مساعده فى اختيار UPS لشراءه

السلام عليكم ورحمة الله وبركاته

انقطاع التيار الكهربائى هو السبب الرئيسى فى تلف البورده فى جهازى القديم

والأن النور ما زال كعادته ينقطع فجأه وبعد رجوعه اجد بداية مشاكل مع البورده الجديده

فقررت انه لا بد من شراء UPS بإذن الله

ولكن لا اعرف ما يناسبنى

وكم سعره

امكانيات جهازى هى

البروسيسور i7 2600 K

الرامات 16 جيجا DDR 3

الباور سبلاى 1000 وات

كارت الشاشه 460 GTX

فما هو الجهاز UPS المناسب وكم سعره إذا امكن

وجزاكم الله كل خير

ملحوظه

انا عملت الموضوع من يومين فى قسم مزودات الطاقه ولكن لم يفيدنى احد

القسم ميت جدا وانا مستعجل يا جماعه

ياريت المساعده

مبدئيا أنت تحتاج ل UPS قوى نظرا لقدرة مزود الطاقة الكبيرة لديك وأنا أفضل ماركة apc فهى شركة مميزة فهى هذا المجال ولكن عليك وضع أقصى ميزانية موضوعة لة

يعنى يا أخى انا برضو مش فاهم

لإنى ابيض يا ورد فى الأجهزه دى

لا أفقه فيها أى شىء فى أى شىء

يعنى مش عارف ايه المتاح اودامى اجيب كام وات

ولا هو بالأمبير مش بالوات

اقصد ياريت النصيحه كامله

وأسعاره فى حدود كام

انا مش عارف

ياريت النصيحه كامله الله يكرمك

جزاك الله كل خير

هو بيقاس بوحده VA أى فولت أمبير و انت ستحتاج لجهاز قوتة 550 VA وسيكون سعرة فى حدود 300 - 350 جنية ولكن أنا غير متأكد من سعرة

هل انت متأكد تماما يا أخى اننى لا احتاج اكثر من هذا ؟؟

علما انى ان شاء الله ان كنت احتاج لذلك فقط فسوف اشترى 700 AV

او 600 AV

فهل هذا سيكفى ؟؟

يعنى انا اعطيت لواحد يسكن فى القاهره لإن انا من المنصوره وهو بينزل المنصوره كل فتره

فأعطيت له 400 جنيه مبدئيا حتى استقر على الجهاز المناسب لأخبره بإسمه فيشتريه وان دفع المزيد فلا بأس وهحاسبه بعد كدا واعطيه الفرق ان شاء الله

فأريد الأن الجهاز المناسب لإن النور هنا بيقطع كتير جدا لدرجه تخنق والله فوق ما تتصور

انا عايز جهاز لما النور يقطع الكمبيوتر ما يفصلش ان شالله حتى تلات دقايق لغاية لما اقفل الكمبيوتر طبيعى

فهل المناسب مثلا 650 AV او اكثر من ذلك بقليل ؟؟

لإن اخاف 550 لا يفى بالغرض خصوصا ان فى ناس اشترت UPS ولما النور قطع الجهاز فصل وكأنه غير متصل من الأساس

وأسف جدا على الإطاله

بص ياأخى كلما زادت قوتة زادت المدة التى يعمل بها الكمبيوتر عند أنقطاع التيار الكهربى وبالتالى زاد سعرة فعلى حسب ميزاتيتك أشترى ولكن ال 700 أعتقد سعرة سيكون فوق ال 600 جنية أذا كان من ماركة جيده فلذلك رشحتلك ال 550 و أعتقد أنة سيفى بالغرض أيضا أما للناس اللى عندهمUPS وبيفصل على طول فذلك لأنة بة عيب أما ضعيف جدا وأنتظر رأى باقى الأعضاء .

أشكرك يا أخى

جزاك الله كل خير

وفى انتظار نصائح باقى الإخوه

هل من مســــــــاعد ؟؟

من مســــــاعد هل ؟؟

مساعد هل من ؟؟

مســــــــــاعد من هل ؟؟