مشكلة فى سماعة ROCCAT™ Kave – Solid 5.1 Surround Sound Gaming Headset

يا جماعة انا عندى السماعة من شهرين شغالة كويس بس حاسس ان السماعة الشمال صوتها بقى اعلى من اليمين وبدأت تخروش شوية وصوتها يوطىالسماعة اليمين فمش عارف خايف تكون فى مشكلة فى السلك وهتعمل زى السمعات ابو 30ج بعد فترة تشتغل سماعة وسماعة لاء:ah32:

المشكلة ان جايبها غالية اووووى علشان تعيش :ah8: وكان عندى امل تعيش على الاقل سنة

وهل لو ودتها الضمان يحلى المشكلة دية ولا لاء ولا هيقول سؤء استخدام.

المفروض انها سماعات غاليه وجيده الخامات وديها الضمان بس بشرط ان مايكونش حصل فيها عيب بسببك وشوف هيقولولك ايه ؟

طيب هى موقعئتش ومتكسرتش وسلوكها زى ماهى متشدتش يبقى كدة مش منى

وديها الضمان بسرعة لأن ده حقك . لأن دى سماعات غالية جدا اعتقد كان تمنها 650 جنيه تقريبا . وطالما فيه ضمان متقلقش .

مش عارف خايف يقولى عيب استخدام انا بس المشكلة لما بحرك السلك بحس بخروشة كدة ى السماعة مش عارف اعمل اية الصراحة :ah8:

اقتباس:

---

المشاركة الأصلية كتبت بواسطة nazeh000

مش عارف خايف يقولى عيب استخدام انا بس المشكلة لما بحرك السلك بحس بخروشة كدة ى السماعة مش عارف اعمل اية الصراحة :ah8:

---

حتى ولو عيب استخدام ايه اللى هيخوفك . حضرتك معاك ضمان فائدته ان لو حصل حاجة للسماعات تقدر تستفيد بالصيانة المجانية فى فترة الضمان .

وعموما وديها الضمان ومش هتخسر حاجة .

عندك حق انا جايبها من م...ها هما الناس دية كويسة طيب المشكلة ان سعات تشتغل وسعات تقف خالص خايف اوديها تشتغل عندة يفتكرنى بشتغلة

اقتباس:

---

المشاركة الأصلية كتبت بواسطة nazeh000

عندك حق انا جايبها من م...ها هما الناس دية كويسة طيب المشكلة ان سعات تشتغل وسعات تقف خالص خايف اوديها تشتغل عندة يفتكرنى بشتغلة

---

اه فاهم . هما ناس كويسة وطالما معاك فاتورة وضمان محدش يقدر يقولك حاجة . لو اشتغلت كويس عنده سيبها عنده يومين كده يجرب فيها لو فيها حاجة يعملهالك او تستبدل بواحدة جديدة .

للاسف الفاتورة مش معايا بس فاكر الشهر اللى اشترتيها مش هما بيسحلوة عندهم seril number

اه . بس لازم تكون فاكر يوم كام ؟ وشهر كام ؟ بالضبط .