
دفعة 2002 جامعة القاهرة
شغال في الجرافيك 3d
و بحب الكمبيوتر و شايف المجال ده قريب من دماغي

والله يا باشمهندش .. فية مشكلة
انت دلوقتى مهندس معمارى من 2002 الى 2008 شغال فى الجرافيك وكدة يعنى ااقول 6 سنوات خبرة

وانت عاوز تشتغل فى الاتصالات وهذا صدقنى صعب لان ليس لة كورسات وهذا خاص لهندسة الكترونيات واتصالات ( ممكن تشتغل HR او تسويق او اى حاجة تانيةلكن بعد التاهيل ايضا لهذة المناصب)
اما ان كنت تريد ان تدخل عالم الشبكات فلا باس فلا يشترط المؤهل ولكن الاولية والاسبقية لما هو متمكن من المجال وعلى هذا فستخسر وذلك فى الاستغناء تماما عن سنوات الخبرة فى الجرافيك والتصميم المعمارى اللذى قد تجد من خلالة فرصة مناسبة

على كل حال انا ارى ان تصميم وتطوير المواقع هو الاقرب الى مجالك ...
اما اذا مازلت مصرا على انت تعمل فى شركة اتصلات او هواتف محمول او مزودين خدمة انترنت
اولا الاتصالات لن تستطيع العمل بها لاختلاف المؤهل .. مذودين الخدمة يحتاجون كورسات فى Cisco
ويمكن ان تعمل فى اى شركة او هيئة كبيرة فى مجال الشبكات ايضا وبهذا ستبدا فى هذا المجال من الصفر

يستحسن لو عندك خبرة فى البرمجة او قواعد الباينات تزكرها لانها ستساعد كثيرا ..
لانى ارى ان تغير المهنة ليس فى صالحك والانسب ان تنتقل لما هوة يقارب من معرفتك وخبراتك

والله انا من رأيي انك تخليك في مجالك يبقي احسن او تطور نفسك في 3d او تبقي محترف اوتو كاد اما بلنسبة للأتصالات والمجال دة مجال مفتوح واولا انت تكون عايز شبكات سوفت وير ولا هارد وير لأنها تفرق جامد وبعد كدة تشوف انت لو سوفت وير يبقي ميكروسوفت ولو هارد وير يبقي سيسكو عليك الاختيار

جزاكم الله خير
رايكم منطقي مفيش كلام
اللي دفعني للفكرة ان شغل الاتوكاد مقرف اوي و 3d قليل في مصر
و انا فاتح مكتب
و شهر اشتغل كويس و شهرين مفيش شغل
و حسيت ان شغل الاتصالات مريح للاعصاب و مرتب ثابت

عموما انا عندي افكار تانية
ممكن اتاجر في بيع و شراء الاسهم في الوقت اللي انا فاضي فيه
او ادور علي شريك من دفعتي و نشتغل في مجال المقاولات

بكرر الشكر و جزاكم الله خير

اقتباس:

---

اللي دفعني للفكرة ان شغل الاتوكاد مقرف اوي و 3d قليل في مصر

---

معاك حق .. لذلك الدخول فى عالم ال IT فى تصميم وتطوير مواقع هو الاقرب لك من حيث الدراسة والوقت ايضا

اقتباس:

---

و حسيت ان شغل الاتصالات مريح للاعصاب و مرتب ثابت

---

دة مجرد احساس مش كلة فى المجال زى بعضة .. وبعدين انت شايف شغل اتصالات مش مترمى فى الشارع يعنى هوة كمان ولا شغل الشبكات ولا اى شغل .. كل حاجة عاوزة تعب ومجهود وصبر
لو عندك القدرة وهتضحى بخبرتك فى التصميم وتدخل فى الشبكات او البرمجة فهيضيع منك وقت كبير ومشوار طويل لازم صبر صبر صبر .. لكن تاكد ان الله لا يضيع تعب احد هباء

الله يكون في عونك و اسأل جيدا و فكر مرات و مرات قبل ان تتخذ القرار