إفطار و تجمّع رمضانى بالإسكندريه . حضورك اساسى معنا
السلام عليكم و رحمه الله و بركاته
عندما كنت فى سيمينار ADATA بالقاهره قررت انا و العضو الكريم Hulky التجهيز لإفطار جماعى بالإسكندريه
و قد وافق على الفكره الكثير و الكثير من الأعضاء .
من المدعوين ؟؟؟؟
- أى شخص ينتمى لعرب هاردوير
- أى شخص يحب ان يتعرف على اعضاء من عرب هاردوير
- الطاقم الإدارى بأكمله
متى الميعاد ؟؟؟؟
الميعاد سيكون فى الإسبوع الثانى من رمضان إن شاء الله
لم يتم تحديد اليوم بعد لأن ذلك بناءاً على رغبتكم انتم
الجمعه الموافق 2010-08-27 ؟؟
الأحد الموافق 2010-08-29 ؟؟؟
اختارو يوم من الأربعه أيام ليكون هو يوم الإفطار
و بالمناسبه احب ان اكتب إليكم بعض التنبيهات التى ستكون حساسه جدااااااااااااااا
1- اولا لابد من توافر عامل السرعه ( يعنى موضوع اليوم ده يتحدد بكره او بعده بالكتيـــــــر ) عشان
انا و محمد هنحجز على أساسه الميعاد .
2- اللى ناوى يحضر لازم لازم يكون متأكد من حضوره . لأن المكان هيتحجز بالعدد بالضبط و كل فرد عليه رسوم حجز
طبعا انا اشيلكم على عينى و راسى حتى لو الكل مش جى ( مش مهم الفلوس ) لكن العدد هيكون كبير إن شاء الله
3- كل اللى عليكم انكم هتركبو من رمسيس مصر و تنزلو فى محطه مصر بالإسكندريه و هالكى هيكون فى
استقبالكم لحد باب المطعم
و هنفضل مع بعض لحد السحور . و بعدها ترجعو سالمين إلى قاهره المعز
4- اى حد يحب يجى من الجمهوريه كلها اتمنى من الله انه ميترددش
انا فكرت اوجه دعوه شخصيه لكل واحد
بس النظام ده فاشل . احنا اصحاب مع بعض و مش هنستنى دعوات عشان تيجو ولو عايزين دعوه يعنى
(( يارب تنجحو )) عايزين دعوه كمان ؟؟؟ (( يارب تروحو الجنه )) اظن كده دعوتين لكل شخص :D
الأستاذ عمر نازور - و الأستاذ إبراهيم حمدى سيادتكم مطلوبون بالإسم فى هذا الإفطار
و يا إبراهيم حضرتك وعدتنا بالحضور و متخافش هجيبلك الأكله اللى بتحبها ( فول و فلافل هههههههههههههه )
المطلوب منكم إيه دلوقتى ؟؟؟
المشاركه كالتالى إن شاء الله
1- الإسم بالكامل
2- افضل يوم للحضور ( من الأربعه أيام المكتوبه فوق )
3- نمره التليفون
و بكرر اللى هيجى ميكونش متردد عشان الحجز ميضيعش على هالكى يا شباااااااااااااااااااااب
بالنسبه لمكان المطعم و نوعيه الأكل فهسيبها لهالكى يكلمكم بنفسه فيها . او اقترحو علينا برضو
عشان المبالغ متأفورش منكم و انتو على سفر برضو ( واللى مش عايز يسافر هيبات معايا و هصوره مع السيليرون ههههههههههههههه )
يمكنكم إضافه تصويت على يوم المقابله على الرابط التالى
https://www.arabhardware.net/forum/s...d.php?t=184796
و ياريت يا شباب ننجز عشان التأخير ده هيضيع علينا افكار كتير ممكن ننفذها مع بعض
رد: إفطار و تجمّع رمضانى بالإسكندريه . حضورك اساسى معنا
خياااااااااااااااااانة
حتى انت يا بروتس
مش قايلين الافطار الاول فى القاهرة
انا اتفقت مع رمزى
و هو عندة المكان و كل الحبشتكنات
مستنى بس افتتح المسابقة
عشان مفيش وقت و بحضرلها
عموما مفيش مشكلة اليكس - كايرو - جنوب السودان حتى ...
