السيبكس و knowledgenent

السلام عليكم جميعا ندخل في الموضوع علطول أنا مصري عايش في السعودية ومعنديش نت في البيت وبروح مقهي نت عشان أنزل و أتابع أخبار ال CCNA من عرب هاردوير الكلام دا أنا بئولو عشان معنديش وقت كتير ع النت و سمعت الأستاز العبقري ويعني ألي أنا حبيتو م/ ياسر وكان بيئول أن السيبكس كتاب صعب في الأنجلش و ال knowledgment كتاب سهل و هوا بينصح بيه طيب....
دخلت أجيب كتاب ال knowledgment من النت لئيت بسم الله ماشاء الله 968465435465 لنك ليه وأنا يعني شرحتلكم حالتي ....لا مش عايز فلوس ولا حد يلملي بس عايز كتاب ال knowledgment لوحه كتابة يعني من غير كل الحجات التانية دي .ولكم جزيل الشكر والله وكل الأحترام لل م/ ياسر علي ccna و م/ لومارك علي الدينامكس .

في بئا حتا كدة وئفة في زوري ولازم أشرحلكو أعرف بنفسي الأول أنا محمود صلاح خريج حاسبات ومعلومات سنة 2006 يعني لسة بلعب في دور الناشئين ودراستي كانت بالأنجليزي وكمان خت 7 مستويات في المعهد البريطاني ويا ما عدا عليه كتب في البرمجة ومراجع كله أنجلش وأتخرجت وجبت جيد // أنا مبحكيش قصة حياتي بس ألي عايز أوصلو من كل دا أن كتاب سيبكس دا لو صح اللفظ كتاب بيستهبل لدرجة مبالغ فيها جدا أنا ياما أريت كتب وبعض الأجزاء في مراجع والله والله والله أني مشفتش ألفاظ بالشكل دا زي مهيا في كتاب السيبكس دا جايب أنجليزي من المريخ وبيتعمد أختيار الألفاظ المستحدثة فيالأنجليزية الأمريكية وولعه بأستخدام الأكسبرشن بطريقة مستفزة جدا جدا ويعني منتهي ال ..... أنا كخريج حاسبات ومعلومات و معهد بريطاني الكتاب صعب بعض الشئ علية وصحبي ألي معايا كمان خريج هندسة حاسب بيقول دا كتاب يتلف فيه سندوتشات فول...بس الكتاب ميزتة برده في حاجة أن معلومته كاملة وأبئة أبلني لو فهمته وكمان أسئلتو حلو وأبئه أبلني لو حلتها لأنك أصلا من فاهم كويس كل حاجة و محتاج كل 7 أو 8 سطور أنك تستخدم قاموس
لأني أجزملك أنك حتلائي كلمة مش عارفها أو من الكلامات ألي بنسميها مالتي يوس ودي عشان تفهمها لازم تكون متمرس في الأنجليزيه وأسف علي الأطالة بس تعليق أخير علي كتاب السيبكس دا أنا عايز أعرف مين سالي دي ألي أرفانة بمشكلها طول الكتاب مهي ياتنتحر ياتروح تتعلم كمبيوتر وتريحنا وشكرا ليكم وأرجو توفير كتاب knowledgment بأسرع وقت لو تكرمتم وشكرا مره تانية للمجهود بتاع م/ياسر في شرحة وأسلوبه الواقعي وعجبتي الحلئتين بتوع مدخلك لل CCNA او ال CISCO و م/ لومارك علي الدينامكس و الله ولي التوفيق