سياسه الأستخدام العادل و حنعمل ايه ببساطه
بسم الله الرحمن الرحيم
عارف ان فى مواضيع كتيره اتعملت للحكايه دى..بس بصراحه كنت عاوز اعرضها بطريقه سهله الفهم للمستخدم العادى..عشان يعرف عملنا ايه و المفروض حنعمل ايه
طبعا فى الفتره الأخيره سمعنا عن "الأفتكاسه" الجديده الى عملتها شركات ال ADSL فى مصر
و الى ان شاء الله حتطبق بدايه من شهر 8 الحالى
و عشان الى ميعرفش عنها ممكن ببساطه يشوف المقال دا حيعرف قصدى ايه
https://img30.imageshack.us/img30/54...00921043am.png
دى السياسه بتاعت مصراوى dsl
مش عارف ايه المقصود باساءه استخدام..
انا صحيح مش كل شهر بحمل 25 جيجا يعنى...بس فى شهور بحتاج احمل فيها حاجات برامج او شروحات فيديو تتعدى كدا...هل دا يعتبر استخدام سىء!!!!!
اقتباس:
على راى واحد صاحبى لو عاوزين يمنعو الأستخدام السىء..يمنعو المواقع الأباحيه و لو عاوزين يخففو نقل البانات بين مصر و و العالم..يعملو سيرفرات و شركات استضافه بأسعار منافسه مش شركه لينك تقولك استضافه بحجم 4 ميجا ب 400 جنيه شهريا..حد يزغزغنى!!!!هههه صاحبى الى بيقول
بس للعلم الأستضافه فى الشركات برا ال 10 جيجا تقريبا و مميزات عديده للسرفر ب4 دولار يعنى 25 جنيه تقريبا....فرق خرافى
و طبعا بقيه الشركات كلها نفس النهج باختلاف الصيغه و ممكن تشوف الصيغ بتاعت اشهر الشركات هنا
LINK DSL
TE Data
الخلاصه ان حسب سرعتك حيكون محدود تحميلك بالمساحه الى فى الجدول و ان تعديدها لاى سبب "سىء" او مش "سىء" حيتم خفض سرعتك ل 128!!!!!!!!!!!
طاب الناس عملت ايه؟؟؟؟؟؟
طبعا الشباب فى مصر مسكتتش على المهزله دى...قررت انها تعمل حمله من 3 اجزاء...و حاليا احنا فى الجزء التانى...
و لو حد عاوز يشوف الموضوع بتاع الحمله الى موجود على منتديات كتير بنفس الصيغه
يدخل هنا
الجزء الأول:
الشكوى الى مراكز الخدمه و الشركات و وزاره الأتصالات و القنوات الأعلاميه و كل ما يمكن ارسال شكوى اليه بصيغه موحده و هى
اقتباس:
إلي جميع الساده و المسئولين و المدافعين عن الحقوق في مصر , إلي كل قلم صحفي أو أعلامي أو مسئول يهمه إلا تحدث عمليه نصب واسعه علي أغلب الشباب المصري الذي يعتبر الأنترنت هو المتنفس الوحيد له , منذ أن تولي السيد أحمد نظيف رئيس الوزراء رئاسه وزاره الأتصالات من سنوات عده حدث تطورا ملموسا و واضحا و أستمر كل جاء من بعده علي نهجه , إلا أن الجميع فوجئ في الأيام العديده الماضيه بأحد أبتكارات الجهاز القومي لتنظيم الأتصالات و شركات الأنترنت المصريه المقيده للحريات و المخالفه للأتفاقيات الموقعه مع المشتركين و المخالفه لتوجهات الدوله بضروره أنتشار الأنترنت بمصر و هو ما يسمي بسياسه الأستخدام العادل لتقييد حجم التحميل للسرعات غير المحدوده كما هو منصوص في التعاقدات مع الشركات المختلفه مما يعني مخالفه هذه الشركات بنود هذه العقود و مما يعتبر أستهتار و أستهانه بوزاره الأتصالات و بتوجهات الدوله حيث أن الكميات التي حددتها الشركات لا تكفي لمجرد التصفح اليومي للأنترنت و عمليه التحديث المطلوبه لأغلب البرامج الحديثه و الكفيله بأنهاء هذه الكميه , فبعض أنظمه تشغيل الحاسب الحديثه تحتاج تقريبا لتحديثات تمثل نصف هذه الكميه المتاحه هذا بخلاف التصفح و التحميل الفعلي , نرجو من سيادتكم التدخل و بذل الجهد لأعاده الحق لأصحابه و عدم حرمان الشباب من المتنفس الوحيد لهم و مواجهه أستغلال شركات الأنترنت و مخالفتها لعقودها و من القوانين الغير مدروسه من الجهاز القومي لتنظيم الأتصالات الذي يبدوا أن القائمين عليه بعدين كل البعد عن توجهات الدوله أو حتي مجال عملهم في تقييم الأحتياجات المتوسطه لمستخدم الأنترنت........
