نظره سريعه على XBOX PC WIRED CONTROLLER
بسم الله الرحمن الرحيم
السلام عليكم و رحمه الله و بركاته
هذا موضوع بسيط للغايه حيث يتناول نظره سريعه على الXBOX CONTROLLER حيث انى لم أرى له أى تقرير أو مراجعه فى هذا المنتدى
فكنت أريد أن يسهل موضوعى هذا على الأعضاء التى تتمنى أن تلعب بمتحكم راقى و متردده بشأن الXBOX CONTROLLER
أحب أولاً أن أشكر أخى و صديقى THE E-EVIL على مساعدته فى شرائه حيث انه قام بكل المجهود حتى وصل الى باب بيتى
------------------------------------
سنتناول بعض الصور له كتعريف به
1- العلبه من الأمام :
https://imgur.com/ZJpNs.jpg
2- العلبه من الخلف :
https://imgur.com/nPNkd.jpg
3- العلبه من الجانب علماً بان الجانبين لا يوجد أى إختلاف بينهم
https://imgur.com/Uhg2w.jpg
4- مكونات العلبه :
https://imgur.com/zMC74.jpg
- CD التعريف الخاص بال CONTROLLER و يحذر بشده فى كل أرجاء العلبه و الMANUAL أن تبدأ بإدخاله أولاً قبل توصيل الCONTROLLER
- الMANUAL الخاص بال CONTROLLER و هو به 3لغات منهم الإنجليزيه و لا توجد العربيه بالطبع
- المتحكم نفسه و هو XBOX PC WIRED CONTROLLER
5- هذه هى التحويله أو الوصله من مدخل الXBOX الى مدخل USB و تأتى متركبه فى السلك بكل سهوله و بالطبع يمكن فصلها
https://imgur.com/MtYy2.jpg
6- نظره أخرى للتحويله بعد فصلها من وصله الUSB
https://imgur.com/Mimg1.jpg
7- نأتى هنا لوصله الUSB و نرى هنا انها كغلفه بإحكام شديد , و تجدون معها تنبيه هام وهو أنك يجب أن تضع إسطوانة التعريف قبل توصيل الUSB بالجهاز :
https://imgur.com/05lAQ.jpg
8- بعد نزع التحذير سنجد الوصله هكذا , و الغريب إنها مغلفه للمره الثانيه :
https://imgur.com/nS1RS.jpg
9- بعد نزع التغليف الأخير للوصله سنجد الUSB و الغريب انه غير مطلى بالذهب :confused:!! , حيث انى إعتقدت بعد كل هذه التغليفات أنه يكون مطلى بالماس :D
https://imgur.com/z6Dx6.jpg
10- و الأن نأتى للدراع نفسه من الأمام :
https://imgur.com/liwKC.jpg
11- الذراع من الخلف :
https://imgur.com/RCxPu.jpg
12- الذراع من أعلى :
https://imgur.com/TT2vE.jpg
13- الذراع من أسفل و سنجد به بعض المداخل حيث أنها تستخدم لتوصيل سماعات HEADPHONES ذات مدخل 2.5مم
https://imgur.com/XMYp9.jpg
14- نرى هنا جوده الANALOG حيث انها مصنوعه بطريقه جميله جداً بتجويف داخلى لعدم انزلاق الإصبع بعد التعرق
لما الصباع يكون عرقان بيتزحلق من على الANALOG
https://imgur.com/QIHyH.jpg
15- بعد توصيله بالحاسب سنجد أن العلامه التجاريه للXBOX بدأت الإناره حيث انها تدل على أن هناك متحكم واحد فقط تم توصيله بالحاسب و يوجد أربع إضاءات مختلفه تدل على ترتيب المتحكم فى يديك فى حاله تركيب أكثر من متحكم بالجهاز
https://imgur.com/rUksO.jpg
إلى هنا تنتهى الصور و سوف نبدا بالفيديوهات
---------------------------------------------------------------------------------------------------------------------
