السلام عليكم ورحمة الله وبركاته
عندي هاردسك من شركة وسترون دجيتل بسعة 1 تيرا وهذا موديلة بالتفصيل
WD10EACS-00D6B0
الهارد قبل 9 شهور طاح مني وهو طافي من مسافة متر او متر ونص ( من فوق الطاولة )
المهم جيت اشبكه ابي منه بيانات وانصدم انه مو راضي يشتغل ( طبعا حاولت اشبكه بعده طرق وما ظبط )
المهم استشرت واحد من الشباب وقالي لو وديته عند احد ما راح يهتم فيه لانه مو هاردسكو زي ما انت مهتم فيه ( واللي خلاني ما اوديه لاحد ان عليه فديو وصور للأهل )
المهم خويي اقترح علي وقالي اكيد ان الابره طلعت من مسارها ويبيلك تفكه وترجعها وتخلص المشكله
طبعا انا تهورت وجبت المفكات ورحت البيت ونظفت الغرفة وطفيت المكيف علشان الهوا ما يتحرك وما يدخل الهاد غبار
وبعدين بديت في عمليه الفك
مسمار ورا مسمار وبعدين انفك الهارد
يوم فكيته تفاجئت ان الابره في مكانها وكل شي مظبوط
فشبكته على الكمبيوتر وهو مفكوك ولاحظن ان الابرة شغاله مظبوط تدخل بين الاقراص وبعد فترة ترجع لمكانها وتوقف
فدققت فلاحظت ان في زي الشرائح الصغيرة على ابرة الهارد منها 2 او 3 مكسورة فعرفت السبب
ففكيت الأبرة وطلعتها من الهارد
وبعد كذا بديت ابحث عن نفس نوع الهارد بالظبط علشان اشترية واغير الابرة واخذ ملفاتي على هارد ثاني
المهم كلمت واحد خويي في كندا قلتله ابي هارد من نفس هذا الموديل وقالي ان الهارد قديم وماني لاقية وانا ما لقته لا في السوق عندنا ولا على الـ ebay ولا في اي مكان بالعالم
والحين سمعت ان ممكن احد متخصص يفك الاقراص اللي في الهارد ويحطها بجهاز ويقدر ينسخ الملفات على هارد جديد او يقدر يوفر للهارد ابره ويشغله واخذ الملفات اللي عليه
فطلبي يا شباب هو اذا في احد منكم يقدر يسويلي هالعمليه للهارد حقي او يعرف احد يقدر يسويها ويكون مضمون من ناحية الخبرة ومن ناحية الأمانة بالنسبة للملفات اللي على الهارد يا ريت يدلني عليه
وشكرا مقدما
