سؤال بخصوص AMD Phenom II X810

السلام عليكم و رحمة الله و بركاته

اخوانى فى الله انا عندى هذا المعالج لكن حرارته بتأيدنى جدا يعنى العب اللعبة ربع ساعة الاقى الحرارة وصلت 65 درجة و طبعا الحرارة ده عالية جداااا مع ان انا مش كاسر سرعة و لا حاجة سايبه على الافتراضى 2.6

لكن لما فتحت البيوس لقيت كل حاجة معموله على Auto يعنى التردد و الفولت و كله و فعلا برنامج Core Temp بيغير كل شوية التردد و الفولت .

سؤالى : قبل ما اجيب مشتت هل فيه أى حاجة اقدر اعملها يعنى أثبت تردد معين و فولت معين و يبقى الاداء عالى فى الألعاب و انا مش مهتم بكسر السرعة و لو حجيب مشتت تنصحونى بنوع ايه ؟

آسف على الإطالة و شكراً

مفيش و لا رد :(:(:(

هل تأكدت من ثبات المشتت

لوعايز تشتري مشتت من مصر

يبقي قدامك ocz vend2 او تنتظر المشتتات الجديده أخر يناير

vandetta 2 ممتاز بس حيفيدك أكتر لو ناوي تكسر السرعة
مدام مش ناوي ممكن توفر شويه و تجيب واحد أقل منه يحللك المشكلة
أما لو الميزانية كويسه يبقى هات الفانديتا

انا عندي نفس المعالج و اعلي درجه حراره شفتها كانت 61
و حاليا انا كاسر سرعته ل 3.0 جيجا هيرتز و شغال معايا الحمد لله بدون مشاكلو درجه الحراره مش بتعلي عن51 خصوصا اننا في الشتا
حاول تتأكد من المشتت انه متثبت كويس و الكريم كفايه و التهويه جيده جوه الكيس
وعلي فكره انت جهازك يشبه جهازي في حاجات كتير;)
و اي سؤال انا في الخدمه يا جميل:ah2:

اه و الله يا اخى فعلاً احنا تقريباً نفس الجهاز :D

بس انا مش حاطط كريم اصلاً .. تفتكر هو ده اللى عاملى مشكلة لأن درجات الحرارة كلها كويسة ما عدا البروسيسور

و ايه نوع الكريم اللى بتسخدمه (انا ممكن احطله هيركود :D ؟

مشتت البروسيسور بيكون عليه كريم اصلا
و انا لسه جايبه و مغيرتش الكريم
و بلاش هير كود ممكن بالمرز عشان كثافته اعلي و يستحمل الحراره اكتر;)
حاول تحط الكيس في مكان تهويتها كويسه