بالله عليكم ارجوا المساعدة ... جهاز عمره اسبوعين و عايش في عذاب !! , ماكسيمام هاردوير

السلام عليكم

انا يوم 21-7 اشتريت جهاز كامل من شركة ماكسيمام هادروير بالمواصفات التالية :

Intel Core2Quad Q9550 2.83GHz / 12MB cache / 1333 bus
OCZ Vendetta 2
ASUS P5Q PRO - P45
SAPPHIRE HD 4890 TOXIC 1GB GDDR5
OCZ DDR2 GOLD Series 4GB (2 x 2GB) DDR2 1066 CL5 (PC2 8500) Dual Channel Kit
Western Digital Green 640GB AACS 16M Cache SATAII
case : GIGABYTE Setto 1000
Hec Cougar 750w
ASUS X20 LightScribe

و الجهاز اشتغل تمام لمدة يوم بالضبط و بعدين طلعت ل Blue screen الملعونة دي و رجعت للشركة بالكيسه و هما ناس محترمه جداً جداً و الله و جربنا و اختبرنا كل حاجة ببرنامج prime و ايفريست كل حاجة و طلع العيب من الرامات و تم التبديل بواحدة تانية و زي الفل .........

بعد ثلاث ايام ربنا فرج بفلوس فحبيت اجيب رامات تانية نفس النوع و اخليها 8 جيجا و اريح دماغي من الجهاز .... و الله في نفس اليوم حصلت ال blue screen !!!! .... رجعت تاني للشركة و عملنا نفس الحكاية زي اول مرة و تم التبديل برامات تانية برده (المره دي تم تبديل الرامات الجديدة بس و الرامات المبدلة القديمة زي الفل) ....

و الجهاز اشتغل معايا و تمام التمام و من ساعة بس جت ال blue screen تاني برضه !!!!!! .....عملت ال prime و جبلي error بعد 4 دقائق ... شلت الرامات الجديدة و سبت التانيين و جربت ال prime و بدون اي اخطاء !!! ... و رجعت ركبت الرامات الجداد تاني شغلت ال prime و بقالو حوالي 45 دقيقة شغال بدون اي خطأ ... و 45 دقيقة ده رقم كبير على برنامج stress قوي زي ال prime !!!

بصراحة انا مش عارف اعمل ايه ... ارجع بالكيسه للمرة الرابعة للشركة ولا ايه الحكاية اساساً .... انا كده جايب الجهاز بالضبط ب 6600 جنيه بعد الرامتين التانيين و اتعقدت بجد !!

ياريت يا شباب لو حد عنده اي حل او نصيحه او تجربة مع المكونات دي للجهاز يساعدني ...
هل مثلاً المازر بورد دي وحشه ؟؟ ... او وحشه مع الرامات دي ؟؟
او البروسيسور مش متوافق مع الرامات دي ؟؟
او مشكلة التوافق في الهارد مثلاً او في اي حاجة تانيه ؟؟

انا آسف جداً على الاطالة و لكن ده من غُلبي و الله ........

بص يا سيدي ....

الرامات معاها ضمان أن في خلال 30 يوم لو حصل أي مشكلة ممكن ترجع الرامات و تاخد فلوسك بالكامل ....

حضرتك مش هتحتاج 8 جيجا خالص لأن كدة ملهاش أي لزمة و تعتبر Overkill فرجع الرامات اللي بياظة و كفاية 4 جيجا ..

دة اقتراحي ....

يأمي لو عايز 8 جيجا يبقي أستبدل الرامات براحتك و مش لازم تاخد الجهاز ... ممكن تاخد الرامات البايظة بس ...

المشكله كلها من الرامات و 4 جيجا كافيه جدا

يا جماعة الرامات دلوقتي شغالة على اختبار prime تاني و زي الفل بقالها 30 دقيقة ....

و المشكلة مش في ان الرامات كبيرة لسببين :

1. المشكلة اتكررت اول مرة مع الرامات ال 4 جيجا في اول مرة
2. المازر بورد دي تدعم رام حتى 16 جيجا على حسب الموقع الرسمي ل asus

يا سيدي الفاضل محدش شكك في ان البورده لا تقبل 8 جيجا رامات!!

المشكله ان مافيش برامج بتستفيد باكتر من 4 جيجا تزود 4 جيجا تانيه ؟؟

ده اسمه overkill (ما بعد القتل!!) يعني بترمي فلوس وخلاص

حقك انك تبدل الرامات او تاخد فلوسك وماتشيلش الكيسه ولا حاجه

تحياتي