كنــــا وصرنــــا .. وليتنا ماصرنــــا

كنا نقول لاتقابلنا السلام عليكم والحين هاااااي هاوز افرى ثنق

كنا نقول فمان الله والله يحفظك والحين نقول تشااااو وتيك كير

كنا نقول هلا حياك الله اقلط والحين نقول اتصل على قبل لا تجي

كنا نتفاخر عندنا جد وجدة بالبيت و الحين صار فيه دار للعجزه والمسنين

كنا نقول تفضلوا للعشاء انتم والأهل والحين نقول ممنوع اصطحاب الأطفال

كنا نفرح اذا تعشينا من برا البيت والحين نفرح اذا تعشينا من البيت

كنا نتريق ونتغدى ونتعشى جميع والحين زين اجتمعوا اثنين

كنا ناكل مرقوق وجريش والحين مكرونه اسبكتي أو بالباشميل

كان طموحنا ندرس في الجامعه العربيه والحين طموحنا ندرس بالجامعه بس مو العربيه

كنا ندرس كل طالبين بطاوله والحين كل طالب له طاولتين

كان طموحنا نصير طيارين والحين طموحنا وظيفة توكل خبز

كنا نفرح اذا نزل البردي والمطر نشرب منه ونستعذب والحين ننحاش لايوصخ ملابسنا

كنا نفرح اذا قالوا لنا قربت الاجازه والحين نص عيالنا وبناتنا بإجازه على طول

كنا نهرّب الزقاير تهريب والحين اعتدنا إدارة مكافحة المخدرات

كنــــا وصرنــــا .. وليتنا ماصرنــــا


وشكرا
-------------
منقول من احد الاخوان :)

ما شاء الله
كلمات في محلها

توقعت انها من بنات افكارك

مشكور عليها عموما

الله يعطيك العافية أخوي محمد ...
الثلاثة الأولى فعلا تقهرك ,,

كان طموحنا نصير طيارين والحين طموحنا وظيفة توكل خبز
اي صدقت , هذي أكبر مصيبة فيهم

كنا نفرح اذا نزل البردي والمطر نشرب منه ونستعذب والحين ننحاش لايوصخ ملابسنا
لا عادي , تعال الاردن وحتتوسخ ملابسك , الا اذا معاك سيارتك :)