استفسار من أصحاب شهاده MCSE

السلام عليكم ورحمه الله وبركاته
إلى كل أصدقائى أصحاب شهادات MCSE
انا حاليا بذاكر الكورس ده من شرح الاستاذ احمد سرحان وعندى بعض الاستفسارات

بماذا تنصحونى؟

* انى كل لما اخلص كورس ادخل امتحن علطول ولا استنى لما اخلص كله؟ وبعدين ادخل امتحن؟ - انا خلصت الاكس بى والسيرفر 2003

* بالنسبه للامتحانات : هل الامتحان بيكون اسئله نظرى ولا عملى (سيميوليشن )؟ والنظرى بيبقى ايه بالضبط اسئله اوانا اجاوب ولا اختيارات ولا ايه بالضبط؟ لو السؤال الواحد عباره عن كذا جزئيه وانا عملت جزئيات معينه وسيبت جزء معين الدرجه بتتحسب ولا لأ؟ الامتحان بيبقى كام سؤال؟ وفى توقيت ولا لأ؟ هل بعد الانتهاء من السؤال بعرف انا جوبت عليه صح ولا غلط ؟ ولا لازم استنى للنهايه علشان اعرف النتيجه الاجماليه؟ هل ممكن تأجيل سؤال لنهايه الامتحان؟ لو لم انجح ليا كام فرصه فى اعاده الامتحان وهل بيتم الاعاده بفلوس ولا لأ وبكام الاعاده؟

* هل كورس الاستاذ احمد سرحان كافى ولا لأ؟ ولو مش كافى ممكن استعين بايه؟

لما اخلص الاربع امتحانات الخاصين بشهاده MCSA هل هيا بتيجى لوحدها ولا انا بطلبها وفى فلوس بتدفع ولا لأ وبتجيلى على البيت ولا بستلمها من مكان معين؟ وكذلك MCSE ؟

ارجو الافاده وجزاكم الله خيرا

ايه كل ده :D :D :D

عامه بص يا سيدى :)

1 - الأفضل انك تستنى لما تخلص التراك كله وبعدين تمتحن لأنك ممكن تلاقى اسئله فى 290 مثلا او 291 مش هتفهمها غير لما تاخد ال active directory فى ال 294

فالأفضل ان تخلص كله وبعدين امتحن براحتك بأى ترتيب يعجبك
2 - الأسئله بتبقى الأتنين نظرى وسيميوليشن على حسب كل امتحان والأساسى بيبقى النظرى وبيبقى يدوبك كام سؤال سيميوليشن وفى امتحانات يعتبر مفهاش سيميوليشن
3 - الأسئلة بتبقى اختيارات كلها 4 اجابات وبتختار واحده منهم وفى اسئله بيبقى طالب منك تختار اجابتين او تلاته كمان
4 - الأسئلة اللى بيبقى طالب منك كذا اجابه دى بيعتبرهم كلهم اجابه واحده الغلطه فى جزء بيعتبر السؤال كله غلط
5 - الأمتحان بيبقى حوالى 43 سؤال
6 - وفى توقيت اه بيبقى حوالى ساعتين على ما اعتقد مش فاكر لأنى عمرى ما اقعدت اكتر من ربع ساعة :D :D
7 - مش بتعرف اجابه السؤال صح ولا غلط لأنك النتيجة بتظهر فى الأخر اجماليه فمش بيعرفك بالضبط انت عملت ايه ولكن هو بيبقى مقسم الأمتحان 4 اقسام وكل قسم بيقولك نسبه نجاحك فى اد ايه
8 - تقدر تأجل السؤال اللى انت عايزه لأخر الأمتحان عادى مفيش مشكله وبترجعله لما بتخلص الباقى
9 - لو لا قدر الله منجحتش بتعيد زى ما انت عايز لأن الأساسى انك بتعيد بفلوس تانى كأنك مقدم من جديد فمش مشكله لكن الأفضل ان بيبقى معاك فوتشر بيديك اعاده لمره واحده بس مجانا وده اى انستركتور يقدر يساعدك فيه او ساعات برومتريك مع ميكروسوفت بيبقوا عاملين عروض للفوتشر دى
10 - الكورس ان شاء الله كافى بس أهم حاجة التطبيق بأيدك ورا المهندس احمد ولو تقدر تجيب الكتب الخاصه بميكروسوفت وتقراها يبقى انت كده ان شاء الله هتبقى متميز عن غيرك :)
11 - لما بتخلص اى شهاده بتبقى موجوده فى الأكونت بتاعك على ميكروسوفت وانت اللى بتبعتها بأوردر منك انت وطبعا عليها فلوس تمن الشحن وبتجيلك لحد البيت بالأنترناشونال ميل
---------------
اتمنى اكون رديت على كل استفساراتك :)

تمام تمام تمام
جزاك الله خيرا
معلش هيا الاسئله كتيره بس زى ما انت فاهم انا بزاكر مع نفسى فمرحتش اى سنتر ومعرفش اى حاجة من الحاجات دى خالص
واعتقد انك عندك حق فى انى استنى لما اخلص كله لانى فعلا لقيت اسئله مش فاهمها ولقيتها موجوده فى كورسات انا لسه مخدتهاش

للمره التانيه جزاك الله خيرا وربنا يجعل الوقت اللى كتبت فيه الرد ده :) فى ميزان حسناتك

تحت أمرك ياباشا فى اى وقت احنا هنا كلنا بنساعد بعض وربنا معاك ان شاء الله :) :)