كل الفيديوهات لن تزيد عن 40 ثانيه
1- أكبر مفاجأه وجدتها أن الزرين الخلفين فى أسفل المتحكم يقع خلفهم سوسته و يوجد مراحل فى الضغط عليه و ليس ضغطه واحده
هنفهم مع بعض من هذا الفيديو :
من هنا
2- من هذا الفيديو أنا لعبت NFS: HOT- PURSUIT و طبعاً تم AUTOMATIC CONFIGURED الزر الخلفى فى الأسفل فى اليمين مخصص للACCELERATION و الزر الخلفى فى الأسفل فى الشمال مخصص للBRAKES
فهنا تستطيع أن تتحكم بكل سهوله فى مقدار السرعه و مقدار الفرامل فى العربيه , بمعنى أنه يمكنك أن تسير بسرعه 50 كيلو فى الساعه بدون مشاكل و تثبت على هذا لفتره طويله
و يمكنك أيضاً أنك فى السرعات العاليه أن تتحكم فى قوه الفرامل ان تضغط عليها بنسبه 20% أو 50% و هكذا
و سنرى هذا الكلام فى الفيديو القادم , علما بانكم تعرفون أن عندما تضغطوا على زر السرعه فى اللعبه فان العربه تنطلق بكامل قوتها و نفس الكلام مع الفرامل
فى هذا الفيديو أيضاً أن لم أضغط على الفرامل و العربه تسير انما الأضواء الخلفيه هى أضواء الإناره الليله
و أسف على الصوت العالى حيث انى لم أتمكن من خفضه فى الفيديو
تفضلوا اذا تكرمتم من هنا
و هذا فيديو أخر
بعض الملاحظات :
1- أنا سجلت المقطعين ببرنامج FRAPS و كل مقطع لا يتجاوز ال40ثانيه و كانت المساحه 1.5جيجا علماً بانى عامل الإعدادات منخفضه للغايه فى البرنامج و لكن لم أتمكن من خفض المساحه إطلاقاً
2- لماذا لا يوجد فى هذا المنتدى العريق شرح لكيفه تسجيل مقطع فيديو و إضافه شعار "عرب هاردوير" فى الفيديو حيث انى ضعيف للغايه فى هذه النقطه و مستعد للتعلم و لكنى لم أجد أى شيئ من هذا
3- لا يوجد أيضاً برنامج WINDOWS MOVIE MAKER مخصص لويندوز 7 , حيث هذا هو البرنامج الذى كنت هعتمد عليه فى تصغير المساحه و إضافه الشعار و لكنه غير موجود
لو يوجد أى شخص يقدر يساعدنى فى هذه النقطه أرجو ألا يبخل عليا بها حيث انى عانيت جداً حتى اصغر المساحه و أتمكن من رفعها لحضراتكم
-------------------------------------------------------------------------------------------------------------------
المميزات و العيوب:
- المميزات :
1- عند توصيله بالحاسب يكون AUTOMATICALLY CONFIGURED على كل الألعاب و لا حاجه لديك لتظبط كل زر نفسك و هى عمليه متعبه للغايه
2- طول السلك 3متر , بدون الوصله 290سم و طول وصله الUSB 10سم
3- تحكم رائع فى الألعاب التى تعتمد على حساسيه الANALOG ك PES
4- ازرار تتحكم فيها بقوه و ضعف و زياده و تقليل للحركه كأمثال البنزين فى لعبه NFS يمكنك أن تسير على سرعه 100 بدون مشاكل
5- ال ANALOG مجوف للداخل حتى يستطيع إستيعاب الإصبع و يمنعه من الإنزلاق خصوصاً اذا كان به بعض العرق
- العيوب :
1- بعد إستخدامه كثيراً من الصعب جداً الإعتياد أو اللعب بالمتحكمات التجاريه العاديه
2- سعره مرتفع من وجهة نظرى و كان يمكننى شراء 8 متحكمات تجاريه بثمنه
3- لا يوجد معه ضمان
----------------------------------------------------------------------------------------------------------------------