الجزء الثانى:
يوم 10-8-2009 الموافق يوم الأتنين القادم ان شاء الله...او فى يوم تجديد اشتراك سعتك منعا لخسارتك...المفروض كلنا حنطلب الغاء الخدمه من شركات TE DATA و LINK DSL القائدين لهذه الحمله
و حنقول السبب انى مش موافق على سياسه الأستخدام الغير العادل
طاب و الحل حنقعد من غير نت؟؟؟؟ اكيد لأ..اتقل حقولكم الحل
الحل و هو ما اكره اللجوء اليه..بدل ما حنفع الشركات المصريه...الى بتصب فى اقتصادنا حتجه لشركات اجنبيه و هى اتصالات و فودافون
اولا فودافون
و عروضهم الى تناسبنا بالنسبه لفودافون
https://img257.imageshack.us/img257/...00930017am.png
هيا برضو عندها سياسه استخدام عادل بس
100 جيجابايت لسرعة 1 ميجابت، ثم تنخفض السرعة إلى 256 كيلوبت
و الى عاوز يتأكد دى لينكات لشركه فودافون
فودافون انترنت فى البيت
سياسه الأستخدام العادل
ثانيا اتصالات
طاب و الى مبيحبش اللون الأحمر..ههههه..فودافون
فى برضه نفس الحكايه فى اتصالات..نفس العرض تماما
اتصالات smart ADSL
سرعه الواحد ميجا ب 130 جنيه فقط
https://etisalat.com.eg/etisalat/tem.../57/s_adsl.jpg
https://img81.imageshack.us/img81/25...00923955am.png
و سياسه الاستخدام العادل زى فوافون بالظبط
و يمكنك التأكد من موقع اتصالات
smart ADSL
أسئله متكرره " حتلاقى فى اخر الائله حوار الأستخدام العادل اد ايه"
مع باقةSmart ADSL Unlimited : 100 جيجا بايت للتحميل العادي لسرعة تصل إلى 1 ميجابايت ثم تنخفض السرعة إلى 256 كيلوبايت
-----------------------
طبعا و فى مزايا تانيه فمع اتصالات او فودافون انت بتدفع اشتراكك فى اى مركز خدمه ليهم و دا موجود فى كل حته و طرق دفع كتيره تانيه..مش ملزم انك تروح شركه و تقف طابور زى لينك و تى اى داتا!!!
و لعلكم لاحظتم ان سرعه الواحد ميجا من فودافون ب 133 جنيه و سعه التحميل 100 جيجا ثم تنخفض الى 256
اما سرعه الواحد ميجا فى الشركات الأخرى ب 145 جنيه و سعه التحميل 40 جيجا ثم تنخفض الى 128!!!!!
و يمكنك الدخول على موقع فودافون و مواقع الشركات الأخرى للمقارنه بالنسبه للسرعات الأخرى..حتستغرب فعلا
و دا ان دل على شىء..يل ان الناس دى شغاله بمزاجها
و لكم الأختيار
نظام الأشتراك بتاع انترنت فودافون فى البيت او اتصالات سمارت بيبقى على خط التليفون عادى خالص زيه زى النت الى عندك بتاع لينك او تى اى داتا..يعنى مش حتغير اجهزه ولا راوتر ولا بتاع
-----------------------
و لذلك....ان لم تتراجع الشركات عن موقفها..فهما الى حيخسرو..لازم يفهمو اننا مش حنخسر حاجه..ههههههه
و الجزء الثالث من الحمله مش حيعجب الشركات فى مصر و حيكون الأستعانه بشركات اجنبيه و دى مرحله متقدمه بس ممكن نلجألها
حاليا خلينا فى تانى مرحله
رد: سياسه الأستخدام العادل و حنعمل ايه ببساطه
طيب يا باشا دا كلام جميل جدا.
بس انا تى داتا عرفت تنصب عليا بعرض كانت عاملاه مش فاكر كان اسمه العرض السوبر ولا مش فاكر ايه بالضبط.
العرض دا كان قبل ماهما يرفعوا السرعات تلقائيا الى الضعف.
العرض دا كان عبارة عن ان السرعة 256 تتحول الى 512 مقابل انى أدفع 124 جنيه شهريا لمدة سنة وأتملك الراوتر.
طبعا ولاد اللذينة النصابين دول حطوا شرط فى التعاقد انى مش من حقى ألغى التعاقد ولا أزود السرعة ولا أقللها قبل مرور سنة كاملة من التعاقد....والا فى هذه الحالة هاضطر أدفع غرامة مش فاكر قد ايه بالضبط.
هتقولى طيب ماتسيبهم يتفلقوا وشوف أى شركة تانية وسيبهم يخبطوا دماغهم فى الحيط.
هاقولك بمنتهى البساطة يبقى أنا فى الحالة دى مش هاشوف الcancelation number اللى لازم آخده منهم عشان أقدر أحول براحتى لأى شركة تانية :cool::mad:
يعنى هما لعبوها صح.
أنا موتى و سمى اللى يحاول يلوى دراعى.
أنا حاليا عامل شبكة ومعايا مشتركين.....يعنى هاشيل الفلوس كلها لوحدى ....لكن مش فارقة معايا برضه....أنا أدفع أكتر بمزاجى ولا ان حد يلوى دراعى ويقولى دا ان كان عاجبك.....لكن المشكلة زى ماقلت انى كدا هاوصل معاهم لطريق مسدود ومش هاقدر أركب خط أرضى أساسا.....هل تنصحنى فى الحالة دى انى أشترى الusb مودم بتاع اتصالات أو فودافون؟....ويا ترى هيقف عليا بكام والداونلوود ليميت كام؟
حسبى الله ونعم الوكيل فى الشركات النصابة المدعوة زورا بالوطنية ......وسلم لى على جهاز حماية المستهلك.
الحكومة بتتفق مع الشركات على المستهلك....أهو طمعهم هيخلى كل الناس تحول على الشركات الأجنبية فودافون واتصالات....
حسبى الله ونعم الوكيل
حسبى الله ونعم الوكيل
رد: سياسه الأستخدام العادل و حنعمل ايه ببساطه
الموضوع مكرر. ياريت نوحد الجهود في موضوع واحد.
رد: سياسه الأستخدام العادل و حنعمل ايه ببساطه
باشا كل الشركات اللى فى مصر ملتزمه بالنظام حتى فودافون لسه مغيرة دلوقتى وبقيت زى كل الشركات