هاااام لتقليل حرارة عقل الكمبيوتر
طبعا كلكم مهتمين بموضوع تخفيض الحرارة خاصة للبروسيسور
التبريد بيتحكم فيه 3 حاجات مهمين :
1-الكولر
2-المعجون الحراري
3-الفولت اللي داخل للبروسيسور
طبعا الكل أو المعظم عارفين أول نقتطين لكن النقطه التالته هي اللي غامضة شوية وهي دي اللي هحاول أوضحها في الموضوع متناولا اكثر البوردات انتشارا في مصر GigaByte .
طبعا كلنا عارفين أن الفولت اللي داخل للبروسيسور بيكون بمقدار معين و اذا زاد بيقصر على حرارة البروسيسور بشكل كبير و بل عمره الأفتراضي , اذا الموضوع خطير وطبعا محبي كسر السرعه دايما يزودوا الفولت اللي داخل للبروسيسور بعد زيادة السرعه للمحافظة على الثبات لكن أحنا في الموضوع ده هنعمل العكس ليه ؟؟؟؟
عشان انا في الفترة الأخيرة وجدت معظم البورد بتدخل الفولت الأعلى للبروسيسور في حاله تركها اوتوماتيكيه ولكن البروسيسور يمكنه العمل بفولت أقل من كده و لذلك يعمل على خفض الحرارة و في الأتي سرد الطريقه لبورد من ماركة جيجا بايت لأنها الاكثر انتشارا هنكتفي بمثال واحد لأن الطريقه ثابته حتى بين البورد الداعمه ل INTEL والداعمه ل AMD اما أصحاب الأنواع الأخرى فهيطبقوا الطريقة بمبدأ القياس لأني هحط جدول في أخر المشاركة توضح الفولت المثالي لكل نوع من البروسيسرات المنتشرة في مصر .
الطريقة :
1-هنشوف من صفحة PC health على البايوس الفولت اللي داخل للبروسيسور Vcore لو لقيته ازيد من الجدول تحت كمل باقي الخطوات أما لو أقل أو زيه خلاص يبقى تمام التمام .
2-اطلع من Pc health و ادخل على MB Intelligent Tweaker هتلاقي زي ما باين في الصورة آخر اختيار Normal CPU Vcore اختار القيمه اللي في الجدول اللي تحت في اخر المشاركة حسب البروسيسور ( في حاله ان الأختيار غير نشط اعمل System Voltage Control على الوضع normal )
3-قم بحفظ الأعدادات باستخدام f10 والموافقة .
4-نقوم بتشغيل هذا البرنامج من الويندوز للتأكد من الثبات حيث أن اللي مكتوب في الجدول هي قيم الفولتات من وإلى فبالتالي هنبدأ بالأقل ونجرب الثبات فلو نجح خير والحمد لله ولو فشل نزود القيمه و هكذا .
دي صورة للبرنامج كل اللي عليك تظبط البرنامج على الأعدادات اللي في الصورة وهي عامة ال Default وتضغط Start . استناه لغايه ما يخلص وهيقولك انه نجح لو منجحش لا قدر الله هتلاقي الشاشة المميته الزرقاء أو هيكتبلك ان فيه خطأ و بالتالي هتعلي الفولت وهكذا لغاية ما تحصل على الثبات و النجاح .
و أدي الجدول بتاع الفولتات ولو في بروسيسور مش موجود أسألوا وأنا أقولكم عليه لأني اللي مذكرتوش غالبا بيكون Auto لأن البورد بتقرأه صح . المصدر هو شركه AMD وشركه INTEL
أتمنى يكون الموضوع أفدكم أو اضفلكم جديد و بالتوفيق دائما وأي استفسار أنا في الخدمه مستني ردودكم . __________________
رد: هاااام لتقليل حرارة عقل الكمبيوتر
اخي الحبيب محمد اشكرك على طرحك لهذا الموضوع الحساس ولكني اشك بصحة الصوره الاخيره اذ انني قمت بزيارة صفحة معالجي في شركة انتل لاعرف الفولت الامن لمعالجي وهو كور اي 7 920 ووجدته لغاية 1.36 ولكن مع هذه الصوره الاخيره الوضع مختلف مع العلم ان المقصورد بتقصير العمر الافتراضي عن طريق زيادة الفولت هو بطريق غير مباشره عن طريق رفع درجة الحراره ,لذلك لو استخدمنا مشتت احترافي والحراره لم تتجاوز ال 68 فاحنا كده بنكون مدلعينه لسيادة المعالج باشا حتى لو كان الفولت المصاحب لهذه الحراره 1.40 ( هذه وجهة نظري)
رد: هاااام لتقليل حرارة عقل الكمبيوتر
اخي الحبيب من فلسطين اشكرك علي هذة الاضافة وحهة نظرك سليمة والسب ان المعالج الزي تستخدمه ذو امكانيات عالية اخي الحبيب
رد: هاااام لتقليل حرارة عقل الكمبيوتر
شكرا لك عل الموضوع
لكن استغرب ان كان تخفيض الفولت أمر ناجح في تبريد المعالج أو بالاحرى تخفيض حرارته
اذن لما لم تقوم الشركات المصنعة للمعالجات بتصنيع المعالجات عل الفولت الأقل ؟؟؟
وشكرا عل الموضوع
تحياتي
رد: هاااام لتقليل حرارة عقل الكمبيوتر
اخي الكريم جزاك الله كل خير
ولكن لى استفسار وهو نفس استفسار اخي فى الله FRyLocK
لما لم تقوم الشركات المصنعة للمعالجات بتصنيع المعالجات عل الفولت الأقل ؟؟؟
رد: هاااام لتقليل حرارة عقل الكمبيوتر
المشكلة أن الشركة عليها أن تضمن استقرار المعالج لذلك يجب أن يكون هناك حد معين للجهد يضمن عمل جميع نسخ هذا المعالج عليها "أقصد بالنسخ الPatch"
فمثلا أن المعالج عندي يعمل على جهد 1.325 وعندما يكون على الAuto يعمل على جهد 1.375 و السبب بكل بساطة لضمان أفضل استقرار لعدم الخبير بهذا الموضوع ولكن البارحة و الحمد لله استطعت العمل علية بجهد 1.100 و كان الحاسب يعمل بكل ثتات
رد: هاااام لتقليل حرارة عقل الكمبيوتر
سبق وتم تنبيهك لضرورة ذكر مصدر الموضوع إن أردت نقله.
يغلق الموضوع وسأعتبر هذا التنبيه الأخير لك.