الى هنا تنتهى النظره السريعه و أنا أدرك أنه موضوع لا يهم الكثير بل أغلب الأعضاء و لكنى كنت أتمنى أن أرى موضوع مثله قبل شرائى للمتحكم و لكنى لم أجده فوودت أن أفيد على الأقل المهتمين بشرائه ولكن مترددين
منتظر تعليقاتكم و إقتراحتكم و أرجو أن ينال رضاكم و أسف ان كنت أضعت وقتكم :o
رد: نظره سريعه على XBOX PC WIRED CONTROLLER
مبروك عليك يا عم شريف
ربنا يديك خيرة ويكفيك شرة :)
اقتباس:
1- بعد إستخدامه كثيراً من الصعب جداً الإعتياد أو اللعب بالمتحكمات التجاريه العاديه
انت شايف ان دا عيب ؟؟! دا شيء عادى ومتبصلوش بينة وبين المتحكمات التجارية بصلة ان دا بين Xbox و PS3
فاللى بيتعود على دا بياخد علية و مبيحبيش التانى :)
اقتباس:
2- سعره مرتفع من وجهة نظرى و كان يمكننى شراء 8 متحكمات تجاريه بثمنه
3- لا يوجد معه ضمان
فعلا سعرة غالى جدا وخصوصا انة وصلكم اغلى من تمنة لو انت فى امريكا حوالى 100 جنية و ان شاء الله الشركة بتاعت مايكرو لابس دى تجيبة بسعر محترم وهايكون معاة ضمان :)
رد: نظره سريعه على XBOX PC WIRED CONTROLLER
الله ينور يا عزيزى ...على التقرير الروعة ...
للآسف السمعات خنقانى ..ومش عارف اديلك تقييم ..:)
بس ليك فى زمتى واحد :D
+
https://www.arabhardware.net/forum/i...g/rating_5.gif...;)
رد: نظره سريعه على XBOX PC WIRED CONTROLLER
الف مبروك الدراع و المراجعة ممتازة جدا بصراحة
الدراع ممتاز طبعا بس زي ما انت قولت سعره مرتفع
رد: نظره سريعه على XBOX PC WIRED CONTROLLER
اقتباس:
المشاركة الأصلية كتبت بواسطة EL-MARIACHY
- العيوب :
1- بعد إستخدامه كثيراً من الصعب جداً الإعتياد أو اللعب بالمتحكمات التجاريه العاديه
2- سعره مرتفع من وجهة نظرى و كان يمكننى شراء 8 متحكمات تجاريه بثمنه
3- لا يوجد معه ضمان
1- هذا ليس عيب اطلاقاً....... بالعكس انت هاتعرف اني انت قبل كده ماكنتش بتلعب...........:D كنت بتضيع وقت.
2- ان شايف اني السعر مش مرتفع..... حوالي 37 دولار من امريكا ........وهذا ليس بالسعر المرتفع اطلاقا ....بل مناسب جدا وفي المتناول.
3- موضوع الضمان بقي اختلف معاك فيه تمام الاختلاف (يعني قال في اللي فاتو كنت موافقك:D) لاني ده مش حاجة رسمية بل هو معتمد علي انك اشتريته من خارج مصر فيأتيك بدون ضمان ....انما هو في الاساس معاه ضمان عادي جدا زي اي منتج .
وشكرا لتعبك في الموضوع واتاحته ليفيد الكثير من الـ Gamers والاعضاء المهتمين في المنتدي.....
ملحوظة :
لازم تجرب ال Wireless رهييييييييييييييييييييييييييييييييييييييييييييييب فوق ما تتصور....تحس انك مستكنيص وانت بتلعب ...احساس جديد تماما عن اي دراع بسلك ....انا عندي 2 وايرليس واحد منهم دراع الاكس بوكس فور ويندوز اللي هو ببيعه في توقيعي والتاني Logitech Cordless Rumblepad 2 الاتنين اجمد من بعض....وانا كنت هاعمل تقارير مفصلة عن كل واحد فيهم .....بس الامتحانات دخلت من الشبابيك ما بقتش ع الابواب.....بس ان شاء الله انتظرو مني تقريرين مفصلين عن كل دراع فيهم في الاجازة ......
