إحذر 500ج غرامة التخلف عن الإنتخابات القادمه -أدخل للتأكد من قيدك بالجداول الإنتخابيه
المجلس العسكرى يصدر مرسوما بتعديل قانون تنظيم مباشرة الحقوق السياسية
وبموجب هذا التعديل فقد تقرر غرامه 500 جنيه للمتخلفين عن التصويت وعقوبات لمستخدمي الشعارات الدينية والبلطجة والرشاوي - المصدر, جريدة الشروق بتاريخ اليوم 9 اكتوبر 2011
طبعا المهم فى الخبر موضوع الغرامه 500جنيه فى حالة التخلف عن الحضور للمقيدين بالجداول الإنتخابيه
وبناء عليه (وبعيدا عن إن تصويتك فى الإنتخابات أساسا واجب وطنى و شرعا يُعتبر أمانه واجبة الأداء وبمثابة دعوه للشهاده بالحق ) فمهم جدا تعرف هل إنت أساسا مقيد بالجداول الإنتخابيه فى قسم الشرطه اللى إنت تابع له من عدمه
أدخل على الرابط التالى وأدخل رقمك القومى للتأكد من وجود إسمك بالجداول الإنتخابيه
https://www.elections2011.eg/
معذرة للإطاله يا شباب - بس فعلا الموضوع قلب بجد ومبقاش مجرد شعارات وطنيه فارغه - فعلا صوتك أمانه فأعطها لمن يستحقها
اللهم ولِى أُمورنا خيارنا ولا تولِى أُمورنا شرارنا - اللهم ولِى علينا من يُصلح أحوال البلاد والعباد - قولوا أمين
رد: إحذر 500ج غرامة التخلف عن الإنتخابات القادمه -أدخل للتأكد من قيدك بالجداول الإنتخ
طب انا ماعرفش اى حد من الناس اللى هاتنتخب نفسها اعمل اية ان شاء الله
ولا اجرى وانتخب وخلاص
رد: إحذر 500ج غرامة التخلف عن الإنتخابات القادمه -أدخل للتأكد من قيدك بالجداول الإنتخ
اقتباس:
طبعا المهم فى الخبر موضوع الغرامه 500جنيه فى حالة التخلف عن الحضور للمقيدين بالجداول الإنتخابيه
انا مش فاهم يعنى
لو لم اذهب ، سيأتوا الى منزلى ليرغمونى على دفع المخالفه ؟
و يعنى هما هيشوفوا ال85 ميلون مصرى و يعملوا كشف حضور و غياب ؟
ارجو التوضيح !
و ياريت المصدر علشان ادخل اتأكد !
و للاسف طلع رقمى مقيد :(
رد: إحذر 500ج غرامة التخلف عن الإنتخابات القادمه -أدخل للتأكد من قيدك بالجداول الإنتخ
الصوت أمانة، أمانة أمام الله تبارك وتعالى.
أمانة أمام شعب مصر، يعني 85 مليون.
أمانة أمام الأمة العربية والإسلامية، هناك تطلع ممن خارج مصر بأن تكون مصر بوابة العبور لعودة هذه الأمة.
بالنسبة للشعارات الدينية فالمعاقبة عليها هو الأفضل، لا حاجة لرفع شعارات دينية، يعني الشيخ حازم حيفتح كابيريهات؟ أكيد هو حاطط في باله تنظيف مصر منها.
وفي نفس الوقت يجب معاقبة كل من يتكلم عن تحييد الشريعة لأن هذا في حد ذاته شعار، بل وشعار كفري، فإذا كنا نتهم من يرفع الشعارات الدينية بأنهم يستغلون الدين (وهو مبني على الظن) فمن باب أولى الذين يحاربون تحكيم الشريعة، وكل من يحارب تحيكم الشريعة فصفة الإسلام قد انتفت عنه، وهذا يقينا، لأن القول بعدم وجوب تحكيم الشريعة مطلقا ردة، لذلك يجب معاقبة كل من يرفع شعارات تخالف تحيكم الشريعة.
