ازاى تقضى يومك فى الجامعة

تبتدي الرخامة


فى الكلية هتقابل صاحبك وهتقعدوا على أى كافيه بقى


هيجى الجارسون سيب صحبك يطلب الأول وبعدين استلم الجارسون بقى واديله نصيبه
قوله عندك برجر ؟ هيقولك اه
قوله حلو ؟ هيقولك تمام
قوله اوك يبقى اكتب واحد شاورمة
طب عندك كبده ؟ هيقولك ايوة قوله معمولة ازاى ؟


سيبه يرغى شوية وقوله انا اصلا مبحبش الكبدة فكك
حاول تطلب حاجات غريبة زى سندوتشات حلاوة طحينية على اساس انك فى سجن أبو زعبل
أو سندوتشات بيض أو بتنجان أو لبن العصفور أمسك فى الحاجات اللى مش موجودة كلها
المهم حاول تجيبله جفاف عقبال ماتطلب اللى انت عايزه




وأنت بتاكل بقى أتسلى على المخلل اللى مش عاجبك أرمى شوية على التربيزة وشوية على الأرض أنت وذوقك بقى
لو معاك كاتشب مفيش مانع تكتب أول حرف من اسمك على التربيزة ترسم قلب عادى يعنى المهم تخليله التربيزة شبه التورتة
ومتنساش تعيب على الأكل وأنت بتحاسب وكمان تقول الحساب غالى




فى المدرج أرشق نفسك بين أتنين متعرفهمش وابتدى الشغل بقى أتعامل على إنك صاحبهم من قرن
يضحكوا على حاجة اضحك معاهم كده يعنى المهم تركز معاهم كأنك من بقيت أهلهم ولا خلفوك ونسوك
أو طريقة تانية أتلكك لكل اللى جنبك كل ماحد ينطق كلمة قوله لو سمحت أسكت عشان أفهم


لو مسكتش أنا هقول للدكتور والحركة دى رذلة ومستفزة جدا بس اشطه يعنى
وياسلام لو واحد وواحدة يبقى أنت كده جبت من الآخر


لو جنبك واحد بيكتب يبقى اتفتحتلك طاقة القدر اقعد اسأله وعطله ومتخليهوش يكتب سطرين على بعض


استلم أى حد واسأله المحاضرة هتخلص امتى ؟ وكل فيمتو ثانية كده اسأله الساعة كام اصل أنا زهقت


طبعا هو اللى زهق وطهق من الكلية وبيقول ياريتنى ماكملت تعليم وكره حياته كلها زى باقى الضحايا




عايز تعمل دماغ حلوة روح على شباك شئون الطلبة المهم حاول تعمل أهبل وأنت داخل وعايز تقف أول واحد


هيرجعوك ورا تحاول تقف مكان أى حد وترذل على كله هما أصلا بيبقوا واقفين مش طايقين نفسهم


لو واقف تانى واحد كده مفيش مانع تزق اللى قدامك تلبسه فى الشباك الحديد وتقول الله ياجماعة ياللى ورا متزقوش


ومن قبل ماينطق ولا كلمة تقعد تقوله خلص يالا عشان غيرك ومتخليهوش يركز مع بتاع شئون الطلبة خالص
لما يجى دورك بقى بيبقوا عايزين يخلصوك ويكروتوك واللى واقفين وراك فى الطابور مستنينك تغور فى داهية بفارغ الصبر
خد وقتك كأنك بتحجز فى سينما و اسأل أسئلة كتير وكل مايقولك حاجة قوله مش فاهم معلش قول تانى فهمنى أعمل أيه بالظبط لحد ماتشل أكبر عدد ممكن


وبكده يبقى أنت مارست هوايتك وقضيت يوم رذل يا معلم:D;)

لو عجبكم الموضوع ابقوا قيمونى:D

بجد تحفه المفروض يكون أسمه كيف تكون رذل بس على فكره أخره الموضوع ده مش ضحك بس ;)
تم التقييم

اقتباس:

---

المشاركة الأصلية كتبت بواسطة vmidov

تم التقييم

---

مشكور اخى على التقييم و اتمنى ان تكون استمتعت بالموضوع

حلوووة بس اتحدى بعد كل ه الحركات تطلع منها سليمة ,, يعني ممكن عكازين او كرسي متحرك و ممكن ايضا نقالة انت و همتك بالرذالة بقى ;)

ههههههههههههههه .. جميل جدااا :D

أستااااااااااذ:D

ماهو الرخم في ارخم منه و القوي في الآقوي منه
و انت و حظك لو في كلية فرافير دوس و لا يهمك و رخم علي خلق الله من صغيرهم لكبيرهم :D:D
بس لو في كلية حقوق و لا تجارة امشي و قول يا حيطة داريني :rolleyes:

انت متأكد انى بعد ما هعمل كل ده هروح بيتنا سليم من غير أى إصابات؟! :ah36::ah20:

بجد موضوع جامد جداً :D

اقتباس:

---

المشاركة الأصلية كتبت بواسطة Ramez_Zordon

انت متأكد انى بعد ما هعمل كل ده هروح بيتنا سليم من غير أى إصابات؟! :ah36::ah20:

بجد موضوع جامد جداً :D

---

يا باشا هاتروح عادى جدا و محدش هايقدر يقولك تلت التلاتة كام

لاتنسوا تقييمى

هههههههههههههههههههه
ده الواحد تاني يوم هيلاقي نفسه في كل اللي يشوفه يجري وراي عايز يضربني حتي البنات

تم التقييم يا باشا

طيب بقه كل همك التقييم

طب والله ما هاقيمك بس

حرام عليك الناس جالها شلل رعاش

ده انا ايام الجامعة كنت بتشل من الغباء يطلع في الاخير الغباء مقصود يا عبد المقصود

مااااااااااااااااشي

لك مني كامل الاحترام والتقدير