رد: نظره سريعه على XBOX PC WIRED CONTROLLER
اقتباس:
المشاركة الأصلية كتبت بواسطة EL-MARIACHY
شكرا علي الموضوع :)
وصلة جهاز ال xbox 360 هي وصله usb عادية , لا يوجد مداخل بهذا الشكل اطلاقا في الجهاز :ah32:
ربما تكون وصله لل xbox السابق
رد: نظره سريعه على XBOX PC WIRED CONTROLLER
اقتباس:
المشاركة الأصلية كتبت بواسطة Eng.MinaEdward
مبروك عليك يا عم شريف
ربنا يديك خيرة ويكفيك شرة :)
انت شايف ان دا عيب ؟؟! دا شيء عادى ومتبصلوش بينة وبين المتحكمات التجارية بصلة ان دا بين Xbox و PS3
فاللى بيتعود على دا بياخد علية و مبيحبيش التانى :)
فعلا سعرة غالى جدا وخصوصا انة وصلكم اغلى من تمنة لو انت فى امريكا حوالى 100 جنية و انشاءلله الشركة بتاعت مايكرو لابس دى تجيبة بسعر محترم وهايكون معاة ضمان :)
نعم أراه عيب من وجهة نظرى لأن فى الرودشو كلها متحكمات رخيصه و عاديه و سيئه للغايه فساعتها مش هتقدر تلعب بيه
ثانياً : أنا أذهب لألعب مع صديقى كثيراً , فبضطر انى أروح ألعب بواحد تجارى علشان مش كل شويه افك الXBOX و أروح أعرفه عند صاحبى و خايف بصراحه انه يحصله حاجه علشان مافيش ضمان
ثالثاً فعلاً أنا جبته أغلى من بره ب100ج بالظبط بس الحمد لله متعه تانيه خالص لا أستطيع وصفها
اقتباس:
المشاركة الأصلية كتبت بواسطة S@M
يكفينى مرورك أخ صام و الحمد لله ان هذا الموضع عجب حضرتك معناه انه ليس بالتافه كما توقعت
https://www.arabhardware.net/forum/i...g/rating_5.gif ده تقييم الموضوع صح !! :D
اقتباس:
المشاركة الأصلية كتبت بواسطة CoreI7-Man
1- هذا ليس عيب اطلاقاً....... بالعكس انت هاتعرف اني انت قبل كده ماكنتش بتلعب...........:D كنت بتضيع وقت.
2- ان شايف اني السعر مش مرتفع..... حوالي 37 دولار من امريكا ........وهذا ليس بالسعر المرتفع اطلاقا ....بل مناسب جدا وفي المتناول.
3- موضوع الضمان بقي اختلف معاك فيه تمام الاختلاف (يعني قال في اللي فاتو كنت موافقك:D) لاني ده مش حاجة رسمية بل هو معتمد علي انك اشتريته من خارج مصر فيأتيك بدون ضمان ....انما هو في الاساس معاه ضمان عادي جدا زي اي منتج .
وشكرا لتعبك في الموضوع واتاحته ليفيد الكثير من الـ Gamers والاعضاء المهتمين في المنتدي.....
ملحوظة :
لازم تجرب ال Wireless رهييييييييييييييييييييييييييييييييييييييييييييييب فوق ما تتصور....تحس انك مستكنيص وانت بتلعب ...احساس جديد تماما عن اي دراع بسلك ....انا عندي 2 وايرليس واحد منهم دراع الاكس بوكس فور ويندوز اللي هو ببيعه في توقيعي والتاني Logitech Cordless Rumblepad 2 الاتنين اجمد من بعض....وانا كنت هاعمل تقارير مفصلة عن كل واحد فيهم .....بس الامتحانات دخلت من الشبابيك ما بقتش ع الابواب.....بس ان شاء الله انتظرو مني تقريرين مفصلين عن كل دراع فيهم في الاجازة ......
