مشكلة في الجهاز - لا يعمل !!
السلام عليكم ورحمة الله وبركاته
اليوم كنت اريد تشغيل هارد قديم يعمل بكابل IDE علي جهازي لكنه يعمل بوصلات Sata
احضرت كابل لتوصيل الهارد عبر مخرج الـUSB في الجهاز لكن بعد ماوصلت كابل الداتا والباور تفاجئت بانطفاء الشاشة تماما وصدور اصوات غريبة من الكيسة !!
فصلت الكهرباء فوراً وفصلت الهارد لكن عند تشغل الجهاز لا يوجد اي استجابة !!
كلما اضغط علي زر التشغيل الجهاز لا يعمل مع ان الكهرباء واصلة له
جربت باور صبلاي قديم ونفس المشكلة تحدث , فكيت البروسيسور وتاكد انه سليم الحمد لله
ياريت لو حد يعرف العيب ممكن يكون منين او حل للمشكلة دي ضروري ...
رد: مشكلة في الجهاز - لا يعمل !!
غير البطارية
وشوف الjumper الموجود جنب البطارية
وشوف كيبلات الswitch
:ah24:
رد: مشكلة في الجهاز - لا يعمل !!
لا يوجد جامبر بجانب البطارية !!
ومع ذلك كان الجهاز يعمل
سأحاول تغيير البطارية في اقرب وقت ان شاء الله
رد: مشكلة في الجهاز - لا يعمل !!
طب حاول تجرب هارد تانى خالص .. يمكن المشكلة فى الهارد الى عندك
رد: مشكلة في الجهاز - لا يعمل !!
لا يا جوليانو , المشكلة مش في الهارد
انا فاصل الهارد خالص , المشكلة اني لما بشغل الجهاز مش بيستجيب نهائياًَ , مروحة البروسيسور وكارت الشاشة مش بيشتغلوا
ولا اي حاجة !!
رد: مشكلة في الجهاز - لا يعمل !!
جرب افصل كل كابلات الشاشه والباور وحتى المشترك اذا كنت موصله
وسيبه حوالي ربع ساعه كده ممكن يكون في شحنه زياده
وان شاء الله يشتغل
رد: مشكلة في الجهاز - لا يعمل !!
سبته من امبارح وفاصل كل حاجة ما عدا كابل الباور , جربت انهاردة ونفس المشكلة :(
رد: مشكلة في الجهاز - لا يعمل !!
طب شوف كده المكثفات الى جمب سوكت المعالج وشوفها منتفخة من فوق ولا لأ !!
هى على شكل برميل ... وكمان شوف الجسر الجنوبى والشمالى لما بتشغل الجهاز بيسخنوا بسرعه اوي ولا عادي
رد: مشكلة في الجهاز - لا يعمل !!
المكثفات طبيعية جدا
الجسر الجنوبي بيسخن بسرعة جدا اول ما اوصل الجهاز (طبيعي ؟)
رد: مشكلة في الجهاز - لا يعمل !!
نفس المشكلة بالضبط حصلت معايا , و أنا بوصل هارد , كابلاته كانت مش مضبوطة , فحصل دخول كهرباء زائدة للبوردة عن طريق الUSB
للأسف شيباية البوردة طارت فيها , ربنا يوفقك و تكون حاجة مؤقتة
رد: مشكلة في الجهاز - لا يعمل !!
اقتباس:
المشاركة الأصلية كتبت بواسطة White Ghost
نفس المشكلة بالضبط حصلت معايا , و أنا بوصل هارد , كابلاته كانت مش مضبوطة , فحصل دخول كهرباء زائدة للبوردة عن طريق الUSB
للأسف شيباية البوردة طارت فيها , ربنا يوفقك و تكون حاجة مؤقتة
فعلا احتمال كبير يكون هو دا اللي حصل
طب طمني , البوردة عملت فيها ايه ؟
المهم ممكن الهارد يكون حصله حاجة ؟ دا اهم حاجة في الجهاز
رد: مشكلة في الجهاز - لا يعمل !!
اقتباس:
سبته من امبارح وفاصل كل حاجة ما عدا كابل الباور , جربت انهاردة ونفس المشكلة :(
جرّب مرّة أخرى لكن مع فصل كبل مزوّد الطّاقة..هذا ما فعلته أحد المرّات حتّى عاد الجّهاز ليعمل معي.
رد: مشكلة في الجهاز - لا يعمل !!
اقتباس:
المشاركة الأصلية كتبت بواسطة ramy 64
جرّب مرّة أخرى لكن مع فصل كبل مزوّد الطّاقة..هذا ما فعلته أحد المرّات حتّى عاد الجّهاز ليعمل معي.
فصلت كل شئ ومع ذلك المشكلة ما زالت موجودة !!
رد: مشكلة في الجهاز - لا يعمل !!
هل صوت الصّفير العادي أو صوت صفير آخر يصدر عند تشغيل الجّهاز؟
رد: مشكلة في الجهاز - لا يعمل !!
- قم بتجربة الباورصبلاى وحده من فضلك ، أخلع جميع توصيلاته داخل الجهاز وفكه تماما.
- قم بأستخدام سلك خارج بتوصيل الكابل ذا اللون الأخضر والكابل ا اللون الأسود المقابل له ، فى كابل الـ 24 بن الكبير.
- أشك أن الباورصبلاى لم يعد يعمل.