محتاج مساعدة في شراء لاب - مصر
السلام عليكم ورحمة الله وبركاته
أنا من مصر وبالتحديد من المنصورة وبفكر اشتري لاب الفترة دي ان شاء الله.
أنا سألت في المنصورة وشفت موديلات وعجبني اتنين أو ثلاثة منهم بس انا بفكر أشتري من القاهرة أو اسكندرية خصوصا ان الموديلات هتبقى أكتر .
فياريت حد يقولي أماكن تكون مشهورة ومضمونة أشتري منهم في القاهرة أو اسكندرية ويايرت يحط رقم تليفونات ويحدد المكان بالظبط لأني معرفش قوي فيهم من الأخر :D
وكمان فكرت في الشراء من على الانترنت بس لسه خايف من الخطوة دي وكمان مش عارف اعمل ايه فاذا كان حد جربها ياربت يقولي .
الحاجة التانية بالنسبة للماركات
هو مش فارق معايا قوي بس حاجة للزمن عشان الضمان , ايه الماركات اللي ليها مراكز خدمة في مصر والماركات اللي عبارة عن مستورد بس , وايه نظام الضمان فيهم؟
بالنسبة لنسخة الفيستا اللي باخدها مع اللاب , أنا سمعت ان في شركات ممكن تديني اللاب من غير الاسطوانة , وفي الحقيقة أنا مش محتاجها أصلا فهلي ممكن حاجة زي دي تتعمل فعلا , لأني لما سألت في المنصورة مرضوش !!
كمان خدمة
هل في مواقع بتقدم خدمة مقارنات بالنسبة للموديلات المختلفة زي مواقع الموبيلات كده , لو كان في ياريت تدلوني !!
بارك الله فيكم
رد: محتاج مساعدة في شراء لاب - مصر
يا اخي الكريم :
انزل المول في شارع جامعة الدول العربية اسمه كمبيوسيتي مول فوق سوبر ماركت مترو الدور الثاني او الثالث محل اسمه الشرق الاقصي . ناس محترمين جدا و عندهم مختلف الاشكال و الانواع .
ربنا يوفقك
رد: محتاج مساعدة في شراء لاب - مصر
بارك الله فيك .
طيب بعد إذنك لو تعرف تجيبلي رقم التليفون بتاع الشركة أو ايميلهم أتواصل معاهم قبل ما اروح واعرف عندهم ايه الأول ,
لأن انت عارف مش لسه هنزل والف واختار , انا هروح على مكان ابقى عارف ان اللي انا عايزة موجود ان شاء الله بدل ما اروح على الفاضي ..
شكرا :)
رد: محتاج مساعدة في شراء لاب - مصر
طيب بالنسبة لباقي الاستفسارات متقدرش تفيدني ؟
رد: محتاج مساعدة في شراء لاب - مصر
النسخه الاصليه لو نازله مع الجهاز مش شرط تكون على اسطوانة
بتكون متسطبة عليه
ومعمول ليها ريكوفري برضو على الهارد
ممكن تشيله على dvd
رد: محتاج مساعدة في شراء لاب - مصر
شكرا يا دكتور حسام
بس انا مش عايزها اصلا ,,, فهل لو ما أخدتهاش هيزل في السعر ولا مش هيرضوا أصلا ؟
رد: محتاج مساعدة في شراء لاب - مصر
لأ هي النسخة بتنزل مع الجهاز كدة كدة فحتشتريها إجباري
زائد ايه ميزانية حضرتك و استخدامك ؟
رد: محتاج مساعدة في شراء لاب - مصر
واضح أن دا مطلب شعبي :D
طيب بالنسبة للويندوز مش مشكلة , عوضنا على الله وخلاص :(
بالنسبة لاستخداماتي انا بشتغل شغل متوسط مش عالي قوي يعني على قد النظام وتصفح النت وشوية البرمجة على virtualization و شوية جرافيك بس على خفيف مش تقيل قوي.
والميزانية في حدود 4000 الي 4500 , وممكن أهزها ل 5 بس لو حاجة تستاهل :D
شكرا لاهتمامك يا فندم :)
رد: محتاج مساعدة في شراء لاب - مصر
رد: محتاج مساعدة في شراء لاب - مصر
امممم
هو جميل جدا الصراحة
بس أنا نسيت أقول ان الافضليه عندي لل AMD لو أمكن !
وكمان حضرتك الموقع ممكن يبعتلي اللاب للمنصورة لو اشتريته اونلاين ؟
رد: محتاج مساعدة في شراء لاب - مصر
في اسكندرية ارشح لك كارفور
او خد معاك واحد اسكندرني فاهم الاسعار و روح مول الكومبيوتر في سموحة
HP . LEVANVO , DELL
وبالتوفيق ان شاء الله
رد: محتاج مساعدة في شراء لاب - مصر
شكرا wobooo لاهتمامك :)
ان شاء الله هحاول :)
رد: محتاج مساعدة في شراء لاب - مصر
أنا عاوز أبيع الجهاز بتاعى وحالته ممتازة جداً
إمكانيته هى:
Manufacturer's Description
Model: DV9702EA
Genuine Windows Vista® Home Premium 32-bit
[LIST][*]AMD Turion™ 64 X2 Mobile Technology TL-60
[*]2048 MB (2 × 1024 MB)
[*]120 GB SATA Hard Disk Drive 5400 rpm
[*]17" WXGA+ High Definition BrightView Widescreen
<LI class=truncatable _counted="undefined">NVIDIA® GeForce™ 8400M GS
<LI class=truncatable _counted="undefined">Up to 1023 MB Total Available Graphics Memory
with 256 MB dedicated
<LI class=truncatable _counted="undefined">IEEE 1394 FireWire® Interface
<LI class=truncatable _counted="undefined">Lightscribe Super Multi DVD Writer (+/-R +/-RW) with
Double Layer support
<LI class=truncatable _counted="undefined">802.11b/g WLAN
<LI class=truncatable _counted="undefined">HP Mobile Remote Control
<LI class=truncatable _counted="undefined">HP Pavilion WebCam with Integrated Microphone
[*]5-in-1 integrated Digital Media Reader for Secure
Digital cards, MultiMedia cards, Memory Stick,
Memory Stick Pro, or xD Picture cards
[/LIST]تقييمات الجهاز فى موقع عالمى
للتواصل على الخاص
رد: محتاج مساعدة في شراء لاب - مصر
اقتباس:
المشاركة الأصلية كتبت بواسطة T3V4
امممم
هو جميل جدا الصراحة
بس أنا نسيت أقول ان الافضليه عندي لل AMD لو أمكن !
وكمان حضرتك الموقع ممكن يبعتلي اللاب للمنصورة لو اشتريته اونلاين ؟
الأفضلية لل-core2duo بالنسبة لأجهزة المحمول كى أداء و حرارة و إستهلاك طاقة ، بالنسبة للموقع أنا متعاملتش معاه قبل كدة بس بيديك فكرة عن اللاسعار بشكل عام
رد: محتاج مساعدة في شراء لاب - مصر
@hany_bendary
صعب جدا اشتري مستعمل :(
شكرا لعرض حضرتك :)