فعلاً كما حضرتك تقول هوا إحساس تانى خالص لم أعهده من قبل , و لكن سعره عالى من وجهة نظرى يعنى بالنسبالى أخره 200ج فأكثر من هذا يعتبر غالى من وجهة نظرى و هوا ليس غلطه أخونا THE E-EVIL إطلاقاً و الا لم أكن سأشتريه و لكنه حتى يصل الى مصر يتكلف حوالى 220ج
ولكن نقطه الويرليس من وجهة نظرى انها سيئه علشان الشحن , حيث انى من الموع المحافظ للغايه و طوال الوقت اريده أن يكون مشحون و عندى فقدان ذاكره كبير و ممكن أنسى اشحنه و أجى ألعب معرفش فدى بالنسبالى شيئ سيئ انما الوايرليس ممتاز ولا غبار عليه
نورت الموضوع
اقتباس:
المشاركة الأصلية كتبت بواسطة Cobra007
الف مبروك الدراع و المراجعة ممتازة جدا بصراحة
الدراع ممتاز طبعا بس زي ما انت قولت سعره مرتفع
الله يبارك فى حضرتك , و لو انت ناوى عليه يوجد شركه قالت انها هتجيبه بسعر كويس انتظر قليلاً
اقتباس:
المشاركة الأصلية كتبت بواسطة Mezoxin
شكرا علي الموضوع :)
وصلة جهاز ال xbox 360 هي وصله usb عادية , لا يوجد مداخل بهذا الشكل اطلاقا في الجهاز :ah32:
ربما تكون وصله لل xbox السابق
العفو أخى
أنا لم اعرف ان وصله ال XBOX هى USB عادى و لكنى افترضت أن الوصله مختلفه و إلا كانوا يعملوا السلك كله USB مش لازم كانوا يعملوا وصله معينه له , هذا هو ما إعتقدته
رد: نظره سريعه على XBOX PC WIRED CONTROLLER
الف الف مبروك وربنا يباركلك فيه انا عندي واحد برده وشغال معايا تمام
رد: نظره سريعه على XBOX PC WIRED CONTROLLER
موضوع ممتاز
بس دمي اتحرق جداُ
النهاردة واحد جارنا وصل من أمريكا من عند أخويا وكان أخويا سألني من فترة ان كنت عايز حاجة وكنت فاكر أخليه يشتريلي شوية حاجات من ضمنها الوايرلس كنتروللر , بس قلتله على علبتين دواء وبعدها اتشغلت جداً فنسيت أقوله على باقي الحاجات :mad:
رد: نظره سريعه على XBOX PC WIRED CONTROLLER
الف مبروك علي XBox controller الجامد جدا :)
كدة انا مش هلعب معاك PES تاني خالص حفاظا علي كرامتي :D
ربنا يبارك لك فية ,
معلش عندي " السماعات " :(
ليك تقييم عندي.
رد: نظره سريعه على XBOX PC WIRED CONTROLLER
مبروك يا شريف وتتهنى بيه بجد من اكثر الاعضاء الى بحب اتفرج على مرجعاتهم مبروك عليك وتقرير ممتاز من مراجع ممتاز
رد: نظره سريعه على XBOX PC WIRED CONTROLLER
الف مبروك
و ميرسى على المراجعة الرائعة
بالنسبة للفيديوهات بكل تاكيد تستطيع تحميل و تسطيب Movie Maker و تشغلة على 7 عادى جدا
و كمان فى برنامج Snagit انا عندى البرنامج و جربت اسجل علية اكثر من 2 دقيقة كان حجم الفيديو لا يتعدى 30MB و ليس 1G :eek:
رد: نظره سريعه على XBOX PC WIRED CONTROLLER
شكرا ليك يا شريف علي مراجعتك الاحنرافيه والمفيده لناس كتير علشان تقدر تحكم علي الدراع قبل الشراء.مبروك عليك الدراع وانا حقيقي سعيد اني اتعاملت معاك لأنك بجد شخصية محترمة جدا.
