مراجعة للماوس و الكيبورد دولفين و الباد CounterStrike !!!!!!!
طبعا دى المراجعة اللى طال انتظاركم ليها :p
و نجم هذة الحفلة وهو الماوس الدولفين
بس طبعا انا قلت ماينفعش اسيبة لوحدة كدة فقلت احطة هو و الكيبورد اختة و البادة التعبانة
طبعا انا كنت جايبهم اقدى نفسى بيهم لغاية ما شحنة الماوسات الجسمنج توصل
لكن اسعارهم طبعت فوق م الواحد ان منتظر بكتير فشكلة كدة انا وباقى الاعضاء هانقديها دولفين :rolleyes:
و نبدا بال كيبورد
Dolphin Powerflashing key board
اولا المواصفات
1- 9ازرار اختصرات (Home-Mail-My Fav-Search-stop-Previous-play -stop -next-Volume wheel -Mute -Sleep-Back -Forward)
2- الطول 220مم العرض 510مم السمك 35.6مم
3- الوزن كيلو بالظبط:eek: على فكرة مش تقيلة اوى ولا حاجة
الصور
صور لجزء جزء من الكيبورد
المميزات (ابتدى افتى انا بقى )
1- شكل انيق جدا و تصميم رائع
2- خامات جيدا جدا للكيبورد و الازرار
3- مالتيميديا
4- تحتوى على عجلة صغيرة للصوت جميلة جدا
العيوب
1- تجميع زراير ال Functions غير جميل بالمرة فهم مقسمين الى مجموعة من F1 الى F5
و مجموعة من F6 الى F10 و مجموعة ثالثة بها F11 و F12 وازرار Print -Scroll -Pause
( اول يو م جاى اطفى حاجة عمالة Alt +F5 لما اتجننت)
2-تجميع ازرار Home -End الطولى بدل العرضى غير مريح ايضا
فمثلا عند المسح تفضل تدوس Shift +Insert لما تتجنن اول Ctrl Shift Del بردو صعبة
مع التعود المشكلتين دول بيروحوا
3- بعض الازرار الاضافية (المهمة بالنسبة لى ) غير موجودى بها مثل زرار
My Calculator اللى على طول مفتوح جمب موضوع الاسعار
زرار Power غير موجود ايضا و انا احب اطفى الجهاز بدوسة
فانتقلت هذة الدوسة الى اعلى الكيسة :rolleyes:
زرار ال Media والذى يقوم فتح ال Winamp غير موجود ايضا
السعر
45جنية
الوكيل و مكان التوفر
كايرو كومبيوتر
مول الاسيوطى الدور التانى
التقييم
8.5
و دلوقت نيجى بقى الى معشوقة الجماهير الساحرة المستديرة الفارة الثرثارة :D
رد: مراجعة للماوس و الكيبورد دولفين و الباد CounterStrike !!!!!!!