رد: إحذر 500ج غرامة التخلف عن الإنتخابات القادمه -أدخل للتأكد من قيدك بالجداول الإنتخ
غرامه بدون عذر
ومن الافضل تشارك
الكره فى ملعبك دلوقتى ولو شايف ان مرشحين مش عاجبينك رشح نفسك ولا عيب ولا حرام مادام شايف ان انت قادر تفيد الناس وامتنعت يبقى انت مقصر
رد: إحذر 500ج غرامة التخلف عن الإنتخابات القادمه -أدخل للتأكد من قيدك بالجداول الإنتخ
اقتباس:
المشاركة الأصلية كتبت بواسطة EL-MARIACHY
انا مش فاهم يعنى
لو لم اذهب ، سيأتوا الى منزلى ليرغمونى على دفع المخالفه ؟
و يعنى هما هيشوفوا ال85 ميلون مصرى و يعملوا كشف حضور و غياب ؟
ارجو التوضيح !
و ياريت المصدر علشان ادخل اتأكد !
و للاسف طلع رقمى مقيد :(
ايه ياجدعان ده كلام يتقال برده :ah32: للاسف !!
للاسف انا مصدوم ان لسه في شباب بيفكر كده
رد: إحذر 500ج غرامة التخلف عن الإنتخابات القادمه -أدخل للتأكد من قيدك بالجداول الإنتخ
اقتباس:
المشاركة الأصلية كتبت بواسطة Mubarak
الصوت أمانة، أمانة أمام الله تبارك وتعالى.
أمانة أمام شعب مصر، يعني 85 مليون.
أمانة أمام الأمة العربية والإسلامية، هناك تطلع ممن خارج مصر بأن تكون مصر بوابة العبور لعودة هذه الأمة.
بالنسبة للشعارات الدينية فالمعاقبة عليها هو الأفضل، لا حاجة لرفع شعارات دينية، يعني الشيخ حازم حيفتح كابيريهات؟ أكيد هو حاطط في باله تنظيف مصر منها.
وفي نفس الوقت يجب معاقبة كل من يتكلم عن تحييد الشريعة لأن هذا في حد ذاته شعار، بل وشعار كفري، فإذا كنا نتهم من يرفع الشعارات الدينية بأنهم يستغلون الدين (وهو مبني على الظن) فمن باب أولى الذين يحاربون تحكيم الشريعة، وكل من يحارب تحيكم الشريعة فصفة الإسلام قد انتفت عنه، وهذا يقينا، لأن القول بعدم وجوب تحكيم الشريعة مطلقا ردة، لذلك يجب معاقبة كل من يرفع شعارات تخالف تحيكم الشريعة.
جزاك الله خيرا وفى ميزان حسناتك إن شاء الله - شرفت الموضوع بالتعليق الجاد
اقتباس:
المشاركة الأصلية كتبت بواسطة ahmedziz
طب انا ماعرفش اى حد من الناس اللى هاتنتخب نفسها اعمل اية ان شاء الله
ولا اجرى وانتخب وخلاص
اخى الكريم ا/ أحمد
كلامك منطقى طبعا لكن ضع فى حسبانك إن لسه باب الترشح للإنتخابات مفتوح قريب وبالتالى لم يقم بعد أى من المرشحين للبرلمان بعمل الدعايه اللازمه - فلا تقلق مسألة وقت وتصبح اسماء المرشحين فى كل دائره ملىء السمع والبصر
لكن يا بطل مسئوليتك تبدأ بعد معرفة المرشحين وتتركز فى البحث عن خلفية المرشحين وإختيار اللى يناسب طموحاتك لهذا البلد (النت وخصوصا الفيسبوك والمنتديات الجاده -زى القسم العام هنا مثلا- والبرامج الحواريه على التلفزيون من افضل مصادر المعلومات عن المرشحين)
وبمجرد ان تحسم رأيك على إسم المرشح المناسب سيكون إلزام على حضرتك إنك تقوم بدورك الوطنى تجاه حبيبة القلب المحروسه التى طالما ظلمناها بسلبيتنا تجاهها
اقتباس:
المشاركة الأصلية كتبت بواسطة EL-MARIACHY
............
و ياريت المصدر علشان ادخل اتأكد !