انا ليا تعليق بسيط بخصوص السعر طبعا زي ما الأخوة قالوا في فرق حوالي 100 جنية عن سعرة بره بس للأسف في ناس كتير ما تعرفش الفرق ده سببه ايه؟الفرق ده بيتمثل في الاتي(مصاريف نقل داخل امريكا+مصاريف شحن من امريكا لمصر+جمارك+عمولة الشخص المتمم للصفقة وتخليصها من الجمارك +ربح البائع(انا:)).
اقتباس:
فعلاً كما حضرتك تقول هوا إحساس تانى خالص لم أعهده من قبل , و لكن سعره عالى من وجهة نظرى يعنى بالنسبالى أخره 200ج فأكثر من هذا يعتبر غالى من وجهة نظرى و هوا ليس غلطه أخونا THE E-EVIL إطلاقاً و الا لم أكن سأشتريه و لكنه حتى يصل الى مصر يتكلف حوالى 220ج
هو فعلا سعره بره حوالي 190 جنية ولكن فارق السعر ان وضحت سببه ايه.وللعلم هو سعره حتي يصل الي مصر أكتر من 220 ج ;) ده طبعا بالنسبة لي.
أتمني ان شركة مايكرو لابس تدخل الدراع بسعر كويس علشان عايز اشتري واحد كمان :) لأنه فعلا من المتطلبات الأساسية لأي جيمر
رد: نظره سريعه على XBOX PC WIRED CONTROLLER
حضرتم انا عندي دراع الاكسبوكس الويرلس العادي لو عايز اوصلة علي الكومبيوتر اوصلة ازاي ؟مع العلم انه ويرلس
رد: نظره سريعه على XBOX PC WIRED CONTROLLER
اقتباس:
المشاركة الأصلية كتبت بواسطة mahmoudinho
الف الف مبروك وربنا يباركلك فيه انا عندي واحد برده وشغال معايا تمام
الله يبارك فى حضرتك , و ربنا يعمرلك الدراع بتاعك :ah38:
اقتباس:
المشاركة الأصلية كتبت بواسطة ™Phantom
موضوع ممتاز
بس دمي اتحرق جداُ
النهاردة واحد جارنا وصل من أمريكا من عند أخويا وكان أخويا سألني من فترة ان كنت عايز حاجة وكنت فاكر أخليه يشتريلي شوية حاجات من ضمنها الوايرلس كنتروللر , بس قلتله على علبتين دواء وبعدها اتشغلت جداً فنسيت أقوله على باقي الحاجات :mad:
يا أخ فانتوم ألف شكر على التقييم , ولا تزعل نفسك و لا تحرق فى دمك , روق أعصابك , دلوقتى ان شاء الله شركه ميكرولابس قالت انها هتجيبه بأسعار مماثله للخارج , تخيل حضرتك إشتريته دلوقتى و دفعت ثمنه و بعد حوالى شهر لقيته نزل هنا و بنفس السعر اللى حضرتك إشتريت به بس معاه ضمان , مش كان دمك هيتحرق أكثر !!!