Dolphin Cruiser Optical Mouse -Nos Gaming
المواصفات
1- 800 ,1600 Dpi
2-USB
3- حاجة اسمها 3/5 مش فاهم اية هى بس اهى مكتوبة فى المواصفات وخلاص
4-الطول 119مم العرض 64.8 مم السمك 42 مم
5- طبعا الميزان فية كل التقسينات لكن الماوس بردو خفيف علية طلع حاوالى 15 جرام
جربت وضع وزن ثم اضافة الماوس و حساب الفرق المؤشر لم يتحرك اساسا فى المرة الثانية
الصور
شوية Close Shots للماوس :rolleyes:
محاولة منى لاختبار الماوس فى الجرافيكس و قعدت اتكلم مع احمد Xmaster امبارح
لكن الظاهر انو الماوس طلع ملوش فى الجرافيكس اوى
https://a.imageshack.us/img696/4098/graph1s.gif
طبعا المفروض انى انشن فى وسط كل مربع بالظبط و انا بتحرك بزاويا
:cool:
المميزات
1- التحويل من سرعة 800 الى 1600 بضغطة زر
2- زرارين فى الجنب Back &Forward قمة فى امتاع فى التصفح على النت و على الويندوز و اللى بيضفوا شبهة الجيمنج على الماوس و بعملهم Reload و Sec Attack فى الالعاب
4- تصميم انيق و جميل جدا
5- راحة تامة فى اليد
6- سعر اكثر من رائع
العيوب
1-سلك رفيع جدا و اعتقد سهل القطع بعد فترة من الاستهلاك
2- ال USB مش مطلية دهب :p
السعر
25 لحلوح مصرى
:eek::eek::eek::eek:
الوكيل واماكن البيع
كايرو كومبيوتر مول الاسوطى الدور التانى
التقييم
9.5
:ah4::ah4::ah4:
صورة للاخوة مع بعض
و اخيرا الباد
:pCooler Master Counter strike
دى مش محتاج اقول فيها غير حاجة واحدة انها طبعا مش Cooler master
لكن ممشية الماوس حلاوة
العيوب
من ام ريحة وحشة
بس مش هاتشمها غير لما تحطها فى مناخيرك :eek::p
السعر 4 جنية :cool:
ممكن بقى حد من المشرفين يضيفلى الاستطلاع دا
هل اعجبتك المراجعة ؟؟
1- حلوة
2- كويسة
3- تعبانة
4-غريبة جدا
5- كوميدية جدا :p
يلا يا عم سام عملينيلك دعاية لكايرو اهو عاوزك تكلمهوملى بقى على كارت 5850 رشوة عشان اعمل كروس فاير و افريج على 100فريم :p:p:D:D
رد: مراجعة للماوس و الكيبورد دولفين و الباد CounterStrike !!!!!!!
ايوة بقى :D
شكرا على المراجعة وشكلى هنزل اجيب الماوس النهاردة
ليك تقييم سجلته فى النوته لما يتاح النظام الجديد
رد: مراجعة للماوس و الكيبورد دولفين و الباد CounterStrike !!!!!!!
شكرا ليك علي المراجعه الكويسه :) ومبروك عليك
رد: مراجعة للماوس و الكيبورد دولفين و الباد CounterStrike !!!!!!!
طبعا هاعد عليكوا كلوكوا التقييمات لغاية ما النظام الجديد يقوم
رد: مراجعة للماوس و الكيبورد دولفين و الباد CounterStrike !!!!!!!
اقتباس:
المشاركة الأصلية كتبت بواسطة ThE-EviL
شكرا ليك علي المراجعه الكويسه :) ومبروك عليك
العفو يا عزيزى على اية و اللة يبارك فيك
رد: مراجعة للماوس و الكيبورد دولفين و الباد CounterStrike !!!!!!!
رد: مراجعة للماوس و الكيبورد دولفين و الباد CounterStrike !!!!!!!
ايه الحلاوة دى ......مراجعة جميلة يا كبير......
على فكرة انا الماوس عندى سلكه رفيع جدا ولين اوى وكنت فاكر انه هيتقطع برده لكن الحمد لله تمام ما حصلوش حاجه بقاله 9 شهور ..هو كان ب 20 جنيه بس كان 800 بس....
ملاحظة:مفيش تقييم ليه؟؟؟؟؟...
رد: مراجعة للماوس و الكيبورد دولفين و الباد CounterStrike !!!!!!!
مراجعة ممتازة .....يا مان :ah7:
فعلا الكيبورد والماوس ممتازين شكلا ...وكمان السعر مش غالى ..:)
اقتباس:
يلا يا عم سام عملينيلك دعاية لكايرو اهو عاوز كلمهوملى بقى على كارت 5850 رشوة عشان اعمل كروس فاير و افريج على 100فريم :p:p:D:D
ههههههههههههههههه....:D:D:D
حرام عليك هفطس من كتر الضحك ...:D:D
معلش مفيش تقييم ...بقة حظك كدة ...التقيمات فى اجازة ..:D
رد: مراجعة للماوس و الكيبورد دولفين و الباد CounterStrike !!!!!!!
