ان شاء الله ده اخر سؤال بخصوص كسر سرعة phenom 2 555

سرعة البروسيسور العاديه 3.2 و تكون درجة حرارة البروسيسور 44 مئويه . رفعت سرعته بواسطة معامل الضرب الى 4 و الجهاز اشتغل كويس و وصلت درجة الحراره الى 54 مئويه مع تشغيل لعبة PES 2011 و البروسيسور ثبت على كده من غير مايفصل . المشكله انى لما جيت اضغط عليه ببرنامج prime95 البروسيسور ما استحملش و الجهاز عمل ريستارت على طول من غير ما يقعد ثانيه واحده قللت سرعة البروسيسور الى 3.6 و شغلت prime95 مره تانيه الحراره وصلت الى 58 و مروحة الفانه بقى صوتها عالى جدا و بقت سرعة لفاتها فوق ال 5500 مع ان سرعتها العاديه من غير كسر سرعه 4000 لفه .
السؤال هو اكسر سرعة البروسيسور الى 4 مع تشغيل العاب فقط و مش حايكون فيه خطوره على الجهاز بصفه عامه لانه فى المنتدى قالوا ان برنامج prime اصلا بيشغل البروسيسور باقصى حمل و اصلا عمر البروسيسور ما حايوصل للحمل ده مع الالعاب و مفيش مشكله ؟ ولا افضل على السرعه العاديه من غير مخاطره ؟

و الف الف شكر لكل من ساعدنى

نسيت اقول حاجه مهمه :
1- الباور سبلاى هو التجارى اللى فى الكيسه
2- المشتت هو المشتت الاصلى للبروسيسور
فارجو الرد على هذا الاساس عشان انا معنديش نيه اغير الحاجات دى

عشان تكسر السرعة لـ 4 جيجا لازم يبقى عندك مشتت كويس
أنا أنصحك بالـكولرماستر هايبر212 بلاس بـ 220 جنيه
مش مهم أوي إنك تغير الباور التجاري اللي عندك لو كنت بتشتغل بكارت شاشة مدمج
لكن لو عندك كارت شاشة منفصل يبقى تكتب نوعه و موديله عشان نقدر نرشحلك باور يناسبه

ولو مفيش نية لتغيير الحاجات دي يبقى تكتفي بالكسر لحد 3.7 أو 3.8 آخرك .

انصحك بتحرير الانوية لهذا المعالج

اقتباس:

---

المشاركة الأصلية كتبت بواسطة mhi00002000

انصحك بتحرير الانوية لهذا المعالج

---

+1

اقتباس:

---

عشان تكسر السرعة لـ 4 جيجا لازم يبقى عندك مشتت كويس
أنا أنصحك بالـكولرماستر هايبر212 بلاس بـ 220 جنيه
مش مهم أوي إنك تغير الباور التجاري اللي عندك لو كنت بتشتغل بكارت شاشة مدمج
لكن لو عندك كارت شاشة منفصل يبقى تكتب نوعه و موديله عشان نقدر نرشحلك باور يناسبه

ولو مفيش نية لتغيير الحاجات دي يبقى تكتفي بالكسر لحد 3.7 أو 3.8 آخرك .

---

كلام سليم من اجل التاكد من ان الوضع امن