المهم نكون سويا و نجتمع على خير ان شاء الله
اى يوم تحددة ان شاء الله يكون مناسب لى
و لكن حبذا ان كان فى اول اسبوع او بحد اقصى عاشر يوم
حتى يتسنى الوقت لعمل افطار اخر بالقاهرة
خاصة ان الامر سيكون صعب فى العشرة الاواخر
رد: إفطار و تجمّع رمضانى بالإسكندريه . حضورك اساسى معنا
كان نفسى أجى ، بس للأسف أنا فى حاجات ممنوع من أكلها :o ، هشوف كده نظام الأكل ولو كده ممكن أجى ( هتصرف فى الدروس )
تعديل : كمان فى مشكلة تانية ، أنا ممنوع من الصيام :D
رد: إفطار و تجمّع رمضانى بالإسكندريه . حضورك اساسى معنا
فكره هايله فعلا و شكرا على المجهود و لكن ليا سؤال هام للغايه سيكون فى أى اسبوع من رمضان تحديداً علشان انا داخل اعمل عمليه و مهم طبعاً انى مفوتهاش و خصوصا ان احتمال والدى يزعل لو أجلتها , المهم أول ما تقرروا الميعاد أرجو الابلاغ فى هذا الموضوع علشان اشوف هل أقدر أجى أم لأ!! انا مش فارقه معايا أى يوم المهم بعد تحديده أرجو الاعلان عنه للضروره
شكراً
رد: إفطار و تجمّع رمضانى بالإسكندريه . حضورك اساسى معنا
الميعاد يا شباب هيكون فى اخر الأسبوع الثانى من رمضان
1- اولا عشان الكل يكون اخد على الصيام
2- عشان اللى وراه إفطار مع الأقارب يكون راح و اتبسط و بعدين يجيلى انا بقى :D
و يا شباب المهم انكم تيجوووو و نشوفكم
مش مهم حتى الإفطار إنشاللا ناكل كباب و كفته يا عم اليوم ده :D
رد: إفطار و تجمّع رمضانى بالإسكندريه . حضورك اساسى معنا
يا ريت يبقي يوم جمعة يا حودة عشان الناس الل عندها دروس (زي حالاتي) و الناس اللي عندها ثانوية و شغل و الكلام ده كله
و فكرة ممتازة يا زعيم:)
رد: إفطار و تجمّع رمضانى بالإسكندريه . حضورك اساسى معنا
اقتباس:
المشاركة الأصلية كتبت بواسطة MF88
مش مهم حتى الإفطار إنشاللا ناكل كباب و كفته يا عم اليوم ده :D
- فعلا ، أهم شئ التواضع. :ah38:
رد: إفطار و تجمّع رمضانى بالإسكندريه . حضورك اساسى معنا
هههههههههههههههههههههههههههههههههههههه طول عمرى متواضع
حتى اسأل الناس بتوع القسم يا عم المشرف :D
رد: إفطار و تجمّع رمضانى بالإسكندريه . حضورك اساسى معنا
^^ مش حاجى! :p
هو بس لى طلب اننا نلحق بسرعة نحط تصويت للناس , سواء جمعة او أحد لانه اكتر يومين متاح فيهم الاجازات سواء لأصحاب الاعمال او الدراسة, مستنينكم فى اليكس المرة دى :D
رد: إفطار و تجمّع رمضانى بالإسكندريه . حضورك اساسى معنا
خميس :D ، لأنه بما إن الناس عندهم أجازة الجمعة يبقوا يسهروا براحتهم عشان ميروحوش الشغل تعبانين ، محمود على فكرة أنا مش ممنوع من الكباب و الكفتة :D ، أى مشويات أنا دايس ، مقليات I'm Out :o
رد: إفطار و تجمّع رمضانى بالإسكندريه . حضورك اساسى معنا
كان نفسى اجى بس صعب اوى :)
لو هتعملوا فى القاهرة انا موجود موجود
رد: إفطار و تجمّع رمضانى بالإسكندريه . حضورك اساسى معنا
تعالى انت بس , عامة فى توجه لمعطم بيتزا هنا على البحر ممتاز , القيصر الصغير او ليتل سيزر , فى رشدى على البحر , بحيث يكون فى بيتزا + اى حاجة بتحبها! فى بيتزا جمبرى لو عايز! وفى بيتزا بالمتر! حرفيا مش هزار! نخلص الاكل ونمدد اقصد نتمشى على البحر او اى مكان تحبوه خاصة فى ضهرنا ماكسيمم لو تحبوا تروحوا لهم كمان فى اليكس :)
للمرة الجازليون! عايزين استفتاء فوق للموضوع! يوم احد ويوم جمعة! عشان على اساسه نتحرك بسرعة بس!
رد: إفطار و تجمّع رمضانى بالإسكندريه . حضورك اساسى معنا
اقتباس:
المشاركة الأصلية كتبت بواسطة ṰǾЯŊΛĐф
خميس :D ، لأنه بما إن الناس عندهم أجازة الجمعة يبقوا يسهروا براحتهم عشان ميروحوش الشغل تعبانين ، محمود على فكرة أنا مش ممنوع من الكباب و الكفتة :D ، أى مشويات أنا دايس ، مقليات I'm Out :o
ليه؟؟...خير....عامل ريجيم؟؟؟:D
_____________________-
شباب للاسف انا مش هاعرف اجى...عندى معاد مرتبط بيه كل يوم لحد نص رمضان .........ولو ممكن انا حاخد الاكل بتاعى دليفرى لطنطا....:D:D:D:ah40:
طبعبا عارف كلكم زعلانين انى مش جاى:D .........بس ملحوقة
رد: إفطار و تجمّع رمضانى بالإسكندريه . حضورك اساسى معنا
طب شباب هو انا ممكن لو عرفت اقنع الوالد قبلها بيومين ينفع تحجزولى
و بلاش بيتزا على الفطار خلوها كنتاكى - تيكا اى حاجة فيها لحوم و خلاص
رد: إفطار و تجمّع رمضانى بالإسكندريه . حضورك اساسى معنا
اقتباس:
المشاركة الأصلية كتبت بواسطة ashmayee
ليه؟؟...خير....عامل ريجيم؟؟؟:D
ولو عامل رجيم هفطر إجبارى يا زيكو :D ، واضح إنك مكنتش متابع الفترة اللى فاتت :o .
@ HulkY : لو مصمصم خليها الجمعة ( مع إنى أفضل الخميس ) و +1 على البيتزا :)