مشكلة كبيرة كارت جرافيكس جديد!
انا اشتريت من حوالي شهر Asus rx570 من ماكسيمم ستور و كان شغال زي الحلم في كل الجيمز 60fps ! الpsu بتاعي seasonic 500w ! الرعب بدأ من يومين الشاشة تفصل و انا بلعب جيمز ! عملت سيرش قريت كلام مرعب انه يكون الكارت بيموت !! و احتمال اقل ان psu مش بيوصل باور كفاية للكارت رغغم ان ال psu بتاعي براند نضيف و كافي جدا للكارت! خد الكارت و جربته عن واحد صاحبي (جهاز تقيل و psu غالي ) نفس المشكلة اتكررت! دلوقتي الكارت ده دافع فيه دم قلبي و محوش فلوسه بقالي سنة من مرتبي! طبعا الكارت معاه ضمان بس انا بسمع زي كل الناس الضمان في مصر للاسف نصب و ابله و شارب ميته من ناس كتير! حد ليه نصيحة يا جماعة ولا اي حاجة و انا بوديه الضمان اتعامل معاهم ازاي! انا مهموم جدا والله
رد: مشكلة كبيرة كارت جرافيكس جديد!
بكل الأحوال الذهاب به للضمان خطوه جيده
لكن أولا هل راقبت درجات حراره الكارت
وهل يقوم بعمل ريستارت ببدايه لعبك مثلا
أم بعد فتره وأنت داخل الألعاب
وهل يدخل معك الويندوز ثانيه مره أخرى فوراا
أم يظل عالقاا فتره ؟؟؟
أعطنا قرائات درجات حراره الكارت
بالخمول ووقت الضغط
هل المراوح تعمل معك بكفائه ؟؟
هل استخدمت أى سوفت وير لتنظيم عمل المراوح
كبرنامج MSI Afterburner
على سبيل المثال ؟؟؟
بالنسبه للنصيحه بخصوص التعامل مع الضمان
سيختبرون الكارت أولا وبحاله وجود مشكله
تمسك بالتبديل ( كارت من نفس الفئه )
بالتوفيق
تحياتى
رد: مشكلة كبيرة كارت جرافيكس جديد!
انا بستخدم AFTERBURNER علطول عشان بعمل ليميت لل FPS على 59 >> الكارت IDLE 40-45 .. هو تحت STRESS 65-70 .. خصوصا كمان المروحة مش بتبدأ تتحرك غير بعد 50 و انا سايبها بنفس النظام DEFAULT ده عشان ال IDLE بتاعه معقول و منها اطول عمر المروحة بدل ما اسيبها شغالة علطول .. ال CPU نفس النظام برضه بس ال IDLE بتاعه 50 لكن مبيعديش ال68 تحت STRESS .. انا هتجنن والله! عموما انا هاخد جهازي بكرا للبدر ستور في كمبيوتر ماركت ! قلتله مشكلتي قالي هاتهولي ابص عليه قبل ما توديه الضمان! هيجربلي PSU من عنده يمكن ال PSU بتاعي انا و صاحبي في اخر عمرهم مثلا رغم انها هتبقى صدفة عجيبة و غريبة :d
رد: مشكلة كبيرة كارت جرافيكس جديد!
اقتباس:
يمكن ال PSU بتاعي انا و صاحبي في اخر عمرهم
أنتم الأثنين ؟؟
بوقت واحد ؟؟؟؟
غريبه جدا
لم تجب على باقى التساؤلات
اقتباس:
وهل يقوم بعمل ريستارت ببدايه لعبك مثلا
أم بعد فتره وأنت داخل الألعاب
وهل يدخل معك الويندوز ثانيه مره أخرى فوراا
أم يظل عالقاا فتره ؟؟؟
على كل حال فحص الجهاز شىء مفيد
مع أن جهازك برىء طبقاا لكلامك
اقتباس:
جربته عن واحد صاحبي (جهاز تقيل و psu غالي ) نفس المشكلة اتكررت!
بالتوفيق
رد: مشكلة كبيرة كارت جرافيكس جديد!
لا الشاشة بس بتفصل و انا بلعب اي جيمز تقيلة لكن الويندوز شغال عادي ! يعني من الاخر لما بيوصل لاعلى CORE CLOCK ليه بيفصل و ده طبعا مش بيحصل من استخدام الويندوز! المشكلة شكلها بيقول ان الكارت مش بيوصله باور كفاية يا بيموت يا ال PSU او وصلاته فيها مشكلة! انا مكنتش شاكك في الكارت نهائي لانه لسة جديد لحد ما جربته عند صاحبي .. اتمنى من الله ان المشكلة تطلع PSU
رد: مشكلة كبيرة كارت جرافيكس جديد!
ونحن نتمنى أن تكون مشكلتك يسيره
لاتستعمل كارت الشاشه الأن
وأعمل بدونه
لم تذكر مكونات جهازك
أذا كان المعالج به معالج رسومى مدمج
والبورده بها منفذ يلائم شاشتك
أعمل عليها
وبعد التأكد من قبل الصيانه بحصر المشكله بالكارت
عجل بالذهاب ألى الضمان
بالتوفيق أخى الكريم
تحياتى
رد: مشكلة كبيرة كارت جرافيكس جديد!
الحمد لله تم حل المشكلة .. كارت ال rx570 عندي مختلف شوية عن اغلب الكروت نفس الفئة احتاج psu 600w عشان يشتغل بدون مشاكل و بيسحب وات اكتر من الطبيعي في الكروت اللي زيه محدش يعرف ليه! حظي كدة بقا! تقريبا انا الحالة الوحيدة في العالم اللي rx570 محتاج psu600w عشان يشتغل :d ! المهم المشكلة اتحلت الحمد لله و الكارت اشتغل عادي تحت stress ! اتمنى من الله بس سحب باور زيادة ميكونش نواة لمشكلة في الكارت عندي اكبر تبان بعدين! انا في الطبيعي مش بشتري كارت الا كل 3-4 سنين يا رب يكملهم على خير :d
رد: مشكلة كبيرة كارت جرافيكس جديد!
شكرا على وقت حضرتك في محاولة انك تساعدني كتر خيرك
رد: مشكلة كبيرة كارت جرافيكس جديد!
مدام جات فى الباور الحمد لله مع انى مش مقتنع بالموضوع دة بس مدام جربت و اشتغل تمام يبقى الحمد لله
رد: مشكلة كبيرة كارت جرافيكس جديد!
لا فعلا عدم توفير وفره بالطاقه
تسبب مشاكل واختلال بأداء الجهاز عموماا
بغض النظر عن أستهلاك كارتك من الطاقه
من الممكن أن الباور لايعمل بثبات
نحمد الله أنك أطمئنيت على الكارت
بالتوفيق أخى الكريم
تحياتى
رد: مشكلة كبيرة كارت جرافيكس جديد!
ما هو ال recommended اصلا بتاع rx570 المفروض 500w بس يظهر كارتي طلع كدة محتاج 600w لسبب ما لان بتاع الصيانة جرب seasonic 500w برضه من عنده و استمرت المشكلة و هي حاجة غريبة جدا! يظهر الكروت فيها حظ زي لما اتنين يبقى معاهم نفس ال cpu كدة بس واحد يقدر يعمله overclock عالي جدا و ممكن التاني بجهاز مشابه ميعملش نصه! ال silicon lottery :d
رد: مشكلة كبيرة كارت جرافيكس جديد!
عادى مدام طلع فى الباور الحمد لله بسيطة