و للاسف طلع رقمى مقيد :(
اخى الكريم ا/ شريف (صححنى لو غلطان فى الإسم)
المصدر مكتوب فى الخبر , لكن معك العذر يمكن علشان ببونط صغير فلم تراه
عموما مصدر آخر هو اليوم السابع والأهرام على الرابط التالى لمن يحب الإطلاع عليه وعلى فكره الخبر قديم من 13 سبتمبر لكن الشروق أعادت نشره أمس
https://www.youm7.com/News.asp?NewsID=491748
ولا تأسف على قيد رقمك القومى لأن ده وفر عليك مشوار مخصوص لقسم الشرطه التابع له محل سكنك للتقييد بالجداول الإنتخابيه , أصل اليومين الجايين هنحتاج الجداول كثير ولسه الأهم فى الطريق إن شاء الله ;)
رد: إحذر 500ج غرامة التخلف عن الإنتخابات القادمه -أدخل للتأكد من قيدك بالجداول الإنتخ
متى تبدأ الانتخابات؟
وانا أعرف رقمي مقيد أزاي؟
رد: إحذر 500ج غرامة التخلف عن الإنتخابات القادمه -أدخل للتأكد من قيدك بالجداول الإنتخ
تم التأكد من وجودى فى الجدول الانتخابى . ونفسى الاقى حد كويس يكون مرشح نفسه لخدمة المكان الذى انتمى له .
ولكن للأسف انا غير متفائل على الاطلاق لأن كل الناس عارفه اللى بيحصل فى الصعيد وتوزيع السكر والشاى مقابل شراء الاصوات !!!
والناس اللى بتدى وعود عشان تفوز وأول لما تفوز تلاقى الوعود كلها راحت ولم يتحقق شئ . بالأضافة الى جهل الناس نفسها حيث
توجد اسماء معينه مشهورة فى الدائرة يتم الانتخاب بينها على اساس الشهرة والاسم فقط وليس على اساس اهداف نتمنى تحقيقها
فلو ظهر اى شاب من الثوار للترشيح بالتأكيد لن ينجح بسبب تلك العقلية التى تأثرت ب 30 عام من الفساد والرشاوى وتعودت على ذلك
وأصبح ذلك هو جزء من حياتهم الاساسية وسوف لن يتغير ذلك الا بعد سنوات ليس الان .
رد: إحذر 500ج غرامة التخلف عن الإنتخابات القادمه -أدخل للتأكد من قيدك بالجداول الإنتخ
اقتباس:
المشاركة الأصلية كتبت بواسطة Mubarak
متى تبدأ الانتخابات؟
وانا أعرف رقمي مقيد أزاي؟
الشهر الجاي وهتبقي علي 3 مراحل
وتخش عليالموقع ده https://www.elections2011.eg/
تحط رقم القومي والمركز التابع له والمحافظه وهيظهرانته مقيد ولي لا
وهتبقي ثلثين قوائم وثلث فردي وهتتقسم المحافظات اجزاء يعني لو المحافظه فيها 10 دوائر هتبقي 6 قوائم و4 فردي وهكذا
رد: إحذر 500ج غرامة التخلف عن الإنتخابات القادمه -أدخل للتأكد من قيدك بالجداول الإنتخ
اقتباس:
المشاركة الأصلية كتبت بواسطة hack4love
ايه ياجدعان ده كلام يتقال برده :ah32: للاسف !!
للاسف انا مصدوم ان لسه في شباب بيفكر كده
انا لا اعرف ما الذى تطنه فى ، و لا كيف يكون تفكيرى من وجهة نظرك تجاه هذا الأمر و لكن ثقّ انه ليس كما تعتقد :)
اقتباس:
المشاركة الأصلية كتبت بواسطة bdr33733
اخى الكريم ا/ شريف (صححنى لو غلطان فى الإسم)
المصدر مكتوب فى الخبر , لكن معك العذر يمكن علشان ببونط صغير فلم تراه
عموما مصدر آخر هو اليوم السابع والأهرام على الرابط التالى لمن يحب الإطلاع عليه وعلى فكره الخبر قديم من 13 سبتمبر لكن الشروق أعادت نشره أمس
https://www.youm7.com/News.asp?NewsID=491748
ولا تأسف على قيد رقمك القومى لأن ده وفر عليك مشوار مخصوص لقسم الشرطه التابع له محل سكنك للتقييد بالجداول الإنتخابيه , أصل اليومين الجايين هنحتاج الجداول كثير ولسه الأهم فى الطريق إن شاء الله ;)
الإسم مظبوط :D
فعلاً انت كنت كاتب المصدر و لكنى لم اراه
اسف !
اقتباس:
الغرامة على من يتخلف عن الإدلاء بصوته فى الانتخابات أو الاستفتاء برفع الحد الأقصى منه إلى خمسمائة جنيه؛ وقال إن ذلك سينطبق على كل من كان اسمه مقيدا بقاعدة بيانات الناخبين وتخلف بغير عذر عن الإدلاء بصوته فى الانتخابات أو الاستفتاء
ما هى الأعذار المتاحه لتقديمها ؟
و لماذا لم يجبنى احد ؟ كيف سيجعلونى ادفع ال500ج ؟
هل هيكون فى تصويت من على الإنترنت ام لازم ننزل و نقف فى طوابير !
