سؤال لاصحاب الخبره ارجو الرد لكل من لديه معلومه

السلام عليكم يا شباب انا كنت عاوز ادرس كورس MCITP ثم كورس CCNA

انا سؤالى بقى هو هل لازم الكورسات دي ادرسها فى مراكز كبيره يعنى زي الجامعه الامريكيه كده او الاكاديميه البحريه

ولا ممكن ادرسها فى اى مركز بس مش اى حاجه يعنى فيه مركز اسمه مركز نيوهورايزن او يات او كمبيوتك هى مراكز كويسه

بس هل ينفع الشهادات الكبيره دي اخدها فى مراكز زي دي ولا الشهادات دي عاوزه مراكز كبيره مع العلم انى عارف ان فيه ناس بتقول

مش مهم المكان اهم حاجه الانستركتور بس برده المكان بيفرق طبعاً انتوا ايه رأيكوا يا جماعه فى الموضوع ده وياريت الناس اللى خدت

الشهادات دي وشغاله بيها تقولينا فرقت معاهم فى الشغل من المكان اللى درسوا فيه الشهاده


اسف للأطاله عليكوا يا جماعه بس صدقونى بتفرق مع اللى لسه مخدش الشهادات دى اووى

ارجو منك اخى العزيز الدقه فى اختيار العنوان الذى يدل على المحتوى اولا
ثانيا اختيار القسم المناسب
انت تتحدث عن ال MCITP وهذه خاصه بميكروسوفت فكان الاولى ان تضع موضوعك فى قسم شهادات ميكروسوفت فسم MCTS/MCITP
سيتم نقل الموضوع الى القسم الصحيح وهناك ستجد من يرد عليك

اسمحلى ارد عليك من وجهة نظرى الى ان يأتى احد مهندسينا الكبار للتصحيح ولتوضيح الاكثر

اخى العزيز لا يفرق معك المكان أبدا فهناك مهندسين كبار حصلو على هذه الشهادات بدون اى سنترات فقط من خلال الدورات التى تتواجد هنا فى الموقع المقدمه من احسن انستراكتورز موجودين فى مصر وبفضل الله وجزاهم الله خير قاموا بشرح هذه الشهادات والكورسات ووضعوها مجانا هنا لكى تعم الفائده للجميع
اذن كل ما عليك هو انت تذاكر الماده المطلوبه وتحل عليها الامتحانات ومن بعدها تدخل الامتحان وانت مطمئن البال باذن الله

وهنا فى القسم باذن الله ستجد من يدلك اكثر منى لانى ليست لى تجارب مع شهادات ميكروسوفت
اتمنى لك التوفيق باذن الله

.. السلام عليكم ..
إنت ممكن تذاكر MCITP Enterprise Administrator مع نفسك .. و ده انا عن نفسى بعمله و حاليآ بذاكر الـ Network Infrastructure و ناوى أكمل فيها لوحدى و خصوصآ إن الكتب الخاصة بالـ Training Kit و خاصة الإصدار التانى موجودين و ديه كتب ممتازة جدآ جدآ جدآ .. و كمان فيه فيديوهات لأساتذة ممتازين .. زى محمود سرحان و الكورس بتاعه جامد جدآ جدآ .. و كمان عندك محمد أمين و شرحه رائع جدآ جدآ . و عندك المهندس مؤمن .. بصراحة الشرح بتاعهم ممتاز جدآ جدآ جدآ ..

يبقى إنت تنزل الفيديوهات و تشوف الفيديو و تروح تقرأ الشابتر بتاعه فى الـ Training KIT و بعد كده تطبق .. و ده الأحسن من وجهة نظرى ..

اقتباس:

---

المشاركة الأصلية كتبت بواسطة - IT -

.. السلام عليكم ..
إنت ممكن تذاكر MCITP Enterprise Administrator مع نفسك .. و ده انا عن نفسى بعمله و حاليآ بذاكر الـ Network Infrastructure و ناوى أكمل فيها لوحدى و خصوصآ إن الكتب الخاصة بالـ Training Kit و خاصة الإصدار التانى موجودين و ديه كتب ممتازة جدآ جدآ جدآ .. و كمان فيه فيديوهات لأساتذة ممتازين .. زى محمود سرحان و الكورس بتاعه جامد جدآ جدآ .. و كمان عندك محمد أمين و شرحه رائع جدآ جدآ . و عندك المهندس مؤمن .. بصراحة الشرح بتاعهم ممتاز جدآ جدآ جدآ ..

يبقى إنت تنزل الفيديوهات و تشوف الفيديو و تروح تقرأ الشابتر بتاعه فى الـ Training KIT و بعد كده تطبق .. و ده الأحسن من وجهة نظرى ..

