ياريت ترشحوا لي موبيل مناسب لعملي كمهندس مدني وياريت كمان مواقع مقارنة
انا عايز مواقع مقارنة بين الموديلات المختلفة للاجهزة نوكيا - سيمنس -الكاتيل -سوني اركسون
موتورلا -.......
علشان اعرف اختار واحد منهم واشوف تقيم للاجهزة
وكمان ياريت تساعدوني بالاختيار
المواصفات التي تهمني
1- المتانة العالية جدا وتحمل العمل الشاق (فانا مهندس مدني يعني شغلي في مواقع والصحراء)
2- قوة الارسال والاستقبال تحت اصعب الظروف
3- بطارية اول فترة ممكنة (بس متقوليش حسب استخدامك ماانا عارف) في اجهزة بتستهلك طاقة كبيرة وفي اجهزة طريقة شغلها بتعمل توفير بالطاقة (بغض النظر انها الوان وخلافة)
4- حجم صغير وخفيف
5- صوت عالي ومايك نضيف وكمان فيبرشن
6- عامل السعر غير مهم ولكن يهمني ان الفلوس اللي ادفعها تستاهل اني ادفعها
حتي لو مبلغ عالي
7- مش مهم كامير او الوان او كدة
دي اهم الشروط انا في ناس نصحوني اني ادور في موديلات الكاتيل وموتوريلا (وانا اميل لذلك صراحه)
بس خايف من قطع الغيار بمصر لان طبعا نوكيا هية المسيطرة علي منطقتنا رغم ان الشركات الاخري افضل تقنيا وجودة وبالتالي قطع اليار للمنافس غالية او غير متوفرة
كما في جهاز نوكيا 6110 navigator دة اية نظامه حد جابة قبل كدة
بس عايز اعرف تفاصيل عنة بس لا اميل لشرائة
سمعت ان خدمة غير متوقرة بمصر ولكن يمكن عن ريق تحميل الخرائط من مكان اخر
نقطة اخيرة هل لو اشتريت موبيل من موقع امازون مثلا هيتجمرك والجمرك كام في مصر
الموبيل هاشترية من مصر او من الدول العربية حسب الوضع
رد: ياريت ترشحوا لي موبيل مناسب لعملي كمهندس مدني وياريت كمان مواقع مقارنة
بص يا بشمهندس
انت اولا شبكه ايه
لو موبينيل استخدم الكاتيل
ولو فودافون استخدم ايركسون
لانهم اكتر اجهزه تجيب شبكه علي كل شركه تتبعها كما كتبت ليك
طبعا هتسأل ليه قلت موبينل الكاتيل
وليه فودافون يبقي ايريكسون
هقولك بكل سهوله لان الشركتين دول هما اللي مركبين وهما اصحاب الشبكات اللي تمتلكها شركتي المحمول
اما عن اتصالات فلن انصحبك بان يكون معك خط منها هذه الفتره حتي يحدث لها تغطيه جيده
وينزل تليفونات لهواوي
وممكن اي شركه تانيه بس انا كمان رائي من نفس الشركه اللي بقولك عليها عشان الشبكه
وكمان عشان تليفوناتهم دلوقتي بتستحمل اوي اوي اوي
تحياتي ويارب اكون افدتك لو احتجت شئ راسلني علي البريد الخاص بعرب هرد وير
تحياتي
رد: ياريت ترشحوا لي موبيل مناسب لعملي كمهندس مدني وياريت كمان مواقع مقارنة
الف الف شكر وانا تقريبا مقتنع ب 5500 sport
ومستني اراء
رد: ياريت ترشحوا لي موبيل مناسب لعملي كمهندس مدني وياريت كمان مواقع مقارنة
6110 navigator
جهاز رائع جدا وجميل ومعقول القيمة لا اعلم بالضبط لان الاسعار تختلف بين يوم وليلة
لكن قد ينفعك في عملك
مجرد راي
رد: ياريت ترشحوا لي موبيل مناسب لعملي كمهندس مدني وياريت كمان مواقع مقارنة
اقتباس:
المشاركة الأصلية كتبت بواسطة عازف الكيبورد
6110 navigator
جهاز رائع جدا وجميل ومعقول القيمة لا اعلم بالضبط لان الاسعار تختلف بين يوم وليلة
لكن قد ينفعك في عملك
مجرد راي
وجدت ضالتي بال 5500 sport
فوجدت وحدة تباع منفصلة ملحقه من ملحقات الجهاز لاستخدامات ال gps
وانوي شرائها عند احتياجي اليها فقط فخدمة ال gps لاجهزة الموبيل غير متاحه بمصر بشكل مباشر بل يكون عن طريق السعودية او الامارات وطبعا هينفخوني في سعرها
شباب السعودية ياريت تدوني السعر بالريال
جديد بالضمان الدولي او ضمان السعودية فقط او بدون ضمان بس جديد طبعا
وفترة الضمان لو طويلة هاشتري بضمان ولي او السعودية