طب أنا ممكن أعمل مراجعة للماوس والكيبورد الميكروسوفت بتوعى يغلبوا المراجعة بتاعتك :p
رد: مراجعة للماوس و الكيبورد دولفين و الباد CounterStrike !!!!!!!
اقتباس:
المشاركة الأصلية كتبت بواسطة wella1000
ربنا يباركلك فيهم :)
يا رب
بس بردو لو هاتجيبوا حاجة من برة و طلع سعرها 150 اخر بس تستاهل انا معاكوا
اقتباس:
المشاركة الأصلية كتبت بواسطة ashmayee
ايه الحلاوة دى ......مراجعة جميلة يا كبير......
على فكرة انا الماوس عندى سلكه رفيع جدا ولين اوى وكنت فاكر انه هيتقطع برده لكن الحمد لله تمام ما حصلوش حاجه بقاله 9 شهور ..هو كان ب 20 جنيه بس كان 800 بس....
ملاحظة:مفيش تقييم ليه؟؟؟؟؟...
يعنى مش عارف بس حاسس بردو انو هايطقطع
هما الصراحة لو مشتقروش على واحد حلو من برة
هاروح اجيب واحد تانى احتياطى لانة الصراحة ماوس روعة بسعر رهيييب
بالنسبة للتقييم المعلم كيمو عمل نظام جديد للترقية يعتمد على المشاركات و التقييم مع بعض
(اكيد يعد الموضوع بتاعى اللى محدش شافة غيرك )
ولسة هاننتقل للنظام و بعد كدة التقييمات هاتتفتح
بس انا عاددهم عليكوا تقييم تقييم مش هاسيبكوا
اقتباس:
المشاركة الأصلية كتبت بواسطة S@M
مراجعة ممتازة .....يا مان :ah7:
فعلا الكيبورد والماوس ممتازين شكلا ...وكمان السعر مش غالى ..:)
ههههههههههههههههه....:D:D:D
حرام عليك هفطس من كتر الضحك ...:D:D
معلش مفيش تقييم ...بقة حظك كدة ...التقيمات فى اجازة ..:D
هههههههههه
التقييمات فى اجازة بس هاخدها بردو لما ترجع انا مسيبش حقى كدة بالساهل:ah51:
رد: مراجعة للماوس و الكيبورد دولفين و الباد CounterStrike !!!!!!!
اقتباس:
المشاركة الأصلية كتبت بواسطة ṰǾЯŊΛĐф
طب أنا ممكن أعمل مراجعة للماوس والكيبورد الميكروسوفت بتوعى يغلبوا المراجعة بتاعتك :p
هههههاى
محدش يعرف يغلب المراجعة بتاعتى :p
بس سعرهم اية و جيمنج ولا لأ
رد: مراجعة للماوس و الكيبورد دولفين و الباد CounterStrike !!!!!!!
اقتباس:
المشاركة الأصلية كتبت بواسطة ṰǾЯŊΛĐф
هما دول ، بالنسبة للسعر مش عارف دول من أيام المماليك :ah38: ، أما بقى السماعات اللى مش عارف نوعها أيه دى من أيام الفراعنة :D .
رد: مراجعة للماوس و الكيبورد دولفين و الباد CounterStrike !!!!!!!
مراجعة ممتازة و منتجات حلوة اوي
و الفكرة في العلاقة ما بين السعر و الاداء
و اظن هنا السعر ممتاز و الاداء علي اد السعر
و كما يقولون في المنتديات الاجنبية حتاخد علي قدر ما ستدفع
شكرا لك
و المنتجات ممتازة للميزانية الضيقة خصوصا و ان مفيش بدائل اصلا في السوق كويسة نهائيا
رد: مراجعة للماوس و الكيبورد دولفين و الباد CounterStrike !!!!!!!
ملوش فى الجرافيك
هههههههههههه
ماشى ياعم :)