رد: إحذر 500ج غرامة التخلف عن الإنتخابات القادمه -أدخل للتأكد من قيدك بالجداول الإنتخ
اقتباس:
المشاركة الأصلية كتبت بواسطة EL-MARIACHY
...........
الإسم مظبوط :D
فعلاً انت كنت كاتب المصدر و لكنى لم اراه
اسف !
ما هى الأعذار المتاحه لتقديمها ؟
و لماذا لم يجبنى احد ؟ كيف سيجعلونى ادفع ال500ج ؟
هل هيكون فى تصويت من على الإنترنت ام لازم ننزل و نقف فى طوابير !
يا باشا بدون أسف ولا حاجه فلا مجال للإعتذار بين الأخوه ا/ شريف
بالنسبه للأعذار , أكيد هيكون مثل السفر للخارج بموجب التأشيرات على جواز السفر
أما هتسدد إزاى فده أمر غير معلوم الكيفيه حتى الأن ولكن الطرق كتير لو كانوا ناويين فعلا يحصلوها
موضوع التصويت الإلكترونى يتم دراسته حاليا لكن لم يتم أخذ قرار به بعد
وبعدين إن شاء الله (حسب التصريحات ) هيكون فيه مده كافيه للتصويت (يعنى أكتر من يوم) لتجنب الإزدحام اللى حصل فى الإستفتاء السايق
نورت الموضوع يا مارياشى :)
رد: إحذر 500ج غرامة التخلف عن الإنتخابات القادمه -أدخل للتأكد من قيدك بالجداول الإنتخ
شكرا على الخبر انا كدا كدا كنت سادلي بصوتي في الانتخابات من غرامة :D
اقتباس:
المشاركة الأصلية كتبت بواسطة EL-MARIACHY
هل هيكون فى تصويت من على الإنترنت ام لازم ننزل و نقف فى طوابير !
للاسف لن يتم تطبيق التصويت عبر الانترنت ، او لاكن دقيقا ( مازالوا يبحثون فاعلية الموضوع ومدى تأمين سرية البيانات ) ومع احترامي للجميع فان تأمين البيانات بهذه الخطورة التي يمكن ان تحدد مصير امة هو فعلا امر مهم ، ولكن ليس بالمستحيل او ليس بالمعضلة التي يقف امامهما خبراء امن المعلومات في مصر عاجزيين عند توفير حل عملي وسريع ، فان كانوا ينتظرون ان تأمن هذه المعلومات بنسبة 100% فهم يحلمون فلا يوجد نظام كامل وكل نظام به ثغرات .... ولكن يوجد نظام يقف وراءه فريق عمل دئوب يسد الثغرات ويجدد في البروتكوللات :comp21:
رد: إحذر 500ج غرامة التخلف عن الإنتخابات القادمه -أدخل للتأكد من قيدك بالجداول الإنتخ
اقتباس:
المشاركة الأصلية كتبت بواسطة hack4love
الشهر الجاي وهتبقي علي 3 مراحل
وتخش عليالموقع ده
https://www.elections2011.eg/
تحط رقم القومي والمركز التابع له والمحافظه وهيظهرانته مقيد ولي لا
وهتبقي ثلثين قوائم وثلث فردي وهتتقسم المحافظات اجزاء يعني لو المحافظه فيها 10 دوائر هتبقي 6 قوائم و4 فردي وهكذا
بس انا ما عنديش رقم قومي، انا من الامارات، بس بحب المصريين، مش ممكن أصوت؟
رد: إحذر 500ج غرامة التخلف عن الإنتخابات القادمه -أدخل للتأكد من قيدك بالجداول الإنتخ
اقتباس:
المشاركة الأصلية كتبت بواسطة Mubarak
بس انا ما عنديش رقم قومي، انا من الامارات، بس بحب المصريين، مش ممكن أصوت؟
:D:D انا برضه إستغربت سؤال حضرتك عن موعد الإنتخابات وكيفية التأكد من قيد الجداول وبعدين قلت يمكن جنسيه مزدوجه :D
لكن أقولك الحق , واحد والله ويمكن نعيش لما نشوف الإتحاد العربى على نموذج الإتحاد الأوروبى .
خالص التحيه لأشقائنا فى كل الدول العربيه وخصوصا الإمارات الواجهة الحضاريه المشرفه لكل العرب