و لا تقلق ان شاء الله هتلاقى حد مسافرلك قريب أو راجع قريب و هيجبهولك
اقتباس:
المشاركة الأصلية كتبت بواسطة MOHAMED HIGHEND
مبروك يا شريف وتتهنى بيه بجد من اكثر الاعضاء الى بحب اتفرج على مرجعاتهم مبروك عليك وتقرير ممتاز من مراجع ممتاز
ألف شكر على الكلمات الرقيقه , و الحمد لله ان الموضوع حاز على إعجاب حضرتك :ah4:
اقتباس:
المشاركة الأصلية كتبت بواسطة Am|r
الف مبروك
و ميرسى على المراجعة الرائعة
بالنسبة للفيديوهات بكل تاكيد تستطيع تحميل و تسطيب Movie Maker و تشغلة على 7 عادى جدا
و كمان فى برنامج Snagit انا عندى البرنامج و جربت اسجل علية اكثر من 2 دقيقة كان حجم الفيديو لا يتعدى 30MB و ليس 1G :eek:
الله يبارك فى حضرتك
أولاً ألف شكر ليك لأنك أول واحد يلاحظ اللى المشكله اللى أنا كاتبها و يحاول يحلها لى
ثانياً: أنا جبت ال WMM بتاع فيستا و هوه ده اللى انا نزلته و بيشتغل كويس أوى بس لا يريد أن يسجل الفيديو على الجهاز
ثالثاً: بالنسبه لل SNAGIT هل سهل التعامل معاه ؟ و هل هو جيد و يستحق انى اجيبه نسخه كامله ؟
شكراً لحضرتك مره أخرى
اقتباس:
المشاركة الأصلية كتبت بواسطة ThE-EviL
شكرا ليك يا شريف علي مراجعتك الاحترافيه والمفيده لناس كتير علشان تقدر تحكم علي الدراع قبل الشراء.مبروك عليك الدراع وانا حقيقي سعيد اني اتعاملت معاك لأنك بجد شخصية محترمة جدا.
انا ليا تعليق بسيط بخصوص السعر طبعا زي ما الأخوة قالوا في فرق حوالي 100 جنية عن سعرة بره بس للأسف في ناس كتير ما تعرفش الفرق ده سببه ايه؟الفرق ده بيتمثل في الاتي(مصاريف نقل داخل امريكا+مصاريف شحن من امريكا لمصر+جمارك+عمولة الشخص المتمم للصفقة وتخليصها من الجمارك +ربح البائع(انا:)).
هو فعلا سعره بره حوالي 190 جنية ولكن فارق السعر ان وضحت سببه ايه.وللعلم هو سعره حتي يصل الي مصر أكتر من 220 ج ;) ده طبعا بالنسبة لي.
أتمني ان شركة مايكرو لابس تدخل الدراع بسعر كويس علشان عايز اشتري واحد كمان :) لأنه فعلا من المتطلبات الأساسية لأي جيمر
ألف شكر على الإطراء و لكن يا أخى يجب أن تعلم جيداً انى لم ألومك أو ألقى اللعبء عليك باى شكل كان إطلاقاً
انا أعلم سعره كام و أعلم أيضاً أن فرق ال100ج فى حاجات تانيه , و لم أسألك على أياً منها لأنى أثق فى حضرتك
انما ما قلته هو ان الدراع سعره غالى أساساً و ليس فى هذا أى غلطه منك
و انا لم أقل ان سعره حتى يصل 220 انما ما قصدته أنك لو واقف على باب المحل اللى هتشترى منه فهتدفع حوالى 220 فمابالك عقبال ما يسافر قارتين حتى يصل الى هذه البلد !!
ألف شكر لحضرتك مره أخرى لأنه بدونك ما كان بإمكانى أن العب به فى هذه الأوقات و ده طبعاً توفيق من عند الله أولاً و اخيراً
اقتباس:
المشاركة الأصلية كتبت بواسطة sikimiky
الف مبروك علي XBox controller الجامد جدا :)
كدة انا مش هلعب معاك PES تاني خالص حفاظا علي كرامتي :D
ربنا يبارك لك فية ,
معلش عندي " السماعات " :(
ليك تقييم عندي.
COME ON , ده أنا جايبه مخصوص علشان هذا السبب :ah51:
اقتباس:
المشاركة الأصلية كتبت بواسطة ehab7bob
حضرتم انا عندي دراع الاكسبوكس الويرلس العادي لو عايز اوصلة علي الكومبيوتر اوصلة ازاي ؟مع العلم انه ويرلس
للاسف لا أعرف أخى و لكن هنا مواضيع مثبته عن الXBOX ممكن تسال هناك هيفيدوك ان شاء الله