عرض للطباعة
انا مش دارس هندسه ولاحاسب الى بس حابب مجال الشبكات
سؤالى هو هل لو اخدت شهاده سيسكو او مايكروسوفت ممكن الاقى شغل ولا لازم مؤهلى يكون فى مجال الهندسه والحاسب الالى
ولو ممكن اشتغل بالشهادات دى ايه افضل شبكات سيسكو ام مايكروسوفت وازاى ممكن الاقى شغل بعد كده
ارجو الرد وشكرا
الاخ الكريم
الشغل موجود وكتير الحمد لله
المهم انت تذاكر كويس وتفهم مواضيع الشهادات بعمق ومش لازم يبقي عندك خبرة في اول فترة شغل ممكن تشتغل في شركة صغيرة تاخد منها خبرة وبعدين تروح للاحسن لما مستواك يتحسن
انصحك بانك لازم
1. تتعامل مع الكمبيوتر علي اساسانه هيبقي شغلك مش مجرد هواية
2. تاخد شهادة ICDL
3. تذاكر شهادة A+ هتديلك اساس شغل الهاردوير بتاع الكمبيوتر نفسه وهتمهدلك لحاجت كتير قوي مهمة بعدين
4. تاخد شهادة Network + هي دي المهمة جدا لازم تفهم كل حرف فيها هي دي اللي هتبقي الاساس اللي هتمشي عليه في شغل الشبكات ان شاء الله
5. تاخد CCNA او MCSE حسب رغبتك في الشغل ياما شغل الهاردوير بتاع سيسكو او شغل ويندوز سيرفر بتاع ميكروسوفت
الكورسات دي كلها مشروحة في المنتدي في قسم الشهادات العلمية دور عليها هتلاقيهم مشروحين فيديو عربي شرح رائع جدا لمهندسين من اكفا مهندسي الشبكات في العالم العربي ومش هابالغ لو قلتلك في العالم كله
المووضع مش طويل ولا حاجة انت ممكن تخلص القصة دي في ظرف سنة ان شاء الله
واحنا معاك لو احتجت اي حاجة
وربنا يكرمك ان شاء الله
يعنى مش شرط المؤهل يكون فى الهندسه او الحاسب يعنى اعرف اشتغل
الاخ الكريم
اكيد بكالوريوس علوم الحاسب او هندسة الاتصالات بيديلك تقل في الي CV بتاعك وبيرجح كفتك عن باقي زملائك
بس لان المجال يعتبر لسه الي حد ما جديد فالشركات اوقات كتير بتحتاج موظفين كتير ومش بتلاقيهم كلهم من خريجين حاسبات او هندسة
وبعدين هو بيعملك انترفيو نجحت كان بها , منجحتش تبقي دي مشكلتك انت
يعني المهم المهارة والاجتهاد حتي لو كنت خريج هندسة او حاسبات
وربنا يوفقك
الف شكرا على رودودكم
وجزاكم الله خيرا