---

طيب ممكن لينكات كتب training kit بتاعة r2 الاصدار الثاني بعد اذنك

لو انت من مصر ولسه مبتدتش في اي حاجه انا لو منك اخش في اي حاجه تبع web هي دي الي مطلوبه في مصر زي الرز وخاصه php الباقي مبياكلش عيش والله في البلد دي بزات بتوع الشبكات الا لو ضامن شغلانه محترمه بعد متخلص تاين شيئ متفرقش انت ختها فين لان وانت في الانتر فيو مبيسالش انت ختها فين ولا ختها اصلا هو بيسال وانت تجاوب وبعد متخلص انت وحظك !!!!!!!!!!!! والله أعلم

حضرتك اذا كنت من اصحاب العزيمة و تستطيع ان تذاكر لوحدك فعليك كما قال المهندس جمال و الأستاذ IT في أول تعليقين

فلا يوجد كلام بعدهم مع عدم اهمال ال moc

اما اذا كنت ممن لا يستطيعون او لا يصبرون على المذاكرة بأنفسهم و هم كثر فابحث عن المركز و المدرب ذو السمعة الجيدة

وبالتوفيق ان شاء الله

يا جماعه انتوا فيه حاجه مش فهمنها انا روحت سألت فى الجامعه الامريكيه اللى فى التحرير بتاريخ 5/6/2011 على كورس CCNA & MCITP

وكورس CCNA نظامه

CCNA101 :Networking for Home and Small Business
CCNA201 :Working at a Small-to-Medium Business or ISP
CCNA301 :Introducing Routing and Switching in Enterprise
CCNA401: Designing and supporting Computer Networks

تمام اللى الناس متعرفهوش ان بعد كل سميستر من دول بتعمل امتحان تبع سيسكو على طول ماشى دى اول شئ
تانى شئ اللى بيقولوا انهم ممكن يذاكروا الـ CCNA &CCNP من على الويب طب حضرتك هتتضرب ازاى على اجهزه ومش اى اجهزه لازم تكون اجهزه CISCO لان حضرتك لما بتقول انا معايا شهاده CISCO يعنى حضرتك المفروض اى جهاز سيسكو قدامك تعرف تعرفه وتشتغل عليه ودى تانى شئ
الاهم بقى وزي ما كلنا عارفين ان الكورس ده Hardware يعنى 90% من شغل عملى عملى
اخر حاجه لما دخلت فى الجامعه الامريكيه وسألت قعد مع واحد اسمه مستر رفعت وده فهمنى الفرق بين المراكز اللى بره والمراكز الكبيره زي الجامعه الامريكيه وما يماثلها بتتمثل فى ايه ان الجامعه بتعمل بعد كل سيميتر امتحان وانت شغال فى الكورس يعنى انا خلصت مثلاًً CCNA101 اول ما بخلصه بدخل امتحن الجزء بتاعه على طول تانى حاجه الاجهزه ثم الاجهزه قالى يعنى من الصعب جدأً ان تلاقى مركز بيدي الكورسات دي وتلاقيه فيه اجهزه سيسكو الاصليه وحتى لو لاقيتها مبتكنش شغاله والسبب بصيت جداً انا مثلا سألت على كورس CCNA فى مركز كمبيوتك قالى الكورس كله بـ 1380 الكورس كله ولمده شهرين فى الجامعه الامريكيه الـسميستر الواحد زي CCNA101 ده لوحده بــ 1270 جنيه يعنى الـ CCNA كلها فى الجامعه الامريكيه 5100 وبتاخد شهاده من الجامعه الامريكيه انك درست الكورس ده عندهم وخلصته وكمان بتمتحن امتحان سيسكو عندهم والشهاده بتطلع فى تانى يوم وبتستلمها و كورس MCITP نفس الكلام برده 4 سميستر و سميسترين بـ 1500 وسميسترين بـ 953 يعنى كلها بـ 5000 جنيه وفى الاخر قولتله طب نصحتلك ليا يا مستر رفعت ابتدى بأنهى كورس CCNA الاول ولا MCIPT قالى طبعاً CCNA عشان دى البدايه فى عالم احتراف الشبكات وبعد كده تاخد CCNP عشان تبقى كملت فى الهاردوير وتبقى Professional فيه قولتله طب مينفعش اخلص CCNA واخد MCITP قالى ينفع طبعاً بس الاحسن انك تكمل CCNP عشان تبقى خلصت الطريق بتاع الهاردوير يعنى ومتبقاش محدود فى الهاردوير والخلاصه التعليم عن طريق النت حلووو جداً وكويس وطبعاً موقعنا عرب هاردوير احسن موقع فيه الكلام ده بس من وجهه نظرى انا والناس الكبيره زى مستر رأفت اللى انا قعدت معاه الشهادات العملى والعالميه زي الحاجات دي لازم تبقى اماكن كويسه ويكون التدريب على الاجهزه المختصه فيها والناس المحترفه واحترامى لكل الناس واتقبل ارآء الناس سواء ايجاب او سلب ............................ وتحيااتى للجميع يا احلى موقع :ah7:

كلامك مظبوط بس مش كل الناس تقدر تدفع 5000 جنية في كورس وثانيا في سوفت وير بتغنيك عن الشغل على الهارد وير الحقيقي وبتعمل محاكاه للروتر وربنا يوفقك ويوفق الجميع

طيب مدة الدورة فى الجامعه الامريكية كام