محتاج توضيحات فى هرد 640 ساتا

السلام عليكوا أنا أولاً مليش فى الهارد ويير اوى بس انا من يومين تقريبا طلبت واحد يشترلى هارد 640 جيجا من مول فى الدقى المهم لما راح يشتريه أتصل بيه قلى ده بكذا مش مشكلة الفلوس انما قلى ان الهارد ال640 جيجا لما تقسمة ليه طريقة غير بقيت الهاردات الأقل منه ومكتوب طريقة تقسيمة الهارد عليه بالأنجليزى على الهارد من فوق قلتله مفيش مشاكل فالصراحة انا شاكك يكون أشترالى هارد مستعمل وكان فيه مشكلة انا مش شكاك للدرجة دى بس أنا قلت أخش على الموقع هنا وأعمل موضوع عن الحكاية دى وأتأكد ان كان الحكاية دى موجودة فى هاردات 640 جيجا ولا لا ولو هى موجودة فعلاً ياريت اللى يعرف كيفية تقسيم الهارد من داخل الويندوز ده لو الهارد فعلاً ليه طريقة تانية فى التقسيم يارب تكونوا فهمتونى .

أيه يا جماعة الناس اللى عملت مواضيع بعديه أترد عليها وانا مفيش ولا رد خالص حتى عبرونى فكلمة

أنا عندي هاردين 640 جيجا(WD Black )وما فيهم اي اختلاف في التقسيم عن البقية
أو ربما اني ما فهمت سؤالك !

أنا لما كلمنى اللى بعتله انه يجبلى هارد قلى الهارد 640 ليه تقسيمة معينه انا مش فاهم يعنى ايه بس قلى متعملشى تقسية بنفسك

اقتباس:

---

المشاركة الأصلية كتبت بواسطة sayidmousa

أنا لما كلمنى اللى بعتله انه يجبلى هارد قلى الهارد 640 ليه تقسيمة معينه انا مش فاهم يعنى ايه بس قلى متعملشى تقسية بنفسك

---

انا لم اسمع في حياتي عن ان شركة تضع لك طريقة لكيفية تقسيم الهارد , طبعا لا يوجد مثل هذا الكلام , الهارد يا عزيزي انت تقسمه براحتك و على حسب احتياجاتك و تحدد بارتشنات على حسب عملك

منا فاهم ان انا اقسمه زى ما ان عايز هى مش مشكلة لا هو بيقول انك لازم وصلت الجامبر وكدا يعنى انا ماليش فى الهاردوير اوى بس اللى فكرة قلى غير مكان الجامبر من كذا لكذا فين بالظبط مش فاكر بس بيقولى عشان تقسمة تغير وصلة الجامبر

يا جماعة حد يوضحلى أكتر

أخي بارك الله فيك هذه أول مرة أسمع عن هارد شركة التصنيع تكتب عليه طريقة التقسيم ثم لماذا لا تشتري لنفسك ما تريد أو على الأقل تذهب مع من له خبرة في هذا الشأن وترى أكثر من نوع وهل ما ذكره صاحبك صحيح أم لا وتقطع الشك باليقين
اعذرني على صراحتي

لا جمابر مع الساتا أخي ..توكل على الله وللإطمئنان أكثر احرص على الفاتورة والكفالة .

خلاص انا اشتريته خلاص ومكتوب اوصل الجامبر فين لما اقسمه ومعايا الفاتورة بتاعت الضمان

اقتباس:

---

المشاركة الأصلية كتبت بواسطة sayidmousa

خلاص انا اشتريته خلاص ومكتوب اوصل الجامبر فين لما اقسمه ومعايا الفاتورة بتاعت الضمان

---

جمبر ايه ؟؟؟؟؟؟
انا عندى نفس الهارد
ومفيش الحوارات دى !!!!!:)

ضبط الجمابر لهاردات IDE القديمة فقط أخوي .

اقتباس:

---

المشاركة الأصلية كتبت بواسطة Extreme2

لا جمابر مع الساتا أخي ..توكل على الله وللإطمئنان أكثر احرص على الفاتورة والكفالة .

---

هي دي الخلاصة
فيما عدا حالة واحدة انك تسطب ويندوز اكس بي على هردات التيرا الويسترن الخضراء الـ64 ميجا كاش
غير كده الساتا ملهاش جنابر

اخي انت الهارد الي اشتريته جاء في علبة و لا فقط في غلاف